එක්සත් අරාබි එමීර් රාජ්‍යයේ (UAE) විදේශ කටයුතු සහ ජාත්‍යන්තර සංස්ථාවේ අමාත්‍ය අතිගරු Sheikh Abdullah bin Zayed, දිවයිනේ බලශක්ති සහ සංචාරක ක්ෂේත්‍ර සංවර්ධනය ඇතුළු විවිධ ක්ෂේත්‍ර සඳහා ශ්‍රී ලංකාවට සහාය වීමට ඉදිරිපත් වී තිබෙනවා.
අමාත්‍යවරයා සහ එක්සත් අරාබි එමීර් රාජ්‍යයේ ශ්‍රී ලංකා තානාපති උදය ඉන්ද්‍රරත්න මහතා අතර පසුගියදා අමාත්‍යාංශ පරිශ්‍රයේදී පැවති හමුවකදී මේ සම්බන්ධයෙන් සාකච්ඡා කර ඇත.
දෙරට අතර ද්විපාර් ශ්වික සහයෝගීතාවයේ ඉහළ මට්ටම් කරා ළඟාවීම සඳහා ශ්‍රී ලංකාව සහ එක්සත් අරාබි එමීර් රාජ්‍යය අතර මිත්‍ර සබඳතා තවදුරටත් වැඩිදියුණු කිරීමේ මාර්ග පිළිබඳව සාකච්ඡාවේදී ප්‍රධාන වශයෙන් අවධානය යොමු විය.
සාකච්ඡාවේදී තානාපති ඉන්ද්‍රරත්න මහතා ජනාධිපති රනිල් වික්‍රමසිංහ මහතාගෙන් සුබපැතුම් එක් කළ අතර වික්‍රමසිංහ මහතාගේ නායකත්වය යටතේ ශ්‍රී ලංකාවේ ස්ථාවර සංවර්ධනය පිළිබඳව ඇමැතිවරයා දැනුවත් කළේය. මෙම වසර අගදී ශ්‍රී ලංකාවට පැමිණෙන ලෙසට තානාපතිවරයා අමාත්‍යවරයාට ආරාධනාවක් ද කළේය.
එක්සත් අරාබි එමීර් රාජ්‍යය සමඟ ශ්‍රී ලංකාවේ විශේෂ සබඳතාව නැවත අවධාරණය කරමින් තානාපතිවරයා එක්සත් අරාබි එමීර් රාජ්‍යය සහ එහි මිත්‍රශීලී ජනතාව විසින් එක්සත් අරාබි එමීර් රාජ්‍යයේ සේවය කරන සහ පදිංචිව සිටින 300,000 කට අධික ශ්‍රී ලාංකික පුරවැසියන් වෙත ලබා දෙන උණුසුම් මිත්‍රත්වය, ආගන්තුක සත්කාරය, සාමය සහ සහජීවනය ද පිළිගත්තේය.
එක්සත් අරාබි එමීර් රාජ්‍යය ශ්‍රී ලාංකිකයින්ට ජීවත් වීමට සහ වැඩ කිරීමට හොඳම සහ සතුටින්ම සිටින රටවල් අතර සිටින බව ද ඔහු සඳහන් කළේය.
ශ්‍රී ලංකාව සහ එක්සත් අරාබි එමීර් රාජ්‍යය අතර පවත්නා ද්විපාර්ශ්වික සබඳතා වැඩිදියුණු කිරීම සඳහා දෙපාර්ශවය අතර හමුව වැදගත් ස්ථානයක් හිමිකර ගන්නා අතර, සාකච්ඡාවේ ප්‍රතිඵලය ඉදිරි වසරවලදී දෙරටටම ඉමහත් ප්‍රතිලාභ අත්කර දෙන ද්විපාර්ශ්වික සහයෝගීතාවයන් සඳහා නව අවස්ථා විවෘත කරනු ඇතැයි අපේක්ෂා කෙරෙන බව තානාපති කාර්යාලය නිවේදනයක් නිකුත් කරමින් කියා සිටියේය.
