එක්සත් අරාබි එමීර් රාජ්‍යයේ ප්‍රථම වතාවට ඒකාබද්ධ ඕල්කට් පාසල් කණ්ඩායමේ සහ සහිරා පාසල් කණ්ඩායමේ ආදි සිසුන් අතර පැවැත්වූ සමාරම්භක මහා ක්‍රිකට් සැණකෙළිය 2023 ජුනි 3 වැනි සෙනසුරාදා අජ්මාන් හි මැලෙක් ක්‍රිකට් ක්‍රීඩාංගණයේදී පවත්වනු ලැබුවා. තරඟ ඉසව් දෙකක් යටතේ මෙම ක්‍රිකට් සැණකෙළිය පැවැත්වූ අතර ඒ සඳහා T10 තරඟයක් හා T20 තරඟයක් පැවැත්වූවා.
T10 තරඟය සඳහා කාසියේ වාසිය දිනූ ඕල්කට් පාසල් කණ්ඩායම පන්ඳු රැකීම තෝරාගත්තා.
ප්‍රථමයෙන් පන්ඳුවට පහරදුන් සහිරා පාසල් කණ්ඩායම සිය පන්ඳු ඕවර 10තුල කඩුළු 5 කට ලකුණු 121 රැස්කලා. පිළිතුරු ඉනිම ක්‍රීඩා කල ඕල්කට් පාසල් කණ්ඩායමට සිය පන්ඳු ඕවර 10තුල රැස්කරගත හැකි වූයේ කඩුළු 8 කට ලකුණු 81 පමණි. ඒ අනුව සහිරා පාසල් කණ්ඩායම ලකුණු 40කින් ජය ලැබුවා.
පන්ඳුවට පහරදීමේදී
සහිරා පාසල් කණ්ඩායමේ නායක අෆ්ලාල් සදීක් පන්ඳු 21කට ලකුණු 38 ද, සහිරා පාසල් කණ්ඩායමේ මාර්සෝ පන්ඳු 11කට ලකුණු 20 ද, ඕල්කට් පාසල් කණ්ඩායමේ අනුරාධ ජයරත්න පන්ඳු 8 කට ලකුණු 15 ද ලබාගනිමින් පිත්තෙන් දස්කම් දැක්වූවා.
පන්ඳු යැවීමේදී
සහිරා පාසල් කණ්ඩායමේ මාර්සෝ පන්ඳු ඕවර් 2 යවා ලකුණු 12 කට කඩුළු 4 ද, සහිරා පාසල් කණ්ඩායමේ ෆිරාස් මුෂින් මොහොමඩ් ඕවර් 1 යවා ලකුණු 1 කට කඩුළු 2 ද, ඕල්කට් පාසල් කණ්ඩායමේ දිනේෂ් ද සිල්වා ඕවර් 2 යවා ලකුණු 22 කට කඩුළු 2 ද ලබාගනිමින් පන්ඳුවෙන් දස්කම් දැක්වූවා.
T10 තරඟයේ වීරයා ලෙස සහිරා පාසල් කණ්ඩායමේ මාර්සෝ තෝරාපත්කර ගැනුනා.
T20 තරඟය සඳහා කාසියේ වාසිය දිනූ ඕල්කට් පාසල් කණ්ඩායම පන්ඳු රැකීම තෝරාගත්තා.
ප්‍රථමයෙන් පන්ඳුවට පහරදුන් සහිරා පාසල් කණ්ඩායම සිය පන්ඳු ඕවර 20තුල කඩුළු 6 කට ලකුණු 147 රැස්කලා. පිළිතුරු ඉනිම ක්‍රීඩා කල ඕල්කට් පාසල් කණ්ඩායමට පන්ඳු ඕවර 18.5තුල කඩුළු 6 කට ලකුණු 148 රැස්කරමින් T20 තරඟය කඩුළු 4 කින් ජය ලැබුවා. T20 තරඟය සඳහා දෙපිළම නියෝජනය කරමින් දක්ෂ ක්‍රීඩකයින් සහභාගීවූ බැවින් තරඟය අවසන් මොහෙත දක්වාම දැඩි තරඟකාරිත්වයකින් දක්වට ලැබුණා.
පන්ඳුවට පහරදීමේදී
සහිරා පාසල් කණ්ඩායමේ ඉෂාම් ගවුස් පන්ඳු 39කට ලකුණු 60 ද, ඕල්කට් පාසල් කණ්ඩායමේ සුදාර දේශන්ත පන්ඳු 16කට ලකුණු 43 ද, ඕල්කට් පාසල් කණ්ඩායමේ නාමල් ගුණවර් ධන පන්ඳු 45 කට ලකුණු 34 ද ලබාගනිමින් පිත්තෙන් දස්කම් දැක්වූවා.
පන්ඳු යැවීමේදී
සහිරා පාසල් කණ්ඩායමේ ඉෂාම් ගවුස් පන්ඳු ඕවර් 4 යවා ලකුණු 19 කට කඩුළු 2 ද, සහිරා පාසල් කණ්ඩායමේ මොහොමඩ් ඉස්වාන් ඕවර් 4 යවා ලකුණු 27 කට කඩුළු 2 ද, ඕල්කට් පාසල් කණ්ඩායමේ සුදේශ විමලතුංග ඕවර් 3 යවා ලකුණු 26 කට කඩුළු 2 ද ලබාගනිමින් පන්ඳුවෙන් දස්කම් දැක්වූවා.
T20 තරඟයේ වීරයා ලෙස ඕල්කට් පාසල් කණ්ඩායමේ සුදාර දේශන්ත තෝරාපත්කර ගැනුනා.
