එක්සත් අරාබි එමීර් රාජ්‍යයේ ප්‍රථම වරට ඩුබායි වරාය විසින් ජලය මත පාවෙන අපද්‍රව්‍ය එකතුකරන PixieDrone හඳුන්වාදීම නිවේදනය කොට තිබෙනවා.
වීඩියෝ කැමරාවක් සහ දුරස්ථ සංවේදක Lidar තාක්‍ෂණයෙන් සවි කර ඇති PixieDrone හට කාබනික අපද්‍රව්‍ය, ප්ලාස්ටික්, වීදුරු, ලෝහ, කඩදාසි, රෙදි, රබර් සහ තවත් දේ ඇතුළු අපද්‍රව්‍ය වර්ග කිරීමටත් කුඩා ප්‍රදේශ සහ අවකාශයන් වෙත ප්‍රවේශ වීමටත් හැකියාව ඇත.
එයට ලීටර් 160 දක්වා එකතු කිරීමේ ධාරිතාවක් ඇති අතර, ස්වයංක්‍රීය මාදිලිය පැය හයක් දක්වා ක්‍රියාත්මක වේ. එය සාගර ජලයේ සහ මිරිදියේ ඇති අපද්‍රවය දෙවර්ගය සඳහාම යෝග්‍යවන අයුරින් නිර්මාණය කොට ඇත.
තාක්ෂණික නවෝත්පාදනයේ සහ කාර්යක්ෂමතාවයේ සලකුණක් වන මෙම පාවෙන අපද්‍රව්‍ය එකතු කරන්නා දුරස්ථ පාලක ස්වයංක්‍රීය ඩ්‍රෝන යානයක් ලෙස ක්‍රියාත්මක කල හැකි අතර එය ජල මතුපිට ඇති සුන්බුන් හඳුනාගෙන ඒවා වෙනත් ක්‍රම මගින් ඉවත දැමිය හැකි පුළුල් එකතු කිරීමේ ටැංකියක ගබඩා කරයි.
මෙම ඩ්‍රෝන යානය ඩුබායි වරායට ඒකාබද්ධ කිරීමෙන් ඩුබායිහි ජලය සහ වෙරළ හරහා ඇති අපිරිසිදුකම සහ අවධානයට ලක් නොවූ අපද්‍රව්‍ය ඉවත් කිරීම සඳහා ආධාරක වත්කමක් බවට පත්වෙනු ඇත.
ප්‍රංශ සමාගමක් වන ද සීරියල් ක්ලීනර්ස් විසින් හඳුන්වා දී ඇති මෙම ඩ්‍රෝන යානය ආසන්න වශයෙන් මීටර් 1.62 ක් දිග සහ මීටර් 1.15 ක් පළල වන අතර අනෙකුත් පිරිසිදු කිරීමේ රොබෝවරුන් හා සසඳන විට සාපේක්ෂව සංයුක්ත වේ.
