ඩුබායිහි බහු-සංස්කෘතික උත්සව ගමනාන්තය වන Global Villageහි 28 වෙනි වාරය සඳහා ඔක්තෝබර් 18 වෙනිදා මහජනතාවට නිල වශයෙන් එහි දොරටු විවෘත කරනු ලැබූ අතර එය 2024 අප්‍රේල් 28 දක්වා ක්‍රියාත්මක වීමට නියමිතයි.
මෙම වාරයේදී ලේසර් සංදර්ශන, 3D ප්‍රක්ෂේපණ සංදර්ශන සහ ප්‍රසංග ඇතුළු නව ආකර්ෂණීය ස්ථාන සහ අත්දැකීම් රාශියකින් සමන්විත වේ. නරඹන්නන්ට මණ්ඩප 27කට අධික ප්‍රමාණයක්, සාප්පු සවාරි 3,500කට අධික ප්‍රමාණයක් සහ භෝජන සංග්‍රහයන් රාශියක් අත්විඳීමට හා දැකීමට අපේක්ෂා කළ හැක.
ගමනාගමනය පහසු කිරීම සඳහා, මාර්ග සහ ප්‍රවාහන අධිකාරිය (RTA) දැනට පවතින මාර්ග හතරට අනුපූරකව නව බස් මාර්ගයක් ප්‍රකාශයට පත් කර ඇත.
Global Village 27 වැනි වාරයේදී මිලියන 9කට අධික නරඹන්නන් පිරිසක් පැමිණි බව වාර්ථා වෙනවා. ඩුබායි හෝල්ඩින් එන්ටර්ටේන්මන්ට් හි ප්‍රධාන විධායක නිලධාරී ප්‍රනාන්දු එයිරෝවා පැවසුවේ: “දශක තුනකට ආසන්න කාලයක් Global Village කලාපීය සහ ජාත්‍යන්තර සංධිස්ථානයක් ලෙසත් ගෝලීය විනෝදාස්වාද සහ සංචාරක කේන්ද්‍රස්ථානයක් ලෙසත් ඩුබායිහි තත්ත්වය ශක්තිමත්කර තිබෙනවා.”
“මෙම ජයග්‍රහණය වෙනුවෙන් ඩුබායි Global Village හි ලොව විවිධ සංස්කෘතීන් ප්‍රදර්ශනය කිරීමට වෙහෙස නොබලා දායක වන අපගේ සුවිශේෂී කණ්ඩායම් සහ හවුල්කරුවන්ට බොහෝ සෙයින් ණයගැතියි. 28 වැනි වාරය සඳහා ලොව පුරා සිටින සංචාරකයින්ට සාප්පු සවාරි, කෑමබීම සහ විනෝදාස්වාද වැනි නොබිඳිය හැකි ආකර්ෂණීය අත්දැකීම් ගනනාවක් පෙළගැස්වීමට ලැබීම ගැන අපි සතුටට පත් වෙමු.”
නවතම වාරයේ කාලසටහන්ගත සංදර්ශන 40,000කට අධික ප්‍රමාණයක් ඇති අතර Cyber City Stunt Show, AA-INJAA, Fusion Japan සහ Dhol Foundation ඉදිරිපත් කරන ජාත්‍යන්තර සංදර්ශනයන්ද නව එකතු කිරීම් අතර ඇත.
ඩ්‍රැගන් ලේක් ලොව විශාලතම දිය යට LED තිරය මත නව ගිනි සහ ලේසර් සංදර්ශනයක් පැවැත්වීමට සූදානම් වේ. ගේට් ඔෆ් ද වර්ල්ඩ්හි ඩල්ලා ත්‍රිමාණ ප්‍රක්ෂේපණ සංදර්ශනයක් ප්‍රදර්ශනය කරනු ඇත. සංකේතාත්මක ගිනිකෙළි සංදර්ශන සෑම සිකුරාදා සහ සෙනසුරාදා දිනකම රාත්‍රී 9:00 ට පැවැත්වීමට නියමිතය.
ප්‍රවේශපත්‍ර මිළදීගැනීමේදී, ජංගම යෙදුම හෝ වෙබ් අඩවිය හරහා මිලදී ගන්නා විට අමතර 10%ක වට්ටමක් ලැබේ, සංදර්ශන භූමියේ එක් අයෙකුට ප්‍රවේශපත්‍ර සඳහා ඩිරාම් 30ක් වැය වේ.
