එක්සත් අරාබි එමීර් රාජ්‍යයට මේ වසරේ බොහෝ ඇගයීම් ලැබී ඇති අතර, ට්‍රැවල්බෑග් මගින් සිදුකල ශ්‍රේණි ගත කිරීමකදී ඩුබායි නගරය රාත්‍රී කාලයේ අංක එකේ මනරම් නගරය ලෙස නම් කර ඇති අතර අබුඩාබි ද පළමු නගර 10 අතරට පැමිණ තිබෙනවා.
ට්‍රැවල්බෑග්, දිගුකාලීන සංචාරක විශේෂඥයින්ගේ Instagram හි අධ්‍යයනයක් මත පදනම් වූ මෙම ශ්‍රේණි ගත කිරීම මගින් හෙලිවූයේ ඩුබායි වෙත ‘dubaiatnight’ ටැගය සහිත පෝස්ට් 26,000 කට ආසන්න ප්‍රමාණයක් ලැබී ඇති බවයි. හිරු බැස යෑමෙන් පසු අහස උසට විහිදෙන විවිධ ගොඩනැගිලි සහ කුළුණු රාත්‍රී අහස ආලෝකමත් කරන විට නගරයේ අසමසම සුන්දරත්වය පෝස්ට් මගින් විදහා දක්වයි. මෙම ශ්‍රේණි ගත කිරීමට අනුව අබුඩාබි අගනුවර ද ලැයිස්තුවේ 9 වැනි ස්ථානයට පැමිණ තිබේ.
Travelbag යනු dnata හි කොටසක් වන අතර ලොව විශාලතම ගුවන් සහ සංචාරක සේවා සපයන්නන්ගෙන් එකකි. එම අධ්‍යයනයේදී ආලෝකය, ශබ්ද දූෂණය සහ ආරක්ෂිත මට්ටම් ද සැලකිල්ලට ගෙන ඇත. අධ්‍යයනය සඳහා නගර 146ක් විශ්ලේෂණය කර ඇත.
හොඳම නගර 10 අතරට පැමිණි අනෙකුත් නගර වන්නේ.
- ඩුබායි, UAE
- ටෝකියෝ, ජපානය
- සිංගප්පූරුව
- මස්කට්, ඕමානය
- නිව්යෝර්ක් නගරය, ඇමරිකා එක්සත් ජනපදය
- හිරෝෂිමා, ජපානය
- කියෝතෝ, ජපානය
- ඕස්ට්‍රේලියාවේ සිඩ්නි
- අබුඩාබි, UAE
- තායිපේ, තායිවානය
අධ්‍යයනයෙන් පෙන්නුම් කරන්නේ ඩුබායි ආලෝක සහ ශබ්ද දූෂණය සඳහා ලකුණු 100 න් 52.8 ක ශ්‍රේණිගත කිරීමක් ලබා ඇති අතර අබුඩාබිය 100 න් 48.2 ක් ශ්‍රේණිගත කිරීමක් ලබා ඇති බවයි.
ආරක්ෂිත මට්ටම් සම්බන්ධයෙන් ගත් කල, ඩුබායි ලකුණු 100න් ආරක්ෂිත පියවරයන් මත 83.1 ලබාගෙන ඇති අතර, අබුඩාබි ශ්‍රේණිගත කිරීම සඳහා ලකුණු 100 න් 84.6 ක් තරමක් ඉහළ අගයක් ලබා ගෙන තිබේ.
ඩුබායි සම්බන්ධයෙන්, ජපානයේ මෝරි අනුස්මරණ පදනම විසින් නිකුත් කරන ලද Global Power City Index (GPCI) විසින් තුන්වන වසර සඳහා ලොව පිරිසිදුම සහ ආරක්ෂිතම නගරය ලෙස නම් කරන ලදී. ඩුබායි, 2022 සඳහා ලෝකයේ වඩාත්ම ජනප්‍රිය ගමනාන්තය සහ රාත්‍රියේ තනිවම ඇවිදීමට ආරක්ෂිතම ස්ථානය ලෙසත් ලබාගත් තවත් බොහෝ සම්මාන අතර වේ.
වසර ආරම්භයේදී Numbeo විසින් කරන ලද වෙනස් අධ්‍යයනයකදී, නගර 416 ක් අතරින් අබුඩාබි අඛණ්ඩව හයවන වරටත් ලෝකයේ ආරක්ෂිතම නගරය ලෙස ශ්‍රේණි ගත කිරීම් අතරට පැමිණියා.
