ඩුබායි නගරයට සෙනසුරාදා දහවල් ගිගුරුම් සහිත තද වැසි සහ දූවිලි කුණාටු ඇති වූ අතර ලබන සතිය දක්වා තෙත් කාලගුණයක් පවතිනු ඇත.
සුළගේ වේගය වැඩි වීමත් සමග ඩුබායිහි සමහර ප්‍රදේශ දූවිලි වලින් වැසී ගිය අතර ගිගුරුම් සහිත අකුණු ඇසුණු බව වැසියන් වාර්තා කළේය.
ජාතික කාලගුණ විද්‍යා මධ්‍යස්ථානය (NCM) විසින් අල් බර්ෂා, අල් බරාරි, එමිරේට්ස් පාර සහ අල් කුද්‍රා පාර ඇතුළු ඩුබායිහි විවිධ ප්‍රදේශවල අධික වර්ෂාපතනයක් වාර්තා කර ඇත.
NCM විසින්, ඩුබායි සහ අල් අයින් ප්‍රදේශ සඳහා කාලගුණ අනතුරු ඇඟවීමක් නිකුත් කළ අතර, “අනතුරුදායක කාලගුණික සිදුවීම් අපේක්ෂා කෙරේ” යනුවෙන් මහජනතාව දැනුවත් කොට කිබේ.
සෙනසුරාදා පස්වරුවේ සාජාහි තවදුරටත් වර්ෂාපතනය සහ අධික සුළං වාර්තා විය. ප්‍රභල සුළි සුළඟින් එමීර් රාජ්‍යයේ විවිධ ප්‍රදේශවල තවත් දේපළ රැසකට හානි සිදු විය. අල් අයින් නගරයට සිකුරාදා තද වර්ෂාපතනයක් ලැබීමෙන් පසුව නොසන්සුන්කාරී තත්ත්වයන් ඇති විය.
අබුඩාබි පොලිසිය ඩුබායි සිට අල් අයින් පාරේ වේග සීමාව පැයට කිලෝමීටර 140 සිට 120 දක්වා අඩු කළ අතර “වැසි සහිත කාලගුණය හේතුවෙන් ප්‍රවේශම් වන්න” ලෙස රියදුරන්ගෙන් ඉල්ලා සිටියේය.
NCM, එහි නවතම දින පහේ අනාවැකියේ, එමිරේට්ස් හි නැගෙනහිර ප්‍රදේශවල සෙනසුරාදා පස්වරු, ඉරිදා සහ සඳුදා වර්ෂාපතනය ඇතිවිය හැකි බව පුරෝකථනය කරයි.
අධික උෂ්ණත්වය සහ ආර්ද්‍රතාවය සමඟ මීදුම සහ වර්ෂාපතනය සමඟින් පසුගිය දිනවල රට නොසන්සුන් කාලගුණයක් අත්විඳ ඇත.
තෙත් කාලගුණය නොතකා, සිකුරාදා අල් අයින්හි රටේ ඉහළම උෂ්ණත්වය වාර්තා කළ අතර එය සෙල්සියස් අංශක 49 දක්වා ළඟා විය.
ඉදිරි දින පහ තුළ අබුඩාබිහි උෂ්ණත්වය සෙල්සියස් අංශක 40 පමණ පවතිනු ඇතැයි අපේක්ෂා කරන නමුත් ඩුබායිහි තරමක් අඩු වනු ඇත.
