එක්සත් අරාබි එමීර් රාජ්‍යයේ ජාතික කාලගුණ විද්‍යා මධ්‍යස්ථානය (NCM) ප්‍රකාශ කරන පරිදි සාමාන්‍ය ප්‍රවණතාවලට අනුකූලව ජුනි මාසයේදී වැසියන්ට අස්ථායී කාලගුණික රටා අපේක්ෂා කළ හැකි බැවින් අධික වර්ෂාව සහ හිම කැට සහිත වැසි රටේ සමහර ප්‍රදේශවලට ලැබෙනු ඇත.
කාලගුණ දෙපාර්තමේන්තුවට, අජ්මාන්හි Muzeira, Wadi Sharm හි හිම කැට සහිත වර්ෂාපතනයක් වාර්තාවූ බවත් දිවයිනේ විවිධ ප්‍රදේශවලට තරමක් තද වර්ෂාපතනයක් ලැබූ බවත් වාර්තා විය. ජාතික කාලගුණ අනාවැකිකරු පැවසුවේ එක්සත් අරාබි එමීර් රාජ්‍යය සාමාන්‍යයෙන් ඉන්දියාවෙන් අඩු මෝසම් පීඩනයක් අත්විඳින බැවින් ගිම්හාන වැසි සාමාන්‍ය දෙයක් නොවන බවයි.
Weather monitoring account Storm Centre විසින් ට්විටර්හි වීඩියෝ කිහිපයක් පළ කළේ නිම්නවල ගංවතුර, මිනිසුන් සිසිල් උෂ්ණත්වය භුක්ති විඳින සහ හිම කැට එකතු කරන ආකාරය දක්වමිනි. අධික වර්ෂාව සහ තද සුළං හරහා ගමන් කරන මෝටර් රථ රියදුරන්ගේ වීඩියෝ ද ඔවුහු බෙදා ගත්හ.
ජාතික කාලගුණ විද්‍යා මධ්‍යස්ථානයේ (NCM) ආචාර්ය අහමඩ් හබීබ් මාධ්‍ය වෙත මෙසේ පැහැදිලි කළේය: “අපි රටේ සමහර ප්‍රදේශවල වලාකුළු ආවරණයක් දකිනවා. නමුත් අපි ගිම්හානයේ මුළු කාලය ගැන කතා කරන්නේ නම්, දේශගුණික විපර්යාස හේතුවෙන් අපට වැසි ලැබෙනවා. එය නැගෙනහිර කඳුකරයට බලපානු ලබනවා. අපට වැසි ලබා දීමට ඉඩ ඇති නැගෙනහිර කලාපයට ඉහළින් සංවහන වළාකුළු ඇතිවීමේ අවස්ථාවක් තිබෙනවා.
“සංවහන වලාකුළු වල දේශීය බලපෑම මගින් ගිම්හාන මාසවලදී අපට වැසි ලබා දෙනු ඇත. මෙය සාමාන්‍යයෙන් ජුනි මාසයේ ප්‍රවණතාවයි.”
වලාකුළු වැපිරීම (cloud-seeding)
මෙම සංවහන වලාකුළු වල වර්ෂාපතන ධාරිතාව, වලාකුළු බීජ සඳහා පරිපූර්ණ බව ද කාලගුණ විද්‍යාඥයා පැවසීය.
“වැඩි වර්ෂාපතනයක් ඇති කරන සංවහන වළාකුළු ඇතිවීම හේතුවෙන් වලාකුළු වැපිරීමේ මෙහෙයුම් කාර්යක්ෂම විය හැක. එක්සත් අරාබි එමීර් රාජ්‍යයේ කිසියම් ප්‍රදේශයක කිසියම් සංවහන වලාකුළු සෑදීමක් සිදුවුවහොත්, අපි අනිවාර්යයෙන්ම වලාකුළු වැපිරීමේ ක්‍රියාකාරිත්වය භාර ගනිමු, ”ආචාර්ය හබීබ් වැඩිදුරටත් පැවසීය.
වලාකුළු වැපිරීම යනු වර්ෂාව නිපදවීමට වලාකුළක් කෘතිමව දිරිමත් කිරීමේ ක්‍රමයකි. එය 1990 ගණන්වල අගභාගයේදී එක්සත් අරාබි එමීර් රාජ්‍යයේ ආරම්භ වූ අතර එතැන් සිට වාර්ෂිකව පවත්වනු ලබන මෙහෙයුම්වල වැඩි වීමක් දක්නට ලැබේ.
එහිදී කෙරෙන්නේ කුඩා වැසි බිංදු ඇති වලාකුළක් වෙත ගුවන් යානයක් පියාසර කිරීමත් වර්ෂාපතනය වැඩි කිරීම සඳහා යානය මගින් වලාකුළට salt flares විදීමත්ය.
