එක්සත් අරාබි එමීර් රාජ්‍යයේ සාර්ථකව 6 වන වරටත් සාන්ත ජෝසෆ් හා සාන්ත පීතර විද්‍යාල ආදි ශිෂ්‍යයන්ගේ මහා ක්‍රිකට් ගැටුම පෙබරවාරි 18 වෙනි සෙනසුරාදා අජ්මාන් හි මලෙක් ක්‍රීඩාංගනයේදී පැවැත්වූවා. එක්සත් අරාබි එමීර් රාජ්‍යයේ පවත්වනුලැබූ පළමුවෙනිම සහ පැරණිම hard ball තරගාවලිය වන්නේද JOE- PETE මහා ක්‍රිකට් ගැටුම වන අතර එය 2016 වසරේ පටන් පවත්වනවා.
මෙම තරගාවලියේ ප්‍රථමයෙන්ම පැවති MASTERS – T20 තරගයේදී කාසියේ වාසිය දිනාගත් සාන්ත ජෝසෆ් පිල මුලින් පන්ඳු රැකීම තෝරාගත්තා. ප්‍රථමයෙන් පන්ඳුවට පහරදුන් සාන්ත පීතර පිල සිය පන්ඳු ඕවර 20 තුල කඩුළු 7 කට ලකුණු 134 රැස්කලා. එයට පිලිතුරු වශයෙන් සාන්ත ජෝසෆ් පිල පන්ඳු ඕවර 13.5 තුල කඩුළු 1 කට ලකුණු 135 රැස්කරමින් MASTERS – T20, 2023 තරගයේ ජය වාර්ථා කලා.
තරගයේ වීරයා ලෙස සාන්ත ජෝසෆ් පිලේ දිල්හාන් ප්‍රනාන්දුපුල්ලේ,
හොඳම පන්දු යවන්නා ලෙස සාන්ත ජෝසෆ් පිලේ ලක්මාල් ගොඩහේන,
හොඳම පිතිකරු ලෙස සාන්ත ජෝසෆ් පිලේ ප්‍රවීන් සිල්වා තෝරා ගැනුනා.
ආරම්භයේ පටන් මේ දක්වා MASTERS – T20 තරග දෙකක් සාන්ත ජෝසෆ් පිල දිනාගෙන ඇති අතර එක් තරගයක් සාන්ත පීතර විද්‍යාල පිල දිනාගෙන තිබෙනවා.
දෙවන තරගය ලෙස පැවති කණ්ඩායමකට 6 දෙනෙක් සහභාගී වන කාන්තා ක්‍රිකට් තරගයේ (ක්‍රීඩකයන්ගේ බිරිඳන්) කාසියේ වාසිය දිනාගත් සාන්ත ජෝසෆ් කාන්තා පිල මුලින් පන්ඳු රැකීම තෝරාගත්තා. ප්‍රථමයෙන් පන්ඳුවට පහරදුන් සාන්ත පීතර කාන්තා පිල සිය පන්ඳු ඕවර 5 තුල කිසිම කඩුළුල්ලක් නොදැවී ලකුණු 94 රැස්කලා. එයට පිලිතුරු වශයෙන් සාන්ත ජෝසෆ් කාන්තා පිල පන්ඳු ඕවර 5 තුල කඩුළු 1 කට ලබාගත හැකිවූයේ ලකුණු 23 පමණි. ඒ අනුව කාන්තා ක්‍රිකට් තරගයේ, 2023 තරගයේ ජය සාන්ත පීතර කාන්තා පිල වාර්ථා කලා.
තරගයේ වීරයා ලෙස සාන්ත පීතර කාන්තා පිලේ මධුකා මෘනාලි,
හොඳම පන්දු යවන්නා ලෙස සාන්ත පීතර කාන්තා පිලේ සීනියා,
හොඳම පිතිකරු ලෙස සාන්ත පීතර කාන්තා පිලේ ශෂී දයාරත්න තෝරා ගැනුනා.
ආරම්භයේ පටන් මේ දක්වා පැවති කාන්තා ක්‍රිකට් තරග (ක්‍රීඩකයන්ගේ බිරිඳන්) හතරක් සාන්ත පීතර විද්‍යාල පිල දිනාගෙන ඇති අතර එක් තරගයක් සාන්ත ජෝසෆ් පිල දිනාගෙන තිබෙනවා.
මෙම තරගාවලියේ වැඩිම තරගකාරිත්වයක් හා උද්යෝගයක් ඇති තරගය වූ 1st XI – T20 තරගයේ කාසියේ වාසිය දිනාගත් සාන්ත ජෝසෆ් විදුහල් කණ්ඩායම ප්‍රථමයෙන් පන්ඳුවට පහරදුන්නා. ඔවුන් සිය පන්ඳු ඕවර 20 තුල කඩුළු 9 කට ලකුණු 160 රැස්කල අතර ඊට පිලිතුරු වශයෙන් සාන්ත පීතර විදුහල් කණ්ඩායම පන්ඳු ඕවර 17.3 තුල ලකුණු 162 රැස්කරමින් තරගයේ ජය වාර්ථා කලා.
තරගයේ වීරයා ලෙස සාන්ත පීතර පිලේ සුරංග ජූඩ් පෙරේරා,
හොඳම පන්දු යවන්නා ලෙස සාන්ත පීතර පිලේ ශානක පණ්ඩිතරත්න,
හොඳම පිතිකරු ලෙස සාන්ත ජෝසෆ් පිලේ රයන් ජේ තෝරා ගැනුනා.
තරගයේ වීරයා ලෙස තෝරාගත් සුරංග ජූඩ් පෙරේරා සාන්ත පීතර පිලේ තුන් ඉරියව්වේම කැපීපෙනෙන දක්ෂතා ඇති පැරණි නායකයෙකුද වෙනවා. මෙම තරගයේදී ඔහු පන්ඳු 15කට ලකුණු 52 රැස්කලා. 2013දී පැවති Joe -Pete තරගයේ දී ඔහු පන්ඳු 13 කට ලකුණ 50 රැස්කරමින් වේගවත්ම අර් ධ ශතකය සඳහා එක්සත් අරාබි එමීර් රාජ්‍යයේ වාර් තා වක්ද තබා තිබෙනවා. මීට අමතරව 2021 දී පැවති Anto Pete තරගයකදී පන්ඳු 66 කට ලකුණු 207 රැස්කරමින් ඔහු තැබූ වාර් තාව මේවන තෙක් එක්සත් අරාබි එමීර් රාජ්‍යයේ වෙනත් කිසිම රටක් නියෝජනය කරන ක්‍රීඩකයෙකුට බිඳහෙලන්නට නොහැකි වී තිබෙනවා.
ආරම්භයේ පටන් මේ දක්වා 1st XI – T20 තරග 6ක් පවත්වා ඇති අතර ඒ හයම දිනාගෙන ඇත්තේ සාන්ත පීතර විද්‍යාල පිලයි
