එක්සත් අරාබි එමීර් රාජ්‍යයේ කුඩා ව්‍යාපාර හිමියන්ට අදාළ වැදගත් යාවත්කාලීන කිරීමක් පසුගියදා මානව සම්පත් සහ එමරාතීකරණ අමාත්‍යාංශය (MOHRE) එමරාතීකරණ ඉලක්කවලට යටත්ව පුද්ගලික අංශයේ සමාගම් වෙත පුළුල් කිරීම නිවේදනය කළේය.
පුළුල් කිරීම යටතේ සේවකයන් 20ත් 49ත් අතර සංඛ්‍යාවක් සිටින පුද්ගලික සමාගම් දැන් එමරාතීකරණ ඉලක්කවලට යටත් වනු ඇත. මීට පෙර, මෙම නීති අදාළ වූයේ සේවකයින් 50 කට වැඩියෙන් සිටිනා පුද්ගලික අංශයේ සමාගම් සඳහා පමණි.
නව එමරාතීකරණ ඉලක්ක
ඇතැම් තනතුරුවල සේවය කරන එමරාතිවරුන් සංඛ්‍යාව ඉහළ නැංවීමේ අරමුණින්, විවිධ අංශ 14ක් නියොජනය වෙන කුඩා ව්‍යාපාරවලට දැන් අවම වශයෙන් 2024 දී එක් එමරාති ජාතිකයෙකු සහ 2025 දී තවත් එමරාති ජාතිකයෙකු බඳවා ගැනීමට අවශ්‍ය වේ.
2024 දී එමරාති ජාතිකයෙකු සේවයේ යෙදවීමට අපොහොසත් වන සමාගම්වලට ඩිරාම් 96,000 දඩයක් අය කෙරෙන අතර, 2025 වන විට එමරාති ජාතිකයන් දෙදෙනෙකු බඳවා නොගත් සමාගම් සඳහා ඩිරාම් 108,000 දඩයක් දක්වා ඉහළ යනු ඇත.
නව එමරාතීකරණ නීති බලපාන අංශ 14 වන්නේ
- තොරතුරු සහ සන්නිවේදනය
- මූල්‍ය හා රක්ෂණ කටයුතු
- දේපළ වෙළදාම්
- වෘත්තීය සහ තාක්ෂණික ක්‍රියාකාරකම්
- පරිපාලන සහ උපකාරක සේවා
- කලා සහ විනෝදාස්වාදය
- පතල් කැණීම සහ ගල් කැණීම
- පරිවර්තන කර්මාන්ත (Transformative industries)
- අධ්‍යාපන
- සෞඛ්‍ය සේවා සහ සමාජසේවා
- ඉදිකිරීම්
- තොග සහ සිල්ලර
- ප්‍රවාහනය සහ ගබඩා කිරීම
- ආගන්තුක සත්කාර සහ නේවාසික සේවා
එමරාතීකරණ යනු
එමරාතීකරණය යනු එක්සත් අරාබි එමීර් රාජ්‍යය විසින් පුද්ගලික අංශය තුළ එක්සත් අරාබි එමීර් රාජ්‍යයේ පුරවැසියන්ගේ රැකියා නියුක්තිය ඉහළ නැංවීම සඳහා වන මුලපිරීමකි (නිදහස් කලාප සමාගම් නිදහස් කර ඇත).
සමාගමේ ප්‍රමාණය අනුව අවශ්‍යතා වෙනස් වේ, 2023 ජනවාරි වන විට සේවකයින් 50ක් හෝ ඊට වැඩි සේවක පිරිසක් සිටින ආයතන 3%ක එමරාතීකරණ ඉලක්කය සපුරාලිය යුතුය.
