2023 ජනවාරි සිට අප්‍රේල් දක්වා කාලය තුළ ඩුබායි වෙත සංචාරකයින් මිලියන 6.02 ක් පැමිණ ඇති බව දත්ත පෙන්වා දෙයි. පසුගිය වසරේ එම කාල සීමාවේ වාර්ථා වූ මිලියන 5.1 වඩා මිලියනයකට ආසන්න ප්‍රමාණයක් 18.04% කින් ඉහළ ගොස් ඇත.
2019 පූර්ව වසංගත සීමාවේ එම කාලය තුළ ලියාපදිංචි වූ සංචාරකයින් මිලියන 6.26 ට ඉතා ආසන්න වූ අතර 2022 හි වාර්ෂික සංචාරක පැමිණීම වන මිලියන 14.36 න් තුනෙන් එකකට වඩා වැඩිය.
බොහෝ සංචාරකයින් ඉන්දියාවෙන් පැමිණ තිබූ අතර එය 806,000 ක් වූ අතර, රුසියාව- 474,000 , එක්සත් රාජධානිය – 391,000, සෞදි අරාබිය- 352,000- සහ ඕමානය -348,000. ජර්මනිය, එක්සත් ජනපදය, ඊශ්‍රායලය, චීනය සහ ඉරානය ප්‍රධාන මූලාශ්‍ර රටවල් 10 අතර විය.
සමස්ථයක් වශයෙන් ගත් කල, බොහෝ සංචාරකයින් පැමිණියේ බටහිර යුරෝපයෙන් (22%), දකුණු ආසියාවෙන් (16%) සහ රුසියාව, පොදුරාජ්‍ය මණ්ඩලීය ස්වාධීන රාජ්‍යයන් සහ නැගෙනහිර යුරෝපයෙන් (15%).
වසංගතය හේතුවෙන් ඇති වූ සීමාවන් ලිහිල් කිරීමට ජාත්‍යන්තරව ගුවන් සමාගම් සහ ගුවන් තොටුපළවල් අරගල කරන අතරවාරයේ ඩුබායි හි ප්‍රධාන සංචාරක එන්ජිම වන එමිරේට්ස් ගුවන් සේවය සහ ඩුබායි ජාත්‍යන්තර ගුවන්තොටුපළ සඳහා ප්‍රමාණවත් කාර්ය මණ්ඩලයක් බඳවා ගනිමින්, සංචාරකයින් සංඛ්‍යාව ඉහළ යන විට, සේවා ශීඝ්‍රයෙන් ව්‍යාප්ත කිරීමට කඩිනම් පියවර ගැනීමත් සමඟ මෙම සංචාරකයින්ගේ වැඩිවීම සිදුව තිබේ.
රටපුරා එන්නත් කිරීමේ ව්‍යාපාරයත්, එක්සත් අරාබි එමීර් රාජ්‍යයේ ඇතුළුවීමේ සීමාවන් ලිහිල් කිරීම සහ සංචාරක දීමනා වැඩිදියුණු කිරීමත් සමග එමිරේට්ස් සංචාරකයින් සඳහා පමණක් නොව දක්ෂ වෘත්තිකයන් සඳහාද සොයන ගමනාන්තයක් බවට පත් කර ඇත.
නවාතැන් සැපයුම සහ ඉල්ලුම
ඩුබායි හි තරු පහේ කාමර 51,268ක මාස හතරක කාලසීමාව තුළ 78%ක වෙන් කරවාගෙන සිටි අතර UAE හි තරු හතරේ කාමර 42,786ක 80%ක වෙන් කිරීම් දැකගත හැකි විය.
පවතින මුළු කාමර සංඛ්‍යාව 148,949 ක් වූ අතර එය 2022 මට්ටමට වඩා 6% ක වැඩිවීමක් (සහ 2019 මට්ටමට සාපේක්ෂව 26% කින් ඉහළ ගොස් ඇත.)
සාමාන්‍ය ගාස්තු
මාස හතරක කාලපරිච්ඡේදය සඳහා සාමාන්‍ය දෛනික අනුපාතය ඩිරාම් 599 හි පැවති අතර, 2022 මට්ටම්වලට වඩා 6% කින් සහ 2019 මට්ටමට වඩා 22% කින් වැඩි විය.
DXB හි ඉහළ යාම
ඩුබායි ජාත්‍යන්තර ගුවන් තොටුපළේ (DXB) ගමනාගමනය 2019 මට්ටමෙන් 95.6% දක්වා ළඟා වූ අතර වසරේ පළමු කාර්තුවේදී මගීන් සංඛ්‍යාව මිලියන 21.2 ඉක්මවයි. ගුවන්තොටුපළ මගීන් මිලියන 66 කට සත්කාරකත්වය සපයමින් නවවන වසර සඳහා ලොව කාර්යබහුලම ජාත්‍යන්තර කේන්ද්‍රස්ථානය ලෙස එහි ස්ථානය රඳවා ගත්තේය.
DXB හි මගී ගමනාගමනය වසරේ මුල් මාස තුන තුළ 21,256,489 ක් වූ අතර එය 2022 පළමු කාර්තුවට සාපේක්ෂව 55.8% කින් ඉහළ ගොස් ඇති අතර 2019 සිව්වන කාර්තුවේ සිට සාමාන්‍ය මාසික ගමනාගමනය මිලියන හතක මගීන් සංඛ්‍යාවට ළඟා වූ පළමු අවස්ථාව සනිටුහන් කරයි. මාර්තු මස මිලියන 7.3 මගීන් සමඟ පළමු කාර්තුවේ කාර්යබහුලම මාසය වූ අතර එය DXB මගීන් 2020 ජනවාරියේ වාර්තා කළ මිලියන 7.8කට පසු ඉහළම මාසික ගමනාගමනය ද වේ.
