වලංගු හේතුවක් නොමැතිව තම වාහන පාර මැද නවතා නොගන්නා ලෙස අබුඩාබි පොලිසිය රියදුරන්ගෙන් ඉල්ලා සිටින අතර එසේ කිරීමට එරෙහිව ඩිරාම්1,000 ක දඩයක් සහ කළු ලකුණු 6ක් ලැබිය හැකි වරදක් බවට අනතුරු අඟවයි.
රථවාහන හා මුර සංචාර අධ්‍යක්ෂ මණ්ඩලය ප්‍රකාශ කළේ සුළු රථවාහන අනතුරු, වාහන බිඳවැටීම්වලට ලක්වීම හෝ ටයර් පිපිරීමකදී එමට සම්බන්ධ රියදුරන් තම වාහන ආරක්ෂිතව මාර්ගයෙන් ඉවතට ගෙන ළඟම ඇති ආරක්ෂිත ස්ථානයට ගෙන යා යුතු බවයි.
එවැනි අවස්ථාවන්හිදී, රියදුරන්ට සහය සඳහා අබුඩාබි පොලිසියේ අණ සහ පාලන මධ්‍යස්ථානය සම්බන්ධ කර ගැනීමටත්, සුමට ගමනාගමනය සහතික කිරීමටත්, මාර්ග අවහිරතා මඟහරවා ගැනීමටත් උපදෙස් දෙනු ලැබේ.
රථවාහන හා මුර සංචාර අධ්‍යක්ෂක කාර්යාලයේ නියෝජ්‍ය අධ්‍යක්ෂ බ්‍රිගේඩියර් සයිෆ් අල් සාබි, පැවසූයේ මාර්ග ආරක්ෂාව අබුඩාබි පොලිසියේ උපාය මාර්ගික ප්‍රමුඛතා අතර වන බවත්, සුළු රථවාහන අනතුරු වලදී වාහන පාරෙන් ඉවතට ගෙන යාම අනතුර සිදු කළේ කවුරුන්ද යන්න තීරණය කිරීමට බලපාන්නේ නැති බවත්ය. අනතුර හෝ සිද්ධිය සිදු කළේ කවුරුන්ද යන්න තීරණය කරන නිශ්චිත පද්ධති හරහා සැලසුම් ක්‍රියාවලිය සිදු කරන බව ද ඔහු පැහැදිලි කළේය.
බ්‍රිගේඩියර් අල් සාබි, සුළු අනතුරුවලින් පසුව හෝ ටයර් මාරු කිරීමේදී වාහන මාර්ග මංතීරුවල තැබීම සම්බන්ධ අවදානම් ද අවධාරණය කළේය. මෙවැනි ක්‍රියා මාර්ග අනතුරු වැඩි වීමේ සම්භාවිතාව වැඩි කරනවා පමණක් නොව සැලකිය යුතු මාර්ග අනතුරු ද ඇති කරයි.
අබුඩාබි පොලිසියේ ආරක්ෂක මාධ්‍ය දෙපාර්තමේන්තුව විසින් අබුඩාබි පොලිස් සමාජ මාධ්‍ය වෙබ් අඩවි හරහා ප්‍රකාශයට පත් කරන ලද දැනුවත් කිරීම්වලට අමතරව, දැනුවත් කිරීමේ දැන්වීම් සහ ක්ෂේත්‍ර වැඩමුළු හරහා මාර්ගාරක්ෂාව පිළිබඳ දැනුවත්භාවය වැඩිකිරීමට කටයුතු සිදුකොට තිබෙනවා.
රථවාහන සංස්කෘතිය වැඩි දියුණු කරමින් උපායමාර්ගික අරමුණු තුළ සිය උත්සාහයන් වැඩිදියුණු කිරීමට අබුඩාබි පොලිසියේ රථවාහන හා මුර සංචාර අධ්‍යක්ෂක මණ්ඩලය අඛණ්ඩව කටයුතු කරන බව ඔහු අවධාරණය කළේය.
