ජාත්‍යන්තර කම්කරු දිනය වෙනුවෙන් පසුගියදා අබුඩාබි හි සයිඩ් ක්‍රිකට් ක්‍රීඩාංගණයේදී ක්‍රිකට් ශ්‍රම බලකා අභියෝග කුසලානය සඳහා ක්‍රිකට් තරඟයක් සංවිධානය කර තිබුණි. එහිදී සහජීවනය පිළිබඳ අමාත්‍ය සහ එමිරේට්ස් ක්‍රිකට් පාලක මණ්ඩලයේ සභාපති අතිගරු ෂෙයික් නයාන් බින් මුබාරක් අල් නයාන් සහ මානව සම්පත් සහ එමරාතිකරණ අමාත්‍ය ආචාර්ය අබ්දුල් රහ්මාන් අල් අවාර් විසින් ක්‍රිකට් ශ්‍රම බලකා අභියෝග කුසලානය ජයග්‍රාහකයන්ට ප්‍රදානය කරන ලදී.
මානව සම්පත් හා එමරාතීකරණ අමාත්‍යාංශයේ ප්‍රධානත්වයෙන් පැවති මෙම තරඟාවලිය සඳහා විවිධ ක්ෂේත්‍රවල සම්භාවනීය අමුත්තන් සහ රටවල් කිහිපයක තානාපතිවරුන් සහ කම්කරුවන් විශාල පිරිසක් සහභාගී වූහ. පකිස්ථාන ජාතික කණ්ඩායමේ හිටපු ක්‍රිකට් තරුවක් වන මිස්බා උල් හක් ද මෙම තරඟය සඳහා සහභාගී විය.
“එක්සත් අරාබි එමීර් රාජ්‍යයේ අපගේ ශ්‍රම බලකායේ ජීවන තත්ත්වය ඉහළ නැංවීම අපගේ බුද්ධිමත් නායකත්වයේ ප්‍රමුඛතාවයකි. කම්කරුවන්ගේ විනෝදාංශ සහ කුසලතා මුදා හැරීම සඳහා මෙවැනි තරඟ පැවැත්වීම මෙම ප්‍රවේශයට සහාය වීමේ එක් ක්‍රමයක්.” බවට ෂෙයික් නහියන් පැවසීය.
“අපගේ සේවකයින්ට මෙම සුවිශේෂී දිනය භුක්ති විඳීමට වේදිකාවක් ලබා දීම ගැන අපි මෙම තරඟයට ප්‍රශංසා කරමු.” යනුවෙන් ද ඔහු වැඩිදුරටත් අදහස් දැක්වීය.
මෙම ක්‍රීඩා උළෙල එක්සත් අරාබි එමීර් රාජ්‍යයේ විවිධ ජාතීන්ට අයත් කම්කරුවන්ගේ ප්‍රධාන කාර්යභාරය සහ ජාතියේ සංවර්ධනයට ඔවුන් දක්වන දායකත්වය සැමරීමේ අවස්ථාවක් බව ආචාර්ය අල් අවාර් ප්‍රකාශ කළේය. එය ඔවුන් එක්සත් අරාබි එමීර් රාජ්‍යයේ සංවර්ධන ගමනේ හවුල්කරුවන් සහ ඵලදායී පාර්ශවයන් ලෙස ද පිළිගනී.
ඵලදායිතාව ඉහළ නැංවීම සඳහා යහපත් සහ දිරිගන්වනසුලු සේවා පරිසරයක් සැපයීමේ සංස්කෘතිය වැඩිදියුණු කිරීමට එක්සත් අරාබි එමීර් රාජ්‍යයේ උනන්දුවෙහි කොටසක් ලෙස වාර්ෂිකව මෙවැනි තරඟ සංවිධානය කරන බව ඔහු වැඩිදුරටත් පැවසීය. එය සේවා යෝජකයන්ගේ අයිතිවාසිකම් සහතික කරන අතරම ශ්‍රම බලකායේ සියලුම සේවකයින්ට සමාජ ආරක්ෂණය ලබා දෙන පුළුල් පරිසර පද්ධතියක් සහතික කිරීමේ කොටසකි.
