ශ්‍රී ලංකා දඟ පන්දු ක්‍රීඩක වනිඳු හසරංග 2023 ජූනි මාසයේ ICCහි හොඳම පිරිමි ක්‍රීඩකයා සම්මානය හිමිකර ගැනීමට සමත්ව තිබෙනවා.
ඔස්ට්‍රේලියානු පිතිකරු ට්‍රැවිස් හෙඩ් සහ සිම්බාබ්වේ ආරම්භක පිතිකරු ෂෝන් විලියම්ස් යන ක්‍රීඩකයින් වෙතින් එල්ලවූ ප්‍රබල අභියෝගය පරාජය කරමින් හසරංග ICC පිරිමි ක්‍රිකට් ලෝක කුසලාන සුදුසුකම් ලැබීමේ තරගයේදී දැක්වූ විශිෂ්ට දස්කම් හේතුවෙන් මෙම සම්මානය දිනා ගත්තේය.
“මෙම සම්මානය ගැන මම අතිශයින් සතුටට පත් වන අතර, එය ශ්‍රී ලංකා ක්‍රිකට් සඳහා වැදගත් අවස්ථාවක්. අපි ඉන්දියාවේ පැවැත්වෙන ක්‍රිකට් ලෝක කුසලානයට පිවිසීමෙන් පසුව ICC මාසයේ පිරිමි ක්‍රීඩකයා ලෙස තේරී පත්වීම මට භාග්‍යයක් සහ ගෞරවයක් ”හසරංග පැවසීය.
තුන් ඉරියව්වේ දස්කම් දක්වන හසරංග කඩුලු 26ක් රැස්කළ අතර, මාසය තුළ එහි සාමාන්‍ය අගය 10ක් වෙනවා.
හසරංග සුදුසුකම් ලැබීමේ ඉසව්වේ ප්‍රමුඛතම කඩුලු දවාගත් ක්‍රීඩකයා වූ අතර, 25 හැවිරිදි ඔහු එක්දින ක්‍රිකට් ඉතිහාසයේ පිට පිට කඩුලු 5 බැගින් ත්‍රිත්වයකට හිමිකම් කියන දෙවැනි ක්‍රීඩකයා බවට ද පත් විය.
පාකිස්තානයේ සුපිරි පිතිකරු වකාර් යුනිස් 1990 දී මෙම දස්කම මීට පෙර පෙන්වා ඇති අතර හසරංග ඕමානයට සහ අයර් ලන්තයට එරෙහිව කඩුලු 5 බැගින් දවාගැනීම් යුගලයක් සමඟ එක්සත් අරාබි එමීර් රාජ්‍යයට එරෙහිව ලකුණු 24කට කඩුළු 6 වැනි ආකර්ෂණීය දක්ෂතාවයක් පෙන්වමින් මෙම සම්මාණයට පාත්‍රවී තිබෙනවා.
