රාජ්‍ය සේවකයන් ලෙස පෙනී සිටින පුද්ගලයන්ට වසර පහක උපරිම සිර දඬුවමකට යටත් විය හැකි බව නීතිපති දෙපාර්ථමේන්තුව තහවුරු කොට තිබෙනවා.
ව්‍යාජ රැකියා විස්තරයක් ලබා දීමේ ප්‍රතිවිපාක පැහැදිලි කිරීම සඳහා නීතිපති දෙපාර්ථමේන්තුව පසුගියදා සිය සමාජ මාධ්‍ය වේදිකාවල වීඩියෝවක් පළ කොට තිබිණි.
අපරාධ හා දඬුවම් නීතිය ප්‍රකාශයට පත් කරන 2021 අංක 31 දරන ආඥා පනතේ (299) වගන්තියට අනුව, ප්‍රසිද්ධ තනතුරක් දරන්නෙකු ලෙස පෙනී සිටින කවරෙකුට වුව ද වසර පහකට නොවැඩි කාලයක් සඳහා සිරදඬුවම් හා රාජ්‍ය රැකියාවකට හෝ සේවාවකට බාධා කරන හෝ නීති විරෝධී අරමුණක් ඉටුකර ගැනීමට හෝ තමාට හෝ අන් අයට කිසියම් ආකාරයක වාසියක් ලබා ගැනීමට කටයුතු කරන ඕනෑම අයෙකුට එම දඬුවමම නියම කළ යුතු බව නීතිපති දෙපාර්ථමේන්තුව ප්‍රකාශ කළේය.
පළමු ඡේදයේ දක්වා ඇති එක් අපරාධයක් ආරක්ෂක හෝ පොලිස් සේවාවන්හි සේවකයින් ලෙස පෙනී සිටීමේ දී සිදු වුවහොත් දඬුවම වසරකට නොඅඩු සහ වසර පහකට නොවැඩි කාලයක් සඳහා සිරදඬුවම් නියම කළ යුතුය.
