Port City Colombo (PCC), ශ්‍රී ලංකාවේ වඩාත්ම අභිලාෂකාමී ඒකාබද්ධ සංවර්ධන ව්‍යාපෘතිය සහ අපනයන සේවා සඳහා කැප වූ රටේ පළමු විදේශ මුදල් නම් කරන ලද විශේෂ ආර්ථික කලාපය, තායි සහ ශ්‍රී ලංකා ව්‍යාපාරික ප්‍රජාව අතර ශක්තිමත් සබඳතා වර්ධනය කිරීම සඳහා සැලකිය යුතු පියවරක් ගෙන තිබේ.
ඒ අනුව තායිලන්තයේ බැංකොක් නුවරදී Port City Colombo සහ Thai-Sri Lanka Commerce (TSLCC) අතර අවබෝධතා ගිවිසුමකට පසුගියදා අත්සන් තැබිණි.
PCC හරහා ශ්‍රී ලංකාව සහ තායිලන්තය අතර ද්විපාර්ශ්වික වෙළඳ සහ ආයෝජන අවස්ථා ප්‍රවර්ධනය කිරීමේ තීරණාත්මක අවස්ථාවක් මෙම අවබෝධතා ගිවිසුම සනිටුහන් කරයි. ගිවිසුමේ පරමාර්ථය වන්නේ ජාතීන් දෙක අතර ව්‍යාපාර සංවර්ධනය සහ සහයෝගීතාවය සඳහා අවස්ථාවක් සපයමින් සහයෝගීතාවයට පහසුකම් සැලසීම සහ වැඩිදියුණු කිරීමයි. ශ්‍රී ලංකාව සහ තායිලන්තය ශතවර්ෂ ගණනාවක් පුරා විහිදුනු වෙළඳ සහ දේශපාලන සහයෝගීතාවයේ උණුසුම් ඉතිහාසයක් ඇති අතර, ඔවුන්ගේ සංස්කෘතීන් සහ අභිලාෂයන් අතර සමානකම් බෙදාහදා ගනිමින්, තවදුරටත් ජාත්‍යන්තර සහයෝගීතාවය සඳහා ශක්තිමත් පදනමක් ගොඩනඟයි. අත්සන් තැබීමේ උත්සවයට ආයතන දෙකේම නියෝජිතයෝ පැමිණ සිටියහ.
කොළඹ වරාය නගරය නියෝජනය කරමින් කළමනාකාර අධ්‍යක්ෂ යැං ලූ, නියෝජ්‍ය කළමනාකාර අධ්‍යක්ෂ තුල්සි අලුවිහාරේ, ආයෝජන ප්‍රවර්ධන සහ අලෙවි සාමාන්‍යාධිකාරී ස්ටැන්ලි, ආයෝජන ප්‍රවර්ධන සහ අලෙවි අධ්‍යක්ෂ රාදිකා ඔබේසේකර සහ සීමාසහිත CHEC (තායි) සමාගමේ ආයෝජන අධ්‍යක්ෂ සරයුත් ලෙක්ලිපෝල් යන මහත්ම මහත්මීහු සහභාගි වූහ.
මෙම අවස්ථාවෙහිදී, කොළඹ වරාය නගරය තුළ පවතින බහුල ව්‍යාපාරික අවස්ථා සහ විවිධ ක්ෂේත්‍රවල සහයෝගීතාවයේ විභවයන් පිළිබඳව සාකච්ඡා කෙරිණි. දෙපාර්ශවයම අන්‍යෝන්‍ය වර්ධනය, වෙළඳ ව්‍යාප්තිය සහ ආයෝජන ප්‍රවර්ධනය සඳහා මාර්ග ගවේෂණය කිරීමට තම කැපවීම ප්‍රකාශ කළහ.
පෝට් සිටි කලම්බෝ සහ තායි-ශ්‍රී ලංකා වාණිජ මණ්ඩලය අතර ඇතිකරගත් අවබෝධතා ගිවිසුම, ශ්‍රී ලංකාව සහ තායිලන්තය අතර ආර්ථික සහයෝගීතාව ශක්තිමත් කිරීම සහ වැඩි සබඳතාවයක් වර්ධනය කිරීමේ වැදගත් සන්ධිස්ථානයක් සනිටුහන් කරයි.
එය ගැඹුරු නියැලීමකට මග පාදයි, දෙරටේම ව්‍යාපාර සඳහා බොහෝ හැකියාවන් විවර කරයි.
