එක්සත් අරාබි එමීර් රාජ්‍යයේ පෙර භාවිත මෝටර් රථ ව්‍යාපාරය දියුණු වෙමින් පවතින අතර, විදුලි වාහන (EVs) ධාවනය කිරීමට ඇති උනන්දුව මෝටර් රථ හිමියන් අතර වේගවත් වෙමින් පවතින බව මෝටර් රථ ව්‍යාපාර අංශයේ විශේෂඥයෙක් පැවසීය.
“එක්සත් අරාබි එමීර් රාජ්‍යයේ අලෙවි කරන සෑම නව මෝටර් රථයක් සඳහාම පෙර භාවිත වාහන තුනක් අලෙවි කෙරේ. පෙර භාවිත මෝටර් රථ වෙළඳපොලේ, විශේෂයෙන්ම තරුණ මෝටර් රථ ගැනුම්කරුවන් අතර ප්‍රබල වර්ධනයක් ඇති වී තිබේ, ‘Cars24’ සඳහා ගල්ෆ් කලාපයේ ප්‍රධාන විධායක නිලධාරී අභිනව් ගුප්තා, 2023 පළමු මාස හය තුළ වාර්තා වූ ප්‍රවණතා පිළිබඳ සිය වාර්තාවේ තොරතුරු බෙදා ගනිමින් පැවසීය.
“2021 දී එක්සත් අරාබි එමීර් රාජ්‍යයේ අපගේ පළමු ජාත්‍යන්තර කේන්ද්‍රස්ථානය ආරම්භ කිරීමෙන් පසු, එක්සත් අරාබි එමීර් රාජ්‍යයේ පෙර භාවිත මෝටර් රථ වෙළඳපොළ සැලකිය යුතු වර්ධනයක් පෙන්නුම් කර ඇත, එයින් අදහස් වන්නේ එය තරඟකාරී සහ සේවා පිරිනැමීම් අනුව ඉදිරියෙන් සිටිනා බවයි,” ගුප්තා සම්මුඛ සාකච්ඡාවකදී පැවසීය.
පෙර භාවිත මෝටර් රථයක් මිලදී ගැනීමට උනන්දුවක් දක්වන කාන්තා රියදුරන්ගේ සංඛ්‍යාවේ අඛණ්ඩ වර්ධනයක් දක්නට ලැබෙන බව ඔහු පෙන්වා දුන්නේය.
“2023 පළමු භාගයේදී, පිරිමි ගැනුම්කරුවන්ගේ 13% ක වැඩිවීමක් සමඟ සසඳන විට ‘Cars24’ වේදිකාවේ කාන්තා ගැනුම්කරුවන්ගේ සංඛ්‍යාව 15% කින් ඉහළ ගියේය.” ගණුදෙණුකරුවන් තවමත් වාහනය පරීක්ෂා කිරීම සඳහා ස්ථානීය සංචාරයකට කැමති බව ගුප්තා සඳහන් කළේය.
“ගැනුම්කරුවන් වාහනයක් මිලදී ගැනීමට තීරණය කිරීමට පෙර භෞතික ප්‍රදර්ශනාගාරයකට ගොස් ඔවුන් තෝරාගත් මාදිලි පරීක්ෂා කිරීමට කැමති විශාල පිරිසක් තවමත් සිටිති. මෙය මනසේ තබා ගනිමින්, අපගේ වෙබ් අඩවිය සහ විකුණුම් ස්ථානය හරහා අපගේ පරිශීලකයින්ට එකම මට්ටමේ සේවාවක් ලබා දෙන ශක්තිමත් සර්ව නාලිකා අත්දැකීමක් නිර්මාණය කිරීම සඳහා අපි ඩුබායි, සාජා සහ අබුඩාබි හි අපගේ මෙහෙයුම් පුළුල් කළෙමු.”
විදුලි වාහන (EVs) සඳහා මාර්ගගත සෙවුම් 60% කින් ඉහළට
එක්සත් අරාබි එමීර් රාජ්‍යයේ අරමුණ වන්නේ හරිත සංචලනය වෙත මාරුවීම සහ 2050 වන විට මාර්ගවල ඇති මුළු වාහනවලින් 50% දක්වා විදුළි වාහනවල කොටස වැඩි කිරීමය.
“පාරිභෝගිකයින්ට ඉන්ධන මිල වැඩි කිරීම පිළිබඳ දැනුවත්භාවයක් සහ විදුලි මෝටර් රථවල පාරිසරික බලපෑම් පිළිබඳ දැනුවත්භාවයක් ඇති අතර එය උනන්දුව වැඩිවීමට දායක වී තිබේ. 2022 දෙවන භාගය හා සසඳන විට 2023 පළමු භාගයේ විදුළි වාහන සඳහා මාර්ගගත සෙවීම් අපගේ වේදිකාවේ 60% කින් ඉහළ ගොස් ඇති බව අපගේ බුද්ධි වාර්තාව අනාවරණය කළේය.”
ගුප්තා හෙළි කළේ ‘Cars24’ පාරිභෝගිකයින්ට සම්පූර්ණ විදුලි වාහන (EVs) විසඳුම් සැපයීමට ප්‍රධාන සැලසුම් ඇති බවයි.
