ඩුබායිහි මාර්ග සහ ප්‍රවාහන අධිකාරිය (RTA) Careem සමඟ සම්බන්ධ වී ඇති අතර, ඩුබායිහි බයිසිකල් නැවතුම් ස්ථාන 186 ක් හරහා අසීමිත සංචාර සඳහා, තනි සංචාරයක් විනාඩි 45 නොඉක්මවන්නේ නම් නොමිලේ පාපැදි සවාරි පිරිනමනු ලබනවා.
වාර්ෂිකව ජූනි 5 දින ලෝක පරිසර දිනය සැමරීම නිමිත්තෙන් මෙම පිරිනැමීම 2023 ජුනි 10 සෙනසුරාදා ක්‍රියාත්මක වෙනවා.
Careem යෙදුම හරහා මුල් තිරයේ ඇති “Go” කොටසට පහලින් ඇති “Bike” තේරීමෙන් පාරිභෝගිකයින්ට නොමිලේ සවාරි ලබා ගත හැක. පාරිභෝගිකයින්ට පැය 24 පුරාවට ප්‍රවේශය ලබා දෙන “එක් දින” අවසර පත්‍රය තෝරාගෙන “නොමිලේ” කේතය භාවිතයෙන් නොමිලේ සවාරියක් ලබා ගත හැකි වෙනවා. සහභාගිවන්නන්ට ඔවුන්ගේ කාඩ්පත් විස්තර ඇතුළත් කිරීමට අවශ්‍ය වන නමුත් අය කිරීමක් නොකෙරේ.
RTA ප්‍රජා කණ්ඩායම් සෞඛ්‍ය සම්පන්න පුරුදු අනුගමනය කිරීමට සහ විවේක හා ව්‍යායාම කරනා අවස්ථාවලදී නම්‍යශීලී සංචලන ක්‍රම භාවිතා කිරීමට දිරිමත් කරයි.
2020 පෙබරවාරි මාසයේ දියත් කළ දින සිට Careem Bike කාබන් ඩයොක්සයිඩ් ටොන් 2.5කට වඩා වැඩි ප්‍රමාණයක් විස්ථාපනය කර ඇති අතර එය වසර පුරා කාබන් ඩයොක්සයිඩ් විමෝචනය කරන මෝටර් රථ 713කට සමාන වේ.
