එමිරේට්ස් ගුවන් සේවය සීමිත කාලයක් සඳහා ඩුබායි වෙත ගමන් කරන හෝ එහි නතර වන මගීන්ට නොමිලේ හෝටල් නවාතැන් පහසුව ප්‍රකාශයට පත් කළේය. ප්‍රකාශයක් නිකුත් කරමින් ඩුබායි හි ප්‍රමුඛතම ගුවන් සේවය පැවසුවේ වෙන්කරවා ගැනීමේ කාලය 2023 මැයි 22 සිට ජුනි 11 දක්වා විවෘතව පවතින බවයි.
එමිරේට්ස්හි First class හෝ Business class යාමට-ඒමට ප්‍රවේශපත්‍රයක් මිලදී ගන්නා හෝ ඩුබායි වෙත පැමිණීමට හෝ නැවතීමට පැමිණෙන සංචාරකයින්ට “25Hours Hotel Dubai One Central” හි නොමිලේ රාත්‍රී දෙකක නවාතැනක් භුක්ති විඳිය හැකිය. අනාගත කෞතුකාගාරයට (Museum of the Future) ඉහළින්, DIFC අසල, හෝටලය පිහිටා ඇති අතර සියලුම ප්‍රධාන ආකර්ශනීය ස්ථාන වෙත පහසුවෙන් ප්‍රවේශ විය හැකිය. මගීන්ට ගුවන් තොටුපළට සහ ඉන් පිටතට කුලීරථ සේවාවක් ද ලබා ගත හැකිය.
Pemium economy class හෝ Economy class ගමන් කරන ගුවන් මගීන් සඳහා ඩුබායි හි “Novotel World Trade Centre” හෝටලයෙහි නොමිලේ එක් රාත්‍රියක නවාතැන් පහසුකම් ද ගුවන් සමාගම පිරිනමයි. මෙම දීමනාව මැයි 26 සහ අගෝස්තු 31 අතර දිනයන් සඳහා පැය 24කට වැඩි කාලයක් ඩුබායි වෙත යාමට-ඒමට වෙන්කරවා ගන්නා ප්‍රවේශපත්‍ර සඳහා වලංගු වේ. හෝටලය ඩුබායි ජාත්‍යන්තර වෙළඳ සහ ප්‍රදර්ශන මධ්‍යස්ථානය (DWTC) තුළ පිහිටා ඇත.
Emirates.com, Emirates ඇමතුම් මධ්‍යස්ථානය, ප්‍රවේශපත්‍ර කාර්යාල හෝ සහභාගී වන සංචාරක නියෝජිතයන් හරහා පැමිණීමට අවම වශයෙන් පැය 96කට පෙර වෙන්කරවා ගැනීම් කළ යුතුය.
ඩුබායි නගරයේ සහ එක්සත් අරාබි එමීර් රාජ්‍යයේ සිටින ගුවන් ගමන් හවුල්කරුවන්ගෙන් ලැබෙන දීමනා සහ විශේෂ වට්ටම්වලින් උපරිම ප්‍රයෝජන ගැනීම සඳහා ඔවුන්ගේ එමිරේට්ස් බෝඩිං බලපත්‍රයේ පිටපතක් තබා ගන්නා ලෙස එමිරේට්ස් ගුවන් සේවය පාරිභෝගිකයින්ට මතක් කර දුන්නේය.
දීමනාවේ වලංගුභාවය
වෙන්කරවා ගැනීමේ කාලය: 2023 මැයි 22 – 2023 ජූනි 11
ගමන් කාලය: 2023 මැයි 26 – 2023 අගෝස්තු 31
ගුවන් යානයේදී නොමිලේ WiFi
එමිරේට්ස් ස්කයිවර්ඩ්ස් සඳහා ලියාපදිංචි වූ පසු සෑම ගමන් පන්තියකම මගීන්ට යම් ආකාරයක නොමිලේ සම්බන්ධතාවක් භුක්ති විඳිය හැකි බව ගුවන් සමාගම මෑතකදී නිවේදනය කළේය. එමිරේට්ස් ගුවන් සේවය ගුවන් ගමන් සම්බන්ධතාව මෑත කාලීනව වැඩිදියුණු කිරීම හරහා මෙය කළ හැකි විය.
Skywards සාමාජිකයින්, Blue, Silver, Gold, සහ Platinum වේවා, ඕනෑම පන්තියක ගමන් කරන – Economy class, Pemium economy class, Business class හෝ First class යන්නන්ට නොමිලේ WiFi භුක්ති විඳිය හැක.
