එක්සත් අරාබි එමීර් රාජ්‍යයෙහි වඩාත් ජනප්‍රිය විනෝදාත්මක සහ සංචාරක ගමනාන්තයක් වන ඩුබායි සෆාරි උද්‍යානය 2023-2024 සමය සඳහා ඔක්තෝබර් 5 වන දින විවෘත කරන බව ඩුබායි මහ නගර සභාව නිවේදනය කොට තිබෙනවා.
මෙම උද්‍යානය පදිංචිකරුවන්ට සහ සංචාරකයින්ට වනජීවීන් සහ ජෛව විවිධත්වයේ විශ්මිතයන් ගවේෂණය කිරීමට සහ අනාවරණය කර ගැනීමට අද්විතීය අවස්ථාවක් සපයයි. මීට අමතරව, එය සංචාරකයින්ට ඔවුන්ගේ ස්වභාවික වාසස්ථානවල සතුන් සහ පක්ෂීන් නිරීක්ෂණය කිරීමට අවස්ථාව ලබා දෙයි.
ඩුබායි මහ නගර සභාවේ ලෝක මට්ටමේ විනෝදාස්වාද ගමනාන්ත නිර්මාණය කිරීමේ සැලැස්මට සමගාමීව, ඩුබායි සෆාරි උද්‍යානය ප්‍රධාන ජාත්‍යන්තර සංචාරක ගමනාන්තයක් ලෙස ඩුබායිහි වටිනාකම් පොහොසත් කිරීමට දායක වී ඇත.
ඩුබායි මහ නගර සභාවේ පොදු උද්‍යාන සහ විනෝදාස්වාද පහසුකම් දෙපාර්තමේන්තුවේ අධ්‍යක්ෂ අහමඩ් අල් සරූනි මෙසේ අදහස් දැක්වීය.
“ඉදිරි 2023-2024 සමයේදී, ඩුබායි සෆාරි උද්‍යානයට විවිධ අලුත් සතුන් සහ පක්ෂීන් හඳුන්වා දෙන අතරම විනෝදාස්වාදය සහ අධ්‍යාපනයට බාධාවකින් තොරව මිශ්‍රිත ආකර්ෂණීය ක්‍රියාකාරකම් රාශියක් ලබා දෙනු ඇත. සතුන්ගේ යහපැවැත්ම සහතික කරමින් ඉහළම සෞඛ්‍ය ප්‍රමිතීන්ට අනුකූලව උද්‍යානයේ සුවිශේෂී පරිසර පද්ධතිය සහ එහි නේවාසික විශේෂ සඳහා කදිම ජීවන තත්ත්වයන් අධ්‍යනය කිරීමට නරඹන්නන්ට සුවිශේෂී අවස්ථාවක් උදාවේ. ගෝලීය පාරිසරික හා ඉඩම් සංරක්ෂණය හා සම්බන්ධ වැඩමුළු සහ උත්සව මෙන්ම තිරසාරභාවයේ විවිධ අංශ සමඟින් වඳවීමේ තර්ජනයට ලක්ව ඇති විශේෂ පිළිබඳව වැඩසටහනක් දියත් කිරීමට අපි සැලසුම් කරමු.”
“ඩුබායි සෆාරි උද්‍යානය සහ වන සතුන් නැරඹීමට සැලසුම් කරන එක්සත් අරාබි එමීර් රාජ්‍යයේ පදිංචිකරුවන්ට සහ ජාත්‍යන්තර සංචාරකයින්ට අද්විතීය හා පොහොසත් අත්දැකීමක් ලබා දීමට ඩුබායි මහ නගර සභාව උනන්දු වෙයි. අපගේ ඉලක්කය වන්නේ උද්‍යානයේ පහසුකම්, පොදු අවකාශයන් ඇතුලු විනෝද උද්‍යාන තුළ සපයන සේවාවන් මගින් සෑම සංචාරකයෙකුටම ප්‍රීතිමත් සහ අමතක නොවන අත්දැකීමක් ලඟාකර දීමයි. අපි පොදු උද්‍යාන වැඩිදියුණු කිරීම ඇතුලු ඩුබායිහි සිත් ඇදගන්නා ඉහළම ගෝලීය තත්ත්ව ප්‍රමිතීන්ට අනුකූලව විනෝද ගමනාන්ත නිර්මාණය කිරීම කරන්නෙමු. තවද, අපගේ ප්‍රයත්නයන් ඩුබායි හි ප්‍රමුඛතම ගෝලීය සංචාරක ගමනාන්තයක් ලෙස එහි තත්ත්වය තහවුරු කරමින් ජීවන තත්ත්වය තිරසාර කිරීමට සහ ඉහළ නැංවීමට දායක වේ.” Al Zarooni වැඩිදුරටත් පැවසීය.
නව විනෝදාත්මක ක්‍රියාකාරකම්
ඩුබායි සෆාරි උද්‍යානය දිනපතා නියමිත වේලාවට විනෝදාත්මක සහ අධ්‍යාපනික ප්‍රසංග පවත්වනු ඇත. මෙම වාරයේ විශේෂත්වයන් අතර කුරුළු රාජධානියේ ප්‍රදර්ශනය වන අතර එය පෙරවරු 11.00 සිට පස්වරු 2.00 දක්වා Explorer Village රඟහලේදී පැවැත්වේ. මීට අමතරව, Asian Village හි පස්වරු 1:00 සිට 3:00 දක්වා දර්ශනීය ප්‍රදර්ශනයක් පවත්වනු ලබන අතර, ලෝකයේ වඩාත්ම ආකර් ශනීය ජීවීන් ප්‍රේක්ෂකයින් වෙත හඳුන්වා දෙනු ඇත. ඒ හා සමානව, සවස 4:00ට Birds of Prey සංදර්ශනය, සංචාරකයන්ට සුවිශේෂී අවස්ථා ලබා දෙනු ඇත.
ටිකට් සහ පැකේජ
ඩුබායි සෆාරි පාර්ක්හි ප්‍රවේශපත්‍ර විවිධ කාණ්ඩ සහ පැකේජ වලින් ලබා ගත හැකි අතර, නරඹන්නන්ට අප්‍රිකානු ගම්මානය, ආසියානු ගම්මානය, අරාබි කාන්තාර සෆාරි, ගවේෂක ගම්මානය සහ නිම්න ප්‍රදේශය වැනි එහි වෙනස් කොටස් ගවේෂණය කිරීමට ඉඩ සලසයි.
මෙම ප්‍රවේශපත්‍ර කාණ්ඩවලට අමතරව ඩුබායි සෆාරි උද්‍යානය විශේෂ පැකේජ රැසක් පිරිනමයි. ‘King of Safari’ පැකේජය උද්‍යානයේ විවිධ සත්ත්ව විශේෂ පිළිබඳ තීක්ෂණ බුද්ධිය බෙදා හදා ගන්නා විශේෂඥ මාර්ගෝපදේශකයකු විසින් මෙහෙයවනු ලබන සුවිශේෂී චාරිකා අත්දැකීමක් ලබා දෙනු ඇත. සත්ත්ව රැකවරණය ගැන උනන්දුවක් දක්වන අය සඳහා, ‘Behind the Scenes’ පැකේජය මඟින් සතුන්ට ලබා දෙන දෛනික සත්කාර සේවා පිළිබඳව දැන ගැනීමට මිනිත්තු 90 ක තිරය පිටුපස අත්දැකීමක් ලබා දෙනු ඇත. ‘Jungle Capture’ පැකේජය මගින් ඡායාරූපකරණයේ යෙදෙන රසිකයින්ට උද්‍යානය තුළ ඇති අද්විතීය ස්ථාන වලදී සතුන්ගේ ඡායාරූප ගැනීමට සුවිශේෂී පැය තුනක් ලබා දෙනු ඇත. මීට අමතරව ‘Dine in the Wild’ පැකේජය මගින් සංචාරකයින්ට අමතක නොවන භෝජන මතකයන් නිර්මාණය කරමින් උද්‍යානය තුල ඔවුන්ගේ ප්‍රියතම ආහාර වේල රස විඳීමට සුවිශේෂී අවස්ථාවක් ලබා දෙනු ඇත.
ඩුබායි සෆාරි උද්‍යානයේ විවිධ සිනමාහල්, විනෝදාස්වාද සංදර්ශන, ආපනශාලා සහ කැෆේ ඇතුළත් වන අතර එහි විවිධ ජාත්‍යන්තර සහ දේශීය ආහාර වර්ග පිරිනමයි. උද්‍යානය මගින් සපයන පොහොසත් අත්දැකීම් සහ ත්‍රාසජනක අත්දැකීම් වැඩිදියුණු කිරීම සඳහා එහි අභ්‍යන්තර දුම්රිය සේවාවක් ද සපයයි.
ඩුබායි මහ නගර සභාව විසින් අධීක්ෂණය කරනු ලබන ඩුබායි සෆාරි උද්‍යානය, පසුගිය වසරේ එක්සත් අරාබි එමීර් රාජ්‍යයේ පදිංචිකරුවන් සහ ජාත්‍යන්තර සංචාරකයින් ඇතුළුව මිලියන භාගයකට වඩා නරඹන්නන් ආකර්ෂණය කර ගත්හ. මෙම සංචාරකයින් ඩුබායි වෙත පැමිණෙන්නේ එහි සිත් ඇදගන්නාසුළු සහ අද්විතීය විනෝදාස්වාද පිරිනැමීම් සඳහා වන අතර සෆාරි උද්‍යානය ඔවුන්ට වන සතුන් සමඟ සම්බන්ධ වීමට ඉඩ සලසන කැපී පෙනෙන ආකර්ෂණයක් වේ.
ඩුබායි සෆාරි උද්‍යානය සතියේ දිනවල උදේ 9 සිට සවස 5 දක්වා විවෘතව පවතී. සංචාරකයින්ට විවිධ පැකේජ විකල්පයන් සොයා ගැනීමටත්, උද්‍යානයේ ආකර්ෂණීය ස්ථාන ගවේෂණය කිරීමට සහ වෙබ් අඩවිය හරහා ප්‍රවේශපත්‍ර මිලදී ගැනීමෙන් ඔවුන්ගේ සංචාරය කල්තියා සැලසුම් කිරීමට හැකිය.
