පන්නිපිටිය ධර්මපාල විද්‍යාලය සහ මාතර රාහුල විද්‍යාලයීය ආදි ශිෂ්‍යයන්ගේ UAE මහා ක්‍රිකට් ගැටුම 2023 මැයි 6 වෙනි සෙනසුරාදා සවස 5:00 ට සාජා ඉංග්‍රීසි පාසල් ක්‍රීඩාංගණයේදී අතිඋත්කර්ශවත් අන්දමින් පැවැත්වෙනවා. මෙම තරගය පවත්වනු ලබන්නේ සාර්ථක දෙවන වතාවටයි.
මෙම ක්‍රිකට් තරඟයේ පන්නිපිටිය ධර්මපාල විද්‍යාලයීය කන්ඩායමේ නායකත්වය උපේක ජයවර්ධන විසින් දරන අතර මාතර රාහුල විද්‍යාලයීය කන්ඩායමේ නායකත්වය චතුර පලිහක්කාර විසින් හොබවනවා.
මීට පෙර පැවති තරඟය පන්නිපිටිය ධර්මපාල විද්‍යාලයීය කණ්ඩායම විසින් ජයග්‍රහනය කොට තිබෙනවා.
තරඟය නරඹන අතරවාරයේදී ශ්‍රී ලාංකීය අවන්හලක අලෙවිසැලකින් ප්‍රනීත ආහාර රසවිඳීමටත්, තරඟය පුරාවට CRICHEROES APP මගින් මාර්ගගත ලකුණු සටහන් කිරීමට එක්වීමටත්, සජීවී YOUTUBE තරඟ විකාශය යෝධ තිර මත නැරඹීමටත්, ප්‍රවීණ ක්‍රිකට් විචාරකයින් විසින් ගෙන එන සජීවී ක්‍රිකට් විවරණයත් අත්විදීමටත්, පවුලේ සැමට එක්ව විනෝද ක්‍රියාකාරකම් වලට සහභාගීවීමටත්, DJ සංගීතයෙන් සහ රිද්මයෙන් පිරුණු වටපිටාවක් අත්විඳීමටත් තරඟය නැරඹීමට මෙහි පැමිනෙණ සියල්ලන්ටම උදාවනු ඇත.
එක්සත් අරාබි එමීර් රාජ්‍යයෙහි වෙසෙන ක්‍රිකට් ක්‍රීඩා ලෝලී ඔබටත් තම හිතවතුන්, මිතුරු මිතුරියන් හා පවුලේ සැම එක්ව මෙම ක්‍රිකට් ගැටුම නරඹන්නට ආරාධනා කරන අතර, පාසල් මිතුරන් සමග විනෝද වන්නට ක්‍රීඩකයින් වෙනුවෙන් ජයඝෝෂා නගමින් ප්‍රීති වන්නටත් ලැබෙන සුවිශේෂී අවස්ථාවට එක්වන ලෙසටයි මේ ආරධනය.
