පොහොසත් උරුමයන් ආරක්ෂා කරමින් හා තාක්ෂණය උපයෝගී කර ගනිමින්, මාර්ග සහ ප්‍රවාහන අධිකාරිය (RTA) දැනට නිෂ්පාදනය සඳහා මාස 6 සිට 7 දක්වා කාලයක් ගතවන අබ්‍රා යාත්‍රාවක් සති තුනක් වැනි කෙටිකලකින් ත්‍රිමාණ මුද්‍රණ තාක්ෂණයෙන් නිෂ්පාදන කිරීමට සූදානම් වෙනවා.
පරිසර හිතකාමී විදුලි බලයෙන් ක්‍රියාත්මක වන මේ බෝට්ටුව මිළෙන් අඩු වනවා පමණක් RTA ට අනුව සාම්ප්‍රදායික අබ්‍රාහි උරුම අනන්‍යතාවය ද රඳවා ගනු ඇත.
පසුගියදා ඩුබායිහි විවෘත කරන ලද තෙදින ජල, බලශක්ති, තාක්ෂණ සහ පරිසර ප්‍රදර්ශනය (WETEX) සහ Dubai Solar Energy (DSS) ප්‍රදර්ශනයේදී ත්‍රිමාණ මුද්‍රිත අබ්‍රා ආකෘතියක් ප්‍රදර්ශනය කෙරේ.
ප්‍රතිචක්‍රීකරණය කළ හැකි කාබනික තන්තු වලින් සාදන ලද fibre-reinforced thermoplastic භාවිතයෙන් 2024 පළමු කාර්තුව වන විට නිෂ්පාදනය ආරම්භ කිරීමට අපේක්ෂා කෙරේ.
ත්‍රිමාණ මුද්‍රිත අබ්‍රා යාත්‍රාවක් මීටර් 12 ක් දිග වන අතර මගීන් 20 දෙනෙකුට ගමන් කල හැකි අතර ආභාධිත පුද්ගලයින් සඳහා වෙන්වූ ආසන ද ඇත. එහි වේගය පැයට කි:මී: 7.4 සිට 11 අතර වනු ඇතැයි අපේක්ෂා කෙරේ.
අබ්‍රා යනු ‘තරණයට’ යන අරුත ඇති ‘abara’ යන අරාබි වචනයෙන් උපුටා ගන්නා ලද්දකි. ශතවර්ෂ ගණනාවක් පුරා, අබ්‍රා ඩුබායි හි වඩාත් නිතර ගැවසෙන ප්‍රවාහන මාධ්‍යයක් ලෙස පවතින අතර, එය නගරයේ ඉතිහාසය සහ උරුමය සංකේතවත් කරයි.
RTA පවසන්නේ, ත්‍රිමාණ මුද්‍රිත අබ්‍රා නිෂ්පාදනය කිරීමෙන් ඔවුන් සම්ප්‍රදාය තාක්ෂණය සමඟ ඒකාබද්ධ කරන බවයි. නවීන අබ්‍රා, ආරක්ෂිත සහ සුවපහසු යාත්‍රාවක් සහතික කිරීම සඳහා නවතම තාක්ෂණයන්ගෙන් සමන්විත වන අතර මගීන්ට ඓතිහාසික ඩුබායි ක්‍රීක් ඔස්සේ යාත්‍රා කිරීමට අවස්ථාව උදා වෙනවා.
Al Fahidi ප්‍රදේශය සහ එහි ඓතිහාසික දිස්ත්‍රික්කය, සූක්, මුස්ලිම් පල්ලිය සහ කෞතුකාගාරය සොයා ගැනීමට හොඳම ප්‍රවාහන මාධ්‍යය ද අබ්‍රා වේ.
