අබුඩාබි ජාත්‍යන්තර ගුවන්තොටුපලේ 2023 පළමු භාගය සඳහා මගී ගමනාගමනය මිලියන 10 සීමාව ඉක්මවා ගොස් තිබෙනවා. මෙය අබුඩාබි ගුවන් තොටුපළ විසින් නිවේදනය කරන ලද අතර එහි මගීන් සංඛ්‍යාව, ගුවන් ගමන් සහ භාණ්ඩ ප්‍රවාහනය සම්භන්ධ හිතකර සංඛ්‍යාවන් සහ වර්ධනයක් පෙන්නුම් කළේය.
2023 ජනවාරි 1 සිට ජූනි 30 දක්වා කාලය තුළ මගීන් 10,258,653ක් අබුඩාබි ජාත්‍යන්තර ගුවන් තොටුපළ හරහා ගමන් කර ඇත. මෙය පසුගිය වසරේ එම කාලය තුල මගීන් 6,158,376ක් මගී ගමනාගමනයට සාපේක්ෂව 67%ක සැලකිය යුතු වර්ධනයකි.
අබුඩාබි ජාත්‍යන්තර ගුවන්තොටුපළ ගුවන් ගමන් 67,835ක් වාර්තා කර ඇති අතර එය 2022 වසරේ මුල් මාස 6 තුළ ගුවන් ගමන් 49,919 ට සාපේක්ෂව 36% ක කැපී පෙනෙන වර්ධනයක් වාර්තා කර ඇත.
2023 මුල් මාස 6 තුළ ගුවන් සමාගම් 27 ක් විසින් ගමනාන්ත 114 කට සේවාවන් ව්‍යාප්ත කොට ඇත.
අබුඩාබි ජාත්‍යන්තර ගුවන්තොටුපළේ කැපී පෙනෙන වර්ධනයක්
අබුඩාබි ගුවන්තොටුපළේ ප්‍රධාන මෙහෙයුම් නිලධාරී ෆ්‍රෑන්ක් මැක්ක්‍රෝරි අදහස් දක්වමින්: “2023 පළමු භාගය සඳහා අපගේ මගී ගමනාගමන සංඛ්‍යාලේඛන මගින් පෙන්නුම් කරන්නේ අබුඩාබියේ වඩ වඩාත් ප්‍රබෝධමත්, ව්‍යාපාරික, සංචාරක සහ ගුවන් සේවා ක්ෂේත්‍ර සඳහා අපගේ පුළුල් කැපවීමයි. “මගී සංඛ්‍යාව සහ ගුවන් ගමන්වල තිරසාර වැඩිවීමක්, ආදර්ශමත් මෙහෙයුම්, තාක්‍ෂණික ඒකාග්‍රතා සහ නොකඩවා ප්‍රසාරණය වන හවුල්කාරිත්ව පරිසර පද්ධතියට සමගාමීව අබුඩාබි ගුවන්තොටුපළේ වර්ධන සැලසුම් ද ඉස්මතු කරයි. අපගේ අරමුණ වන්නේ කලාපයේ වඩාත් කැමති ගුවන් තොටුපළක් ලෙස අබුඩාබි ජාත්‍යන්තර ගුවන් තොටුපළේ තත්ත්වය ශක්තිමත් කරමින් මෙම ගම්‍යතාව මත ගොඩනැගීමයි.”
එම කාලය තුළ මගීන් 461,081 ක් මුම්බායි නගරයට ගමන් කළ බැවින් එය ඉහළම ගමනාන්තය විය. මගීන් 374,017ක් සමඟ ලන්ඩන් දෙවන විශාලතම ගමනාන්තය වූ අතර තවත් ඉන්දියානු නගර දෙකක් වන දිල්ලි (331,722) සහ කොචි (316,460) – පළමු ප්‍රමුඛ ගමනාන්ත හතරට ඇතුළත් වූ අතර. දෝහා නගරය (261,117) අංක පහ විය.
