ඩුබායිහි RTA, නව වාහන හිමිකාරිත්ව පැවරීමේ ක්‍රමවේදයක් නිවේදනය කරයි

ඩුබායිහි මාර්ග සහ ප්‍රවාහන අධිකාරිය (RTA) පාරිභෝගිකයින්ට ඕනෑම සේවා මධ්‍යස්ථානයකට භෞතිකව පැමිණීමේ අවශ්‍යතාවය ඉවත් කරමින් අන්තර් ජාලය හරහා මෝටර් රථ සහ අනෙකුත් වාහනවල හිමිකාරිත්වය පැවරිය හැකි සේවාවක් හඳුන්වා දී තිබෙනවා.

අධිකාරිය විසින් පසුගියදා සේවාව පිළිබඳ විස්තර සපයන වීඩියෝවක් නිකුත් කරන ලදී, RTA සිය වෙබ් අඩවිය rta.ae හරහා වාහන හිමිකාරිත්වය පැවරීමේ සේවාව සපයයි.

වාහන අයිතිය පැවරීමට පියවර

ලියාපදිංචි පරිශීලක නාමයක් සහ මුරපදයක් සමඟ ද්වාරයට පිවිසෙන්න හෝ අළුතින් එකක් සාදන්න

UAE Pass භාවිතයෙන්ද පාරිභෝගිකයින්ට ද්වාරයට ප්‍රවේශ විය හැක

‘බලපත්ර සේවා’ (‘Licensing Services) වෙත ගොස් ‘වාහන’ (‘Vehicles’) මත ක්ලික් කරන්න

විකිණීමට ඇති වාහන වර්ගය තෝරා (type of vehicle to be sold) continue ක්ලික් කරන්න

‘වාහන බලපත්‍ර සේවා’ (‘Vehicle Licensing Services’ ) ටැබ් යටතේ ‘හිමිකාරත්වය වෙනස් කරන්න’ (‘Change Ownership’) තෝරන්න

UAE Pass ගිණුම් විස්තර සත්‍යාපනය කෙරේ

ගැනුම්කරු තෝරන්න (Select buyer) සහ ඉල්ලූ විස්තර ඇතුළත් කරන්න

මිලදී ගැනීම තහවුරු කිරීම සඳහා ගැනුම්කරුට කෙටි පණිවුඩයක් ලැබෙනු ඇත

වත්මන් අංක තහඩුව RTA වෙත ආපසු ලබා දීමට හෝ ‘ඔබට හිමි අංක තහඩුව තබා ගන්න’ (‘Keep your owned number plate’) තේරීමෙන් අංක තහඩුව මුල් හිමිකරුට තබා ගත හැක.

‘මම මෙයින් සේවා නියම සහ කොන්දේසි අනුමත කරමි’ (‘I hereby approve the terms & conditions of the service’) මත ක්ලික් කරන්න

ගනුදෙනුව තහවුරු කිරීමට සහ මිලදී ගැනීමේ ගිවිසුම අත්සන් කිරීමට, UAE Pass සත්‍යාපනය කිරීමට සහ නියමයන් සහ කොන්දේසිවලට එකඟ වීමට ගැනුම්කරුට SMS එකක් ලැබෙනු ඇත.

ගැනුම්කරුගේ තහවුරු කිරීමෙන් පසුව, විකුණුම් මිලදී ගැනීමේ ගිවිසුම අත්සන් කිරීමට, ගාස්තු ගෙවීමට සහ නියමයන් සහ කොන්දේසි අනුමත කිරීමට විකුණුම්කරුට SMS එකක් ලැබෙනු ඇත.