ලොව විශාලතම තාක්ෂණික ප්‍රදර්ශනය වන Gitex Global හි 43 වන වාරය ඩුබායි ලෝක වෙළඳ මධ්‍යස්ථානයේදී (DWTC) අද ආරම්භ වෙනවා. ඔක්තෝබර් 16 සිට 20 වෙනිදා දක්වා දින පහක් පුරා පැවැත්වෙන මෙම උත්සවයට විශාල නරඹන්නන් සංඛ්‍යාවකගේ පැමිණීමට අපේක්ෂා කරනවා.
පසුගිය වසරවල මෙන් මෙවරද, උත්සවයට දහස් ගණනක් නරඹන්නන් පැමිණීමට අපේක්ෂා කරන බැවින් ඩුබායි ලෝක වෙළඳ මධ්‍යස්ථානය (DWTC) අවට දැඩි රථවාහන තදබදයක් අපේක්ෂා කරනවා. දැඩි රථවාහන තදබදය හේතුවෙන් ප්‍රදර්ශනය නැරඹීමට පැමිණෙන්නන්ට සිදුවන අපහසුතාවය මගහරවා ගැනීමට තම වාහනය වෙනුවට මෙට්‍රෝ භාවිතා කරන ලෙස උපදෙස් දී තිබෙනවා. ඩුබායි ලෝක වෙළඳ මධ්‍යස්ථානය (DWTC) වෙත ළඟා වීමට මෙට්‍රෝ හොඳම ක්‍රමයයි. මෙට්‍රෝ නැවතුම්පලෙහි සිට ප්‍රදර්ශන භූමියට සෘජු ප්‍රවේශයක්ද තිබෙනවා.
මෙට්‍රෝ, සියලු ගොඩබිම් ප්‍රවාහන ක්‍රමවන බස්, කුලී රථ, පෞද්ගලික වාහන සමග හොඳින් සම්බන්ධ වෙන අතර මගීන්ට ඔවුන්ගේ නැමිය හැකි බයිසිකල් සහ ඊ-ස්කූටර මෙට්‍රෝ මැදිරි තුළට ගෙන ඒමට ද අවසර ඇත.
රිය පදවමින් පැමිණෙන අයට ඔවුන්ගේ මෝටර් රථ සෙන්ටර් පොයින්ට් මෙට්‍රෝ ස්ටේෂන්, එටිසලාට් මෙට්‍රෝ ස්ටේෂන්, ජෙබෙල් අලි මෙට්‍රෝ ස්ටේෂන් හෝ අල් කිෆාෆ් ප්‍රදේශයේ මැක්ස් ස්ටේෂන් (මීට පෙර අල් ජෆිලියා ලෙස හැඳින්වූ) අසල ඇති බහු මහල් වාහන නැවැත්වීමේ ගොඩනැගිලි වල වාහන නැවැත්වීමේ හැකියාව තිබෙනවා.
තවත් විකල්පයක් ලෙස ඔබේ මෝටර් රථය ඩුබායි මෝල්හි සබීල් දිගුවේ ගාල් කල හැකි අතර එහි සිට නොමිලේ කැපවූ ෂටල් බස් රථ මගින් ඩුබායි ලෝක වෙළඳ මධ්‍යස්ථානයට පැමිණීමට පහසුකම්ද සලසා තිබෙනවා.
මෝටර් රථ හිමියන්ට ඔවුන්ගේ මෝටර් රථ බිස්නස් බේ, අල් බර්ෂා රථවාහන දෙපාර්තමේන්තුව සහ බර් ජුමන් මෙට්‍රෝ ඩිජිටල් වාහන නැවැත්වීමේ ස්ථානවල නවතා මෙට්‍රෝ වෙතින් මිනිත්තු 18 කින් Gitex වෙත ළඟා විය හැකිය. ඔවුන්ට Digitalparking.city හි වාහන නැවැත්වීමේ ස්ථානයක් කල්තියා වෙන්කරවා ගැනීමද කල හැකිය.
