එක්සත් අරාබි එමීර් රාජ්‍යයට පැමිණෙන බොහෝ සංචාරකයන් මාස තුනක (දින 90) සංචාරක වීසා බලපත්‍රය සඳහා අයදුම් කරමින් සිටින අතර නියෝජිතයින් පවසන්නේ එම සංඛ්‍යාව දිනකට 20 දක්වා ළඟා වන බවයි.
Covid -19 වසංගතය අතරතුර මාස තුනක වීසා බලපත්‍රය අත්හිටුවන ලද අතර පරතරය පිරවීම සඳහා දින 60 ක වීසා බලපත්‍රයක් හඳුන්වා දෙනු ලැබුවා. මේ වසරේ මැයි මාසයේදී, මාස තුනේ සංචාරක වීසා නිකුත් කිරීම නැවත ආරම්භකරනු ලැබුවා.
“දැනට, තනි ප්‍රවේශ (single-entry) වීසා වර්ග තුනක් තිබේ: ඒ දින 30, 60 සහ 90 වශයෙනි” Tahira Tours and Travel LLC හි නිර්මාතෘ සහ ප්‍රධාන විධායක නිලධාරී ෆිරෝස් මලියක්කල් පැවසීය.
Luxury Travels හි වීසා උපදේශක පවන් පූජාරි, දිගු කාලීන වීසා බලපත්‍රය සඳහා අයදුම් කරන සංචාරකයන්ගේ කාණ්ඩය විස්තර කළේය:
“දින 90ක බලපත්‍රය සඳහා අයදුම්කරන්නන් බොහෝවිට එක්සත් අරාබි එමීර් රාජ්‍යයේ දීර්ඝ නිවාඩුවක් ගත කිරීමට කැමති සංචාරකයින් හෝ එක්සත් අරාබි එමීර් රාජ්‍යයේ පදිංචිකරුවන්ගේ දෙමාපියන් සහ දරුවන් හෝ ඔවුන්ගේ පවුලේ සාමාජිකයින් හෝ පසුව ස්ථිර පදිංචි වීම සඳහා රට ගවේෂණය කිරීමට කැමති සංචාරකයන් වෙනවා”
බොහෝ පවුල් සහ සංචාරක විශේෂඥයින් විශ්වාස කරන්නේ මාසයක් හෝ දෙකක් යනු එක්සත් අරාබි එමීර් රාජ්‍යයේ ගවේෂණය කිරීම සහ ජීවත් වීම සඳහා ඉතා කෙටි කාලයක් බවයි. අනෙක් අතට, දින 90 ක සංචාරක වීසා බලපත්‍රය වැඩි කාලයක් රටේ රැඳී සිටීමට කැමති අයට සහනයක් ගෙන දී තිබෙනවා.
සුදුසුකම්
විශේෂඥයින්ට අනුව, මාස තුනක වීසා කාණ්ඩ දෙකක් යටතේ ලබාගත හැක.
පළමු කාණ්ඩය යටතේ ඉල්ලුම් කරුට අවම වැටුප ඩිරාම් 6,000 සිට ඩිරාම් 8,000 දක්වා අවශ්‍ය වන අතර ”එක් අයෙකු සඳහා ඩිරාම් 1,000 ක තැන්පතුවක් තබා ගැනීමෙන් ආසන්නතම පවුලේ සාමාජිකයින්ට සහ මිතුරන්ට අනුග්‍රහය දක්වන්නෙකු,” ලෙස මාස තුනක වීසා අයදුම් කල හැක.
“දෙවන කාණ්ඩය යටතේ ඔවුන්ගේ අනුග්‍රාහකයා වන සංචාරක නියෝජිතයෙකු හරහා ඕනෑම කෙනෙකුට විවෘතය. අවශ්‍ය වන්නේ විදේශ ගමන් බලපත්‍රයේ පිටපත සහ ඡායාරූප පමණි.”
පිරිවැය
පළමු කාණ්ඩයේ වීසා සඳහා, ඩිරාම් 1,000 ක ආපසු ගෙවන තැන්පතුවක් හා පිරිවැය ඩිරාම් 800 පමණ වේ. උනන්දුවක් දක්වන අයට නිල ආගමන වෙබ් අඩවිය හරහා අයදුම් කළ හැකිය. “දෙවන කාණ්ඩය සඳහා, ඩිරාම් 1,200 සිට ඩිරාම් 1,400 දක්වා පරාසයක මිලකට ඔවුන්ගේ සංචාරක නියෝජිතයා හරහා අයදුම් කළ හැකිය,” ෆිරෝස් පැවසීය.
ප්‍රවීණයන් පවසන්නේ වීසා දිගුවක් සඳහා රටින් පිටවීමට ඉතා අපහසු පුද්ගලයින්ට දින 90 ක වීසා බලපත්‍රයක් ලබා දී ඇති බවයි.
