වසර ගණනාවක් පුරා ප්‍රජා සාමාජිකයින්ගේ දැවැන්ත සහභාගීත්වයක් සහිත ADNOC අබුඩාබි මැරතන් තරගයේ පස්වන වටය සඳහා ප්‍රධාන පෙළේ ජාත්‍යන්තර ධාවකයන් කීපදෙනෙකු එක්වීමට නියමිතය. ඇස්තමේන්තුගත ධාවකයන් 23,000 ක් විවිධ දුර තරග සඳහා සහභාගී වීම අපේක්ෂා කෙරේ,
කිලෝමීටර් 42.195 ක මැරතන් තරගය, මැරතන් සහය දිවීම, කිලෝමීටර් 10, කිලෝමීටර් 5 සහ කිලෝමීටර් 2.5 වශයෙන් ධාවන තරග කීපයක් දෙසැම්බර් 16 වැනිදා පැවැත්වීමට නියමිතය.
පිරිමි තරඟයට උගන්ඩාවේ ඇන්ඩෲ ක්වෙමෝයි වැනි ක්‍රීඩකයින් සහභාගී වනු ඇති අතර 2023 මිලානෝ මැරතන් ජයග්‍රාහකයා සහ 2019 හොංකොං මැරතන් තරගයේ සහ 2017 බුවනෝස් අයර්ස් මැරතන් තරග දෙකෙන්ම පළමු ස්ථානයට පත් වූ කෙන්යාවේ කිප්ටම් බානබස්ද සහභාගී වීමට නියමිතයි. කාන්තා තරගයට, කිලෝමීටර් 10 ඔලිම්පික් ශූරිය ඉතියෝපියාවේ තිරුනේෂ් ඩිබාබා සහ 2017 චිකාගෝ මැරතන් සහ 2022 Enschede මැරතන් ජයග්‍රාහිකා කෙන්යාවේ මොරීන් චෙප්කෙමොයි ද සහභාගීවන සුපිරි ක්‍රීඩක ක්‍රීඩිකාවන් සහභාගී වනු ඇත.
අබුඩාබි ක්‍රීඩා කවුන්සිලයේ ඉසව් අංශයේ විධායක අධ්‍යක්ෂ සුහයිල් අල් අරිෆි සඳහන් කළේ ලෝක මට්ටමේ ජාත්‍යන්තර ධාවකයන්ගේ සහභාගීත්වය දේශීය හා ගෝලීය වශයෙන් ඉසව්වේ වැදගත්කම ඉස්මතු කරන බවයි. “ප්‍රසිද්ධ ධාවකයන්ගේ පැමිණීම, මෙම වසරේ පෙළගැස්ම නැවත තහවුරු කරන අතර දිගු දුර ධාවනයේදී ADNOC අබුඩාබි මැරතන් තරගයේ සාර්ථකත්වයට ජාත්‍යන්තර පිළිගැනීමක් ලබා දෙනු ඇත.
මෙම ඉසව්ව පවුල් සහ ළමුන් ඇතුළු සමස්ත ප්‍රජාව සඳහා විවෘත වේ, අයදුම්කරුවන්ට පහත සඳහන් තරග සඳහා ලියාපදිංචි විය හැකිය: මැරතන්, මැරතන් සහය (දෙදෙනෙකු බැගින් වූ කණ්ඩායම්), 10km, 5km සහ 2.5km වශයෙනි. අභාධිත පුද්ගලයින් සහ පැරාඔලිම්පික් තරග වලට සහභාගිවන්නන් සඳහා ලියාපදිංචිය නොමිලේය.
“ශාරීරික යෝග්‍යතාවය සැමරීම සඳහා අප හා එක්වන ලෙස විවිධ තරාතිරම්වල සහ විවිධ පසුබිම්වල පුද්ගලයන්ට ආරාධනා කිරීමට ලැබීම ගැන අපි සතුටු වෙනවා. ඔබගේ යෝග්‍යතා මට්ටම කුමක් වුවත්, ඔබට පමණක් ගැලපෙන දුරක් ඇත. ක්‍රීඩාවේ ගෝලීය අගනුවර වන අබුඩාබි හි වීදිවල මෙම පොහොසත් ක්‍රීඩා දිනයේ කොටස්කරුවන් වීමට අපි සියලු දෙනා දිරිමත් කරමු, ”අල් අරිෆි සඳහන් කළේය.
සියලුම තරග කෝනිෂ් පාරේ ADNOC මූලස්ථානය අසල විවිධ ස්ථාන වලින් ආරම්භ වී බයිනුනා පොදු උද්‍යානය අසල ADNOC Campus අසලින් අවසන් වේ. මෙම වසරේ මැරතන් ගම්මානය, ඇඩ්නොක් මූලස්ථානයේ පිහිටා ඇති අතර දෙසැම්බර් 12 සිට 16 දක්වා ප.ව. 3 සිට රාත්‍රී 10 අතර නොමිලයේ ප්‍රවේශ විය හැකිය. එහිදී විනෝදාස්වාදය, පුළුල් පරාසයක භෝජන විකල්ප සමඟ සංචාරකයන්ට සුවිශේෂී වූ අත්දැකීමක් ලබා දෙනු ඇත.
සියලුම ධාවකයන්ට තිරසාර ද්‍රව්‍ය වලින් සාදන ලද නයික් ධාවන ටී ෂර්ට් එකක් ලැබෙනු ඇත. සහභාගිවන්නන්ට මාර්ග ගතව හෝ මැරතන් ගම්මානය ක්‍රියාකාරී වේලාවන්හිදී ඔවුන්ගේ නම් එකතු කිරීමෙන් ඔවුන්ගේ ටී ෂර්ට් අභිරුචිකරණය කළ හැකිය. නොවැම්බර් 30 න් පසු තරගය සඳහා ලියාපදිංචි වන සහභාගිවන්නන්ට දෙසැම්බර් 12 සහ 15 අතර කාලය තුළ මැරතන් ගම්මානයෙන් තම ධාවන පැකේජ ලබා ගත හැකිය. මෙම කාල සීමාවෙන් පසු ධාවන පැකේජ ලබා ගත නොහැක. ලියාපදිංචිය සහ වැඩි විස්තර සඳහා, https://www.adnocabudhabimarathon.com/ වෙත පිවිසෙන්න
