Author: kumudika
අද (24) මධ්‍යම රාත්‍රියේ උදාවන අසිරිමත් නත්තල් උත්සවය වෙනුවෙන් පැවැත්වෙන ප්‍රධාන දේව මෙහෙය කටාන හල්පේ ශුද්ධ වූ ෆ්‍රැන්සිස් සේවියර් මුනිදුන්ගේ දේවස්ථානයේ දී පැවැත්වීමට නියමිතය. කොළඹ අගරදගුරු පදවි ජන සන්නිවේදන අධ්‍යක්ෂ ජූඩ් ක්‍රිෂාන්ත ප්‍රනාන්දු පියතුමන් කියා සිටියේ අගරදගුරු අති උතුම් මැල්කම් කාදිනල් රංජිත් හිමිපාණන්ගේ ප්‍රධානත්වයෙන් මෙම දේව මෙහෙය පැවැත්වෙන බවයි. මේ අතර කිතුණු දේවස්ථානවල ආරක්ෂාව වෙනුවෙන් විශේෂ වැඩපිලිවෙළක් ක්‍රියාත්මක කරන බව පොලිසිය සදහන් කලේය.
අති පූජනීය ස්ථානයක් වන බෙත්ලෙහෙම් නගරයේ නත්තල් සැමරුම් සෑම වසරකම පැවැත්වූවත් මෙවර එහි නත්තල් සැමරුම් පැවැත්වීමක් සිදු නොවනු ඇතැයි වාර්තා වේ.බෙත්ලෙහෙම අයත් වන්නේ පලස්තීන පාලනයට නතු බටහිර ඉවුරේය. මෙවර නත්තල් සැමරුම් නොපැවැත්වෙන්නේ ඊශ්‍රායල හමුදා සහ ගාසා තීරයේ හමාස් සටන්කාමීන් අතරේ පවතින දරුණු ගැටුම් හේතුවෙනි. සාම්ප්‍රදායිකව බෙත්ලෙහෙම් නගරයේ අති උත්කර්ෂවත් අන්දමින් නත්තල සැමරුම හා අදාල සියලු කටයුතු අත්හිටුවා තිබේ. මෑත ඉතිහාසයේ බෙත්ලෙහෙම් නගරය තුළ නත්තල් සැමරුම සිදු නොවන්නේ ප්‍රථම වරට යැයි මාධ්‍ය වාර්තා පෙන්වා දෙයි.
ඉහල ඩෙංගු රෝගීන් ප්‍රමාණයක් වාර්තා වන රටවල් 30 අතරට ශ්‍රී ලංකාවද ඇතුළත් කර තිබෙන බව වාර්තා වේ. ලෝක සෞඛ්‍ය සංවිධානය සඳහන් කළේ, ශ්‍රී ලංකාවට අමතරව ඉන්දියාව, ඉන්දුනීසියාව, මියන්මාරය, සහ තායිලන්තය ද එම රටවල් අතරට ඇතුළත් කර ඇති බවයි.අග්නිදිග ආසියා කලාපයේ සාමාජික රටවල් 11න්, 10කම ඩෙංගු රෝගය සීඝ්‍ර පැතිරීමක් ඇති බව ද, ලෝක සෞඛ්‍ය සංවිධානය පවසයි. මහජන සෞඛ්‍යයට සැලකිය යුතු අභියෝගයක් එල්ල කරමින් පසුගිය දශක දෙක තුළ ගෝලීය වශයෙන් ඩෙංගු රෝග ව්‍යාප්තිය කැපී පෙනෙන ලෙස ඉහළ ගියේ ය. වසරේ ගතවූ කාලය පුරාවට ලොව රටවල් 80 කට අධික සංඛ්‍යාවක සහ ලෝක සෞඛ්‍ය සංවිධානයේ කලාප පහක ඩෙංගු වැළදුණු පුද්ගලයින් 5,000 කට අධික පිරිසක්…
හුස්ම ගැනීමට අපහසු තත්ත්වයෙන් සහ පෙනහළු ආසාදිත තත්ත්වයකින් මහනුවර ජාතික රෝහලට ඇතුළත් කළ පුද්ගලයකු මියගොස් ඇති බවත් ඔහුගේ මරණයෙන් පසු සිදු කළ පී.සී.ආර්. පරීක්ෂණයේදී ඔහු කොවිඩ් ආසාදිතයකු බවට තහවුරු වී ඇති බවට මහනුවර ජාතික රෝහල් ආරංචි මාර්ග තහවුරු කරයි . එසේ මියගොස් ඇත්තේ ගම්පොළ ඇත්ගාල ප්‍රදේශයේ 65 හැවිරිදි පුද්ගලයෙකි .කොවිඩ් වසංගතය හමාරවීමෙන් දිගු කාලයකට පසු මෙම මරණය වාර්තා වීම විශේෂ සිදුවීමකි.මේ වන විට රට තුළ ඔමික්‍රෝන් ජේ.ඒ 1වයිරසය පැතිර යමින් තිබෙන බවට වෛද්‍ය ජීවන්දර මහතා තහවුරු කරයි .
2022 වසරේ මාර්තු මාසයෙන් පසු ශ්‍රී ලංකාවේ පවුල් සියයට 60කට වැඩි ප්‍රමාණයක් ඔවුන්ගේ මුළු ආදායමේ අඩුවීමක් අත්විඳ තිබෙන බව ජනලේඛන හා සංඛ්‍යාලේඛන දෙපාර්තමේන්තුව පවසයි.වැඩ කරන පැය ගණන අඩුවීම, වෙළෙඳසැල්වලට පැමිණෙන පාරිභෝගිකයින් අඩුවීම, අලෙවිය පහළ යාම, රැකියා අහිමි වීම සහ රැකියා කොන්ත්‍රාත්තු තාවකාලිකව අත්හිටුවීම, මෙන්ම සත්ව ආහාර, ඉන්ධන, පොහොර මිල ඉහළ යාම මීට හේතුවී ඇතැයි එම දෙපාර්තමේන්තුව සඳහන් කළේ ය. ජනලේඛන හා සංඛ්‍යාලේඛන දෙපාර්තමේන්තුව මෙරට පවුල් ආර්ථික අර්බුදයට මුහුණ දෙන ආකාරය අවබෝධ කර ගැනීමේ අරමුණින් සිදුකළ සමීක්ෂණයක් හරහා මේ බව අනාවරණය වී තිබේ.
ප්‍රදේශයේ කඳු නැගීමේ වික්‍රමාන්විත කටයුතු සංවිධානය කරන හත්තා වේ උපත ලද ව්‍යාපාරයක් වන H.A.T Hatta විසින් සංවිධානය කරන ලද පැය දෙකක කඳු නැගීම, වැඩිහිටියන්ට සහ ළමයින්ට අමතක නොවන අත්දැකීමක් ලබා දෙමින් පසුගිය දෙසැම්බර් 23 සෙනසුරාදා ආරම්භ විය. මේ මගින් ඩුබායි හි මනරම් කඳුකර ප්‍රදේශයේ පොහොසත් අත්දැකීම් වලට සහභාගී වීමට ප්‍රජා සිදුවීම් සහ ක්‍රීඩා ක්‍රියාකාරකම් දහස් ගණනින් නිවැසියන් සහ අමුත්තන් එක්රැස් කරන බැවින්, හත්තා උත්සවයේ සමාරම්භක සංස්කරණයේ සැමරුම් පිරී ඉතිරී ගියේය. ඩුබායි හි දර්ශනීය නගරයේ සංස්කෘතිය, ක්‍රීඩා සහ පවුලේ විනෝදාස්වාදයේ විචිත්‍රවත් උත්සවයක් වන මෙම උත්සවය Dubai Destinations ශීත සෘතු ව්‍යාපාරයේ තුන්වන සංස්කරණයේ කේන්ද්‍රස්ථානය ලෙස ක්‍රියා කරයි. දෙසැම්බර් 31 දක්වා පැවැත්වෙන…
ඩුබායි පොලිසිය අලුත් අවුරුදු සැමරුම් සූදානම පිළිබඳ සාකච්ඡා කිරීම සඳහා සාප්පු සංකීර්ණ සහ ප්‍රධාන නේවාසික ප්‍රජාවන්ගේ කළමනාකාරිත්වය ඇතුළු උපායමාර්ගික හවුල්කරුවන් සමඟ රැස්වීමක් පසුගියදා පැවැත්වීය. ඩුබායි පොලිසියේ අපරාධ විමර්ශන කටයුතු පිළිබඳ සහකාර අණදෙන නිලධාරී මේජර් ජෙනරාල් විශේෂඥ ඛලීල් ඊබ්‍රාහිම් අල් මන්සූරිගේ ප්‍රධානත්වයෙන් රැස්වීම පැවැත්විණි. රැස්වීමට සහභාගී වූවන් අතර බ්‍රිගේඩියර් ටර්කි බින් ෆාරෙස්, සාමාන්‍ය මෙහෙයුම් දෙපාර්තමේන්තුවේ නියෝජ්‍ය අධ්‍යක්ෂ බ්‍රිගේඩියර් හරිබ් අල් ෂම්සි, අපරාධ පරීක්ෂණ දෙපාර්තමේන්තුවේ පරිපාලන කටයුතු පිළිබඳ සහකාර අධ්‍යක්ෂ ජනරාල් ඩුබායි සංචාරක පොලිසියේ අධ්‍යක්ෂ බ්‍රිගේඩියර් Khalfan Obaid Al Jallaf ඩුබායි රජයේ මාධ්‍ය කාර්යාලයේ (GDMO) උපාය මාර්ගික මාධ්‍ය කටයුතු පිළිබඳ අධ්‍යක්ෂ ආචාර්ය මයිතා බුහුමයිඩ් සහ ආරක්ෂක මාධ්‍ය දෙපාර්තමේන්තුවේ අධ්‍යක්ෂ මනාල් ඊබ්‍රහිම් හාජි…
රථ වාහන හා රියදුරන් සම්බන්ධ මාර්ග නීති උල්ලංඝනය සඳහා රජය විසින් නව දඩ මුදල් මාලාවක් නිකුත් කර තිබේ. ඊට අදාල වැරදි හා දඩ මුදල් පහත පරිදි වේ. • වලංගු යෝග්‍යතා සහතිකයක් නොමැතිව රිය පැදවීම – රු 4,000.00• ලියාපදිංචියකින් තොරව රිය පැදවීම -රු 10,000.00• බලපත්‍රයක් නොමැතිව රිය පැදවීම – රු10,000.00• රක්ෂණයක් නොමැතිව රිය පැදවීම – රු20,000.00• වැරදි අංක තහඩු සහිතව රිය පැදවීම – රු10,000.00• රියදුරු අතර ධාවනය වන රියදුරු දෘෂ්ටි රේඛාව තුල විද්යුත් උපාංගය භාවිතා කිරීම – රු10,000.00• රිය පැදවීමේදී ගංජා දුම්පානය – රු10,000.00• බලපත්‍රයේ නියමයන් නොසලකා මෝටර් රථය භාවිත කිරීම -රු 30,000.00 + දින 15 ක් සිරගත කිරීම• තහඩු නොමැතිව…
එමීර් රාජ්‍යය දකුණු සුඩානයේ සරණාගතයින්ට ආධාර කිරීමේ මානුෂීය මෙහෙයුමේ කොටසක් ලෙස ආහාර සැපයුම් ටොන් 100 ක් රැගත් ගුවන් යානයක් දකුණු සුඩානය වෙත යවා තිබේ. ලෝක ආහාර වැඩසටහන හරහා මෙම නැව්ගත කිරීම බ්‍රහස්පතින්දා යවා ඇති බව රාජ්‍ය ප්‍රවෘත්ති ඒජන්සිය Wam වාර්තා කළේය. අපේ‍්‍රල් මාසයේ සිට ඇවිලෙමින් පවතින ගැටුම් හේතුවෙන් ඔවුන්ගේ මව්බිමේ අවතැන් වූ සුඩාන සරණාගතයින් සඳහා මෙම ආධාර බෙදා දීමට නියමිතයි. සංවර්ධන කටයුතු සහ ජාත්‍යන්තර සංවිධාන සඳහා විදේශ කටයුතු සහකාර අමාත්‍ය සුල්තාන් අල් ෂම්සි පැවසුවේ, අවශ්‍යතා ඇති රටවලට සහය වීමේ මානුෂීය මෙහෙයුමේ කොටසක් ලෙස සුඩානයට තීරණාත්මක ආධාර ලබා දීමට එක්සත් අරාබි එමීර් රාජ්‍යයේ නවතම උත්සාහය මෙම නැව්ගත කිරීම බවයි. සුඩානයේ සටන්…
ඕස්ට්‍රේලියාවේදී පසුගිය වසරේ පැවැති විස්සයි20 ලෝක කුසලාන ක්‍රිකට් තරගාවලියට සහභාගි වෙමින් සිටියදී එල්ල වූ කාන්තා අතවර කිරීමේ චෝදනාවෙන් නිදහස් වූ ශ්‍රී ලංකා ඉදිරි පෙළ පිතිකරු ධනුෂ්ක ගුණතිලක වසර තුනකට අධික කාලයකට පසුව පළමු පෙළ තරගයකට හෙට (23) සහභාගි වීමට නියමිතය. සිංහල ක්‍රීඩා සමාජය (එස්.එස්.සී.) නියෝජනය කරන ධනුෂ්ක, නුගේගොඩ ක්‍රීඩා සමාජය එරෙහිව මොරටුව ද සොයිසා ක්‍රීඩාංගණයේදී හෙට ආරම්භ වන තරගයට සහභාගි වීමට නියමිත බව සඳහන්ය. ධනුෂ්කට ශ්‍රී ලංකා ක්‍රිකට් ආයතනය විසින් පනවා තිබූ තහනම මීට මාස කීපයකට ඉවත් කළ ද එස්.එස්.සී. පනවා තිබූ තහනම ඉවත් කර තිබුනේ නැත. නමුත් එම තහනම පසුගියදා ඉවත්කිරීම හේතුවෙන් ඔහුට නැවත අන්තර් සමාජ තරගාවලියට සහභාගි වීමේ…