ඩුබායි සෞඛ්‍ය අධිකාරිය (DHA) ඩුබායිහි පෞද්ගලික පාසල්වල සෞඛ්‍ය සායන පරීක්ෂා කිරීම සඳහා ක්ෂේත්‍ර චාරිකා ආරම්භ කර ඇත. මෙම පරීක්ෂණවල පරමාර්ථය වන්නේ සායනවල සූදානම තක්සේරු කිරීම සහ ඩුබායි සෞඛ්‍ය අධිකාරිය විසින් ස්ථාපිත කර ඇති රෙගුලාසි සහ ප්‍රමිතීන්ට අනුකූල වීම සහතික කිරීමයි.
ඩුබායිහි දැනුම හා මානව සංවර්ධන අධිකාරිය (KHDA) සමඟ සහයෝගයෙන් සහ සම්බන්ධීකරණයෙන් මෙම සංචාරයන් සිදු කෙරේ. 2023/2024 නව අධ්‍යයන වර්ෂය ආරම්භයේදී DHA නිලධාරීන් සහ විශේෂඥයින් කණ්ඩායමක් සමඟ මෙම ක්ෂේත්‍ර චාරිකා ආරම්භ කොට තිබෙනවා.
ශිෂ්‍ය සංඛ්‍යාවේ අනුපාතයට අනුකූල වෛද්‍යවරුන්ගේ සහ හෙදියන්ගේ සංඛ්‍යාව ඇතුළුව පාසල් සායනවල සියලුම අංගයන් පරීක්ෂා කිරීම් සිදුකරයි. තවද, සායන සඳහා නියමකොට ඇති උපකරණ අතර රුධිර පීඩන මොනිටර, ග්ලූකෝස් මීටර, රෝග විනිශ්චය උපකරණ, ඔක්සිජන් සිලින්ඩර් මෙන්ම අත්‍යවශ්‍ය ප්‍රථමාධාර සැපයුම් වැනි අත්‍යාවශ්‍ය උපකරණ ද මෙම චාරිකා මගින් පරීක්ෂාවන්ට ලක් කෙරේ.
සෞඛ්‍ය සායනවල සහ අවට පරිසරයේ සමස්ත ආරක්ෂාව තක්සේරු කිරීම සමඟින් වෛද්‍ය උපකරණ සහ උපකරණ සඳහා අවශ්‍ය කාලානුරූපී නඩත්තු කිරීම් නිරීක්ෂණයද මෙම සංචාරයන්ට ඇතුළත් වේ.
DHA හි සෞඛ්‍ය නියාමන අංශයේ සායනික විගණන සහ පාලන දෙපාර්තමේන්තුවේ අධ්‍යක්ෂ Faris Al Mazmi පැවසුවේ සිසුන්ගේ සෞඛ්‍යය සහ ආරක්ෂාව සහතික කිරීම සඳහා පුද්ගලික පාසල්වල සෞඛ්‍ය සායන පාලනය කරන පුළුල් රෙගුලාසි සහ අවශ්‍යතා DHA සතුව ඇති බවයි.
විශේෂිත පරීක්ෂණ කණ්ඩායම්, පාසල් පරිපාලනය සමඟ සහයෝගයෙන් මෙම ක්ෂේත්‍ර චාරිකා සිදු කරන බව Al Mazmi මහතා පැවසීය. විශේෂයෙන්ම පාසල් පරිශ්‍රයන්හි හදිසි මැදිහත්වීමක් අවශ්‍ය වන හදිසි අවස්ථා හැසිරවීම සඳහා නිරන්තරව වෛද්‍ය සූදානම සහතික කිරීම මෙම පරීක්ෂණවල අරමුණ බව ඔහු පැවසීය. පෞද්ගලික පාසල්වල වෛද්‍ය සායන මගින් ඉහළම මට්ටමේ වෛද්‍ය සේවාවන් සැපයීම සහතික කිරීමද මෙහි අරමුණයි.
