එක්සත් අරාබි එමීර් රාජ්‍යය ජුනි 15 සිට සැප්තැම්බර් 15 දක්වා ක්‍රියාත්මක වන පරිදි දිනපතා දහවල් 12.30 සිට පස්වරු 3 දක්වා විවෘත ස්ථානවල සහ සෘජු හිරු එළිය යටතේ වැඩ කිරීම තහනම් කර ඇත.
මානව සම්පත් සහ එමරාතීකරණ අමාත්‍යාංශය (MoHRE) පැවසුවේ තහනම පැනවූ මාස තුළ දෛනික වැඩ කරන කාලය පැය අට නොඉක්මවිය යුතු බවයි. සේවකයෙකු දිනකට පැය අටකට වඩා වැඩ කිරීමට සලස්වන්නේ නම්, අමතර කාලය අතිකාල ලෙස සලකනු ලබන අතර සේවකයාට ඒ සඳහා ගෙවීම් කල යුතුය.
මධ්‍යහ්න විවේකයේදී සේවකයන්ට විවේක ගත හැකි සෙවන සහිත ප්‍රදේශයක් සේවා යෝජකයන් විසින් සැපයිය යුතුය.
උල්ලංඝණය සඳහා දඩ
තහනමේ විධිවිධාන සහ රෙගුලාසි උල්ලංඝනය කරන බව සොයා ගන්නා සේවා යෝජකයන්ට එක් සේවකයෙකු සඳහා ඩිරාම් 5,000 ක දඩයක් පනවනු ලැබේ. තහනම් වේලාවන් තුළ සේවකයින් කිහිප දෙනෙකු වැඩ කිරීමට සලස්වන විට උපරිම දඩ මුදල ඩිරාම් 50,000 වේ.
දුරකථන අංක 600590000 හෝ MoHRE හි යෙදුම මත උල්ලංඝනය කිරීම් වාර්තා කිරීමට ප්‍රජා සාමාජිකයින් දිරිමත් කරනු ලැබේ.
නිදහස් කිරීම්
සමහර රැකියා සඳහා බාධාවකින් තොරව වැඩ කිරීමට අවශ්‍ය වන අතර ඒවා දහවල් වැඩ තහනමෙන් නිදහස් කර ඇත. මේවාට ඇතුළත් වන්නේ:
- තාර දැමීම හෝ කොන්ක්‍රීට් දැමීම වැනි කාර්යයන් (විවේකයෙන් සඳහා මෙම කාර්යයන් කල්දැමීමට නොහැකි විට).
- ජල සැපයුමට, විදුලිය සැපයුමට ඇති බාධා, ගමනාගමනයට සිදුවන භාධා සහ අනෙකුත් ප්‍රජාවට බලපාන අනතුරු පාලනය කිරීමට හෝ අලුත්වැඩියා කිරීමේ කටයුතු.
- ගමනාගමනය සහ සේවා අඛණ්ඩව පවත්වා ගැනීම සඳහා අවශ්‍ය කරන වැඩ යටතේ ප්‍රධාන රථවාහන මාර්ග, විදුලි රැහැන් සහ සන්නිවේදන කටයුතු ඇතුළුව නොනවත්වා පවත්වාගෙන යායුතු කාර්යයන් වේ.
නිදහස් කරන ලද රැකියා සම්බන්ධයෙන්, සේවායෝජකයා විසින් කම්කරුවන් සඳහා ප්‍රමාණවත් සිසිල්, පානීය ජලය සැපයීමට අවශ්‍ය වේ. එක්සත් අරාබි එමීර් රාජ්‍යයේ පළාත් පාලන ආයතන විසින් භාවිතය සඳහා අනුමත කරන ලද ලවණ සහ/හෝ වෙනත් සජලනය කරන ආහාර හෝ පාන සැපයීමෙන් සේවක සෞඛ්‍ය සහ ආරක්ෂක අවශ්‍යතා පවත්වා ගත යුතුය. ඔවුන් සේවා ස්ථානයේ ප්‍රථමාධාර, ප්‍රමාණවත් කාර්මික සිසිලනය, සෘජු හිරු එළියෙන් ආරක්ෂා වන කුඩ සහ සේවකයින්ට ඔවුන්ගේ අක්‍රීය කාලය තුළ විවේක ගැනීම සඳහා සෙවන සහිත ප්‍රදේශ ද සැපයිය යුතුය.
සේවක සෞඛ්‍යයට ප්‍රමුඛත්වය දීම
MoHRE හි පරීක්ෂණ කටයුතු සඳහා සහකාර උප ලේකම් මොහ්සෙන් අල් නාසි මෙසේ පැවසීය: “කම්කරුවන්ගේ සෞඛ්‍යය සහ ආරක්ෂාව ශ්‍රම වෙලඳපොල නීති සම්පාදනයේ මූලික අංගයයි. අඛණ්ඩව 19 වන වසර දක්වා ක්‍රියාත්මක වන දහවල් වැඩ විවේකය, ගිම්හානයේදී, විශේෂයෙන් දහවල් කාලයේදී ඇති වන අධික උෂ්ණත්වය හේතුවෙන් ඇති විය හැකි ශාරීරික අවදානමෙන් කම්කරුවන් ආරක්ෂා කිරීම සඳහා නිර්මාණය කර ඇති ඉහළම වෘත්තීය සහ මානුෂීය ප්‍රමිතීන්ට අනුකූල වේ.”
“දහවල් වැඩ තහනම් කිරීමට ගත් තීරණය ශ්‍රම වෙළඳපොලේ කැපී පෙනෙන සන්ධිස්ථානයක් වන අතර එක්සත් අරාබි එමීර් රාජ්‍යයේ සහ අපගේ ප්‍රජා සංස්කෘතියේ වැඩ පරිසර රෙගුලාසි වල අනිවාර්ය අංගයකි”
