ඩුබායි මහ නගර සභාවේ අධ්‍යක්ෂ ජනරාල් Dawoud Al Hajri විසින් ඩුබායි මධ්‍යම වෙළඳපොලේදී පලතුරු සහ එළවළු විකිණීම සහ මිලදී ගැනීම සඳහා ඒකාබද්ධ ප්‍රදේශයක් සඳහා වූ අතිවිශාල Bloom Market විවෘත කරන ලදී.
Bloom Market හි ආනයනික ආහාර වර්ග සඳහා වූ වෙළඳ කුටි 600කට වැඩි ප්‍රමාණයක් ඇතුලත් වන අතර සංචාරක ආකර්ෂණ ස්ථානද මෙම වෙළඳපොලට එක්කොට තිබීම විශේෂයි. ඩුබායි මහ නගර සභාව විසින් පාරිභෝගිකයින්ට ඩුබායි නගරයේ වෙනත් කිසිම තැනකදී මිලදී ගත නොහැකි පලතුරු හා එළවළු, විශේෂ සැපයුම් මිල ගණන් යටතේ මෙහිදී මිලදී ගැනීමට අවස්ථාව උදා කරදී තිබෙනවා. මෙය වායුසමීකරණය කළ පරිසරයක එළවළු, පලතුරු සහ ආහාර ද්‍රව්‍ය මිලදී ගැනීම සහ විකිණීම සඳහා ඒකාබද්ධ සුවිශේෂී ගමනාන්තයකි.
ඩුබායි පළතුරු සහ එළවළු වෙළෙඳපොළ
ඩුබායි පළතුරු සහ එළවළු වෙළඳපොළ වර්ග මීටර් 66,000 කට වඩා වැඩි ප්‍රදේශයක් පුරා විහිදෙන අතර නිෂ්පාදනවල ගුණාත්මකභාවය සහ ආරක්ෂාව සුරැකීම සඳහා කදිම පරිසරයක් සපයයි. උසස් ජීවන තත්ත්වයක් සහතික කරන අත්‍යවශ්‍ය සහ ඒකාබද්ධ ව්‍යාපෘති ක්‍රියාත්මක කරමින් ඩුබායිහි ආකර්ශනීය බව ප්‍රවර්ධනය කිරීමට මහ නගර සභාව දරන ප්‍රයත්නයන්ට අනුකූලව වෙළඳපල විවෘත කිරීම සිදුකෙරුණි.
ඩුබායි මහ නගර සභාවේ වෙළඳපල අධ්‍යක්ෂ මොහොමඩ් ෆරයිදුනි පැවසුවේ, ” Bloom Market යනු ඩුබායි මහ නගර සභාවේ ප්‍රධාන ව්‍යාපෘති වලින් එකක් බවයි. Bloom Market නැවුම් නිෂ්පාදන සඳහා ප්‍රවේශය ලබා දීම අරමුණු කරන අතර, වෙනත් වෙලඳපොලවල දක්නට නොලැබෙන, වෙළඳපොලේ සොයාගත නොහැකි විශේෂයෙන් ආනයනික පලතුරු ඇති සුවිශේෂී වෙළඳ මධ්‍යස්ථානයක් ලෙස මෙය ස්ථාපිත කරණු ලැබුවා.“ඊට අමතරව, සැපයුම්කරුවන්ගේ මිලටම නිෂ්පාදන ලබා දීමෙන් පවතින ආයෝජන සහ ආර්ථික අවස්ථා වැඩි දියුණු කිරීම නගර සභාව අරමුණු කරයි.
“ඩුබායිහි මෙම ව්‍යාපෘතිය තුල වෙළඳපල, විනෝදාස්වාද මධ්‍යස්ථාන සහ සංචාරක ගමනාන්ත පිහිටුවීමේ නගර සභාවේ ඉලක්කය සමඟ සමපාත වන අතර එමඟින් ඩුබායිහි ආකර්ෂණය සහ ජීවන තත්ත්වය ඉහළ නංවන අතර එහි වැසියන්ගේ සමෘද්ධිය සහතික කරයි.
“මෙම වෙළඳපොල සැලසුම් කර ඇත්තේ නවීනතම සේවා සහ සැපයුම් පහසුකම් වලින් සමන්විත පුළුල් ගමනාන්තයක් ලෙසයි.
“මීට අමතරව, ඩුබායි හි ආහාර සුරක්ෂිතතා රෙගුලාසි වලට සහ ගෝලීය ප්‍රමිතීන්ට අනුකූලව, උසස් නිෂ්පාදන ලබා දීමත්, තරඟකාරී මිල ගණන් යටතේ කාබනික නිෂ්පාදන සඳහාද අංශයක් එක් කිරීමට අමතරව, එළවළු සහ පලතුරු වල ගුණාත්මකභාවය සහ වලංගුභාවය සහතික කරන උසස් තාක්ෂණයන් ක්‍රියාත්මක කිරීමෙන් පාරිභෝගිකයින්ට ඉහළම මට්ටමේ සේවාවන් සපයයි.”
දෙමහල් වෙළඳපොලේ දේශීය නිෂ්පාදන මෙන්ම බොහෝ විට ආනයනය කරන ලද පළතුරු සහ එළවළු අලෙවි කිරීම සඳහා බිම් මහලේ කුටි 600කට වැඩි ප්‍රමාණයක් ඇතුලත් වෙනවා. පළමු මහලේ වාහන නැවැත්වීමේ ස්ථාන 400කට වැඩි ප්‍රමාණයක් සහ දෙවන මහලේ අවන්හල් තුනක්ද ඇතුළත් වෙනවා.
මීට අමතරව, වෙළඳපල කාර්යමණ්ඩල සාමාජිකයින්, සාප්පු සවාරි සඳහා පහසුකම් සපයන සැපයුම් සේවා පරාසයක් පිරිනමනු ලබනවා. පාරිභෝගිකයින්ට සාප්පු ට්‍රොලි සඳහා සහාය වීම, පාරිභෝගිකයින්ගේ මෝටර් රථ වෙත විශාල මිලදී ගැනීම් ප්‍රවාහනය කිරීම, වෙළඳපල තුළ වාහන නැවැත්වීම, ගමනාගමනය අඩු කරන සුමට සහ පහසු සාප්පු සවාරි අත්දැකීමක් ලබා දෙනු ලබනවා.
