ඩුබායි මාර්ග සහ ප්‍රවාහන අධිකාරියේ (RTA) ඩිජිටල් නාලිකා මගින් වාර්තාගත ඩිජිටල් ගනුදෙනු මිලියන 814ක් සමඟින් ඩිරාම් බිලියන 3.5ක් උපයා තිබෙනවා. මෙම සංඛ්‍යා, ගණුදෙණු පරිමාවේ 20% ක වැඩිවීමක් සහ ඩිජිටල් සේවා භාවිතා කරන්නන් සංඛ්‍යාවේ 30% ක වැඩිවීමක් පෙන්නුම් කරයි.
RTA නිලධාරීන් විසින් 2022 වසර සඳහා මෙම සංඛ්‍යා හෙළි කළ අතර, RTA හි ඩිජිටල් නාලිකා හරහා සිදුවන ගනුදෙනු, පරිශීලකයින් සහ ආදායම් මාර්ග සංඛ්‍යාව 2021 ට සාපේක්ෂව මෙම කාල සීමාව තුළ විශිෂ්ට වර්ධනයක් පෙන්නුම් කරයි.
ඩුබායි මාර්ග සහ ප්‍රවාහන අධිකාරියේ (RTA) විධායක අධ්‍යක්ෂ මණ්ඩලයේ සභාපති, අධ්‍යක්ෂ ජනරාල් Mattar Al Tayer මෙසේ පැවසීය. “2022 දී RTA මිලියන 814 ඩිජිටල් ගනුදෙනු වාර්තා කල අතර එය 2021 දී මිලියන 676 ක් වූ අතර 20% ක ශක්තිමත් වර්ධන වේගයක් පිළිබිඹු කරයි.”
“මීට අමතරව, 2022 දී ආදායම ඩිරාම් බිලියන 3.5 ක් වූ අතර එය පෙර වසරට වඩා10% ක වැඩිවීමකි. ලියාපදිංචි පරිශීලකයින් සංඛ්‍යාව මිලියන 1.3 දක්වා සියයට 30 % කින් වැඩි වූ අතර යෙදුම තුළ ගනුදෙනු සංඛ්‍යාව ගනුදෙනු මිලියන 3.7 දක්වා 197% කින් වැඩි විය.”
ලොව පුරා මාර්ග සහ ප්‍රවාහනයේ දක්ෂම නගරය ලෙස ඩුබායි ශ්‍රේණිගත කිරීම සඳහා ඉහළම මට්ටමේ සේවාවන් සැපයීම RTA හි අරමුණ බව ඔහු පැහැදිලි කලා.
මෙම මුලපිරීම් RTA හි දැක්ම වන ‘සීමා රහිත සහ තිරසාර සංචලනයේ ලෝක නායකයා’ සමඟ පෙළගැසී ඇති අතර උසස් ජාල මෙන්ම නව්‍ය සහ තිරසාර මාර්ග සහ ප්‍රවාහන සේවා මගින් මෙහෙයවනු ලබන ආරක්ෂිත සහ සුමට සංචලනය සැපයීමේ කැපවීමක් පිළිබිඹු කරයි.
විවිධ ඩිජිටල් නාලිකා
2022 දී, RTA විසින් ස්මාර්ට් යෙදුම් නිකුත් කිරීම සහ විවිධ මාර්ග හරහා නව විශේෂාංග හඳුන්වාදීම ඇතුළු ඩිජිටල් සේවා මාලාවක් හඳුන්වා දෙන ලදී.
එක් උදාහරණයක් වන්නේ වාහන මිලදී ගැනීම් සහ විකිණීමේ සේවාවයි, එය පාරිභෝගිකයින්ට දුරස්ථව ගනුදෙනු සම්පූර්ණ කිරීමට ඉඩ සලසයි, භෞතික පැවැත්මේ අවශ්‍යතාවය ඉවත් කරයි. මෙම සේවාව ස්වයංක්‍රීය රාජ්‍ය ගනුදෙනු කාණ්ඩයේ කීර්තිමත් ‘UAE නවෝත්පාදන’ සම්මානයෙන් පිළිගැනිණි.
වාහන නැවැත්වීමේ සේවාවන් සඳහා විවිධ වැඩිදියුණු කිරීම් ක්‍රියාත්මක කර ඇති අතර, ඉන් එකක් වන්නේ වාහන නැවැත්වීමේ ගාස්තු ගෙවීම සඳහා Apple Pay භාවිතා කිරීමේ හැකියාවයි. මෙම විශේෂාංගය ආරම්භයේ සිටම ගනුදෙනු මිලියන 2.2කට වඩා වැඩි ප්‍රමාණයක් සිදුකොට ඇත.
පාරිභෝගිකයින්ගේ දැනුවත්භාවය වැඩි දියුණු කිරීම සඳහා, නොමිලේ වාහන නැවැත්වීමේ දින පිළිබඳව පාරිභෝගිකයින්ට දැනුම් දීම ද ආරම්භ කර ඇත. එපමණක් නොව, “Apple Pass” මුදල් පසුම්බියට වාහන ලියාපදිංචි කිරීමේ විස්තර ඇතුළත් කිරීමෙන් පරිශීලකයින්ට ඔවුන්ගේ වාහන ලියාපදිංචි කිරීමේ කාඩ්පත් වෙත ක්ෂණිකව ප්‍රවේශ වීමට හැකි පහසු විශේෂාංගයක් RTA විසින් හඳුන්වා දී ඇත.
Mahboub Chatbot භාවිතය
2018 දී, RTA විසින් Mahboub Chatbot හඳුන්වා දීමෙන් කෘතිම බුද්ධි තාක්ෂණයන් භාවිතා කිරීම සඳහා එහි පළමු ගමන ආරම්භ කරන ලදී. මෙම නවෝත්පාදන පද්ධතිය, ස්මාර්ට් යෙදුම්, RTA වෙබ් අඩවිය සහ WhatsApp ඇතුළු විවිධ ඩිජිටල් නාලිකා හරහා RTA හි සේවාවන් සැපයීමේ මූලික ක්‍රමවේදයක් ලෙස ක්‍රියා කරයි.
Mahboub Chatbot පාරිභෝගිකයින්ට සේවා සහ විශේෂාංග 364 ක පුළුල් පරාසයක් පිරිනමයි. එපමනක් නොව, 2022 වර්ෂය තුළ, එය මිලියන දෙකකට අධික සංවාද සඳහා පහසුකම් සැලසූ අතර, වඩාත් ජනප්‍රිය සේවාව වන්නේ WhatsApp හරහා වාහන නැවැත්වීමේ ගාස්තු ගෙවීමයි, එමඟින් පාරිභෝගිකයින්ට කෙටි පණිවිඩ ගාස්තු දැරීමට ඇති අවශ්‍යතාවය ඉවත් විය.
