එක්සත් අරාබි එමීර් රාජ්‍යය පුරා ගිනි ආරක්‍ෂාව සහතික කිරීම සඳහා දැඩි නීති රීති ක්‍රියාත්මක වන අතර, උල්ලංඝණය කිරීමට එරෙහිව විශාල දඩයකට යටත් වේ. පසුගියදා, අබුඩාබි සිවිල් ආරක්ෂක දෙපාර්තමේන්තුව විසින් ගිනි නිවීමේ උපකරණ සඳහා පහසු ප්‍රවේශයන් පවත්වා ගැනීමේ අවශ්‍යතාවය වැසියන්ට මතක් කර දෙන උපදේශනයක් නිකුත් කළේය.
රටේ සෑම ගොඩනැගිල්ලකම ගිනි නිවීමේ උපකරණ සවිකර තිබීම අනිවාර්ය වන අතර ගිනි අනතුරු ඇඟවීමේ උපකරණ වල සිට ගිනි නිවීමේ උපකරණ දක්වාත්, ගොඩනැගිලි වල නිසි පිටවීම් සහිත වීමත් අනිවාර්ය වේ.
මෙම ගිනි ආරක්ෂණ උපකරණ ලබා දීමට අමතරව, ඒවාට පහසුවෙන් ප්‍රවේශ වීමට ඉඩ ලබාදියයුතු බව අබුඩාබි සිවිල් ආරක්ෂක දෙපාර්තමේන්තුවේ එම නිවේදනයේ සඳහන් කර ඇත.
“ගොඩනැගිල්ලක් තුළ ගිනි නිවන උපකරණ සහ ඒවාට ප්‍රවේශ වීමට බාධා කරන බාධක පැවතීම” බරපතල උල්ලංඝනයක් බව එහි සඳහන් වේ.
මෙය ඩිරාම් 2,000 ක දඩයකට යටත් විය හැකි බව එහි වැඩිදුරටත් සඳහන් වේ.
