එමීර් ප්‍රදේශ හතටම තද වැසි සහ ගිගුරුම් සහිත වැසි ඇති වූ හෙයින් සිකුරාදා ඩුබායි හි බොහෝ පාසල් සිය අධ්‍යාපණ කටයුතු අන්තර්ජාලය හරහා ආරම්භ කරනු ලැබුවා. අයහපත් කාලගුණ තත්වයන් බොහෝ ප්‍රදේශ වලින් වාර්තා වී තිබුණ අතර අලුයම් කාලයේදී එම ප්‍රදේශ වලට අකුණු, ගිගුරුම් සහිත වැසි මෙන්ම දැඩි සුළංද බලපෑම් සිදුකොට තිබුණා.
පාසල් ප්‍රධානීන් දුරස්ථ අධ්‍යාපනයට මාරුවීම පිළිබඳව දෙමාපියන් දැනුවත් කරමින් ඊමේල් පණිවිඩද යවා තිබුණා.
පණිවිඩයේ සඳහන් වූයේ “අයහපත් කාලගුණික තත්ත්වයන් හේතුවෙන්, සියලුම පාඩම් අද දින Zoom හරහා පවත්වනු ලැබේ,” යනුවෙනි. එක් පාසලක් දෙමාපියන්ට යැවූ විද්‍යුත් තැපෑලෙන් පැවසූයේ. “දැනටමත් බසයට ගොඩවී ඇති සිසුන් නැවත නිවෙස් වෙත ඇරලනු ලැබේ.” යනුවෙනි
ඩුබායි හි පිහිටි තවත් පාසලක විදුහල්පතිවරයෙක් දෙමාපියන්ට ඊමේල් පණිවුඩයක් නිකුත් කරමින්, කෙටි දැනුම්දීමකින් පන්ති අන්තර්ජාලය හරහා ගෙනයාම සම්බන්ධයෙන් දෙමාපියන්ගෙන් සමාව අයැද සිටියේය. ඒ එම පියවර ගැනීමට හේතුව ලෙස “ඉක්මන් නරක අතට හැරෙන කාලගුණික තත්ත්වයන්” ගැනද සඳහන් කරමිනි.
හදිසි දැනුම්දීම මත පාසල් දිනයේදී තම දරුවන් නිවෙස්වල තබා ගැනීමට ඇතැම් දෙමාපියෝ කලබලයෙන් කටයුතු කළ අතර පාසල් අධ්‍යාපණ කටයුතු අන්තර්ජාලයට පිවිසීම නිසා තවත් බොහෝ දෙනෙකුට සහනයක් ලැබී තිබුණි.
අයහපත් කාලගුණය අපේක්ෂාවෙන්, අජ්මාන්, උම් අල් කුවේන් සහ රාස් අල් කයිමා යන එමීර් ප්‍රදේශ තුනේ බලධාරීන් දුරස්ථ අධ්‍යාපනය වෙත මාරු වන ලෙස පාසල්වලට නියෝග කර ඇත.
ජාතික කාලගුණ විද්‍යා මධ්‍යස්ථානය (NCM) එමීර් ප්‍රදේශ හතේම ප්‍රදේශ රැසකට අලුයම තද වැසි වාර්තා කළේය. අනතුරුදායක කාලගුණික තත්ත්වයන් පෙන්නුම් කරමින් කාලගුණ විද්‍යා දෙපාර්තමේන්තුව තැඹිලි සහ කහ වර්ණ අනතුරු ඇඟවීම් නිකුත් කර තිබෙනවා.
