එක්සත් අරාබි එමීර් රාජ්‍යයේ පාරිභෝගිකයින් සඳහා පරිසර හිතකාමී හරිත සිම් කාඩ්පතක් Etisalat විසින් ඩුබායිහි පැවැත්වෙන COP28 සමුළුවට සමගාමීව හඳුන්වා දී තිබෙනවා.
COP28 සත්කාරකත්වය සහ 2023 වසර ‘තිරසාරභාවයේ වසර’ ලෙස ප්‍රකාශයට පත් කිරීමත් සමඟ, Etisalat අඩු කාබන් භාවිත සමාජයක් සක්‍රීය කිරීමටත්, පාරිසරික බලපෑම අවම කිරීමට සහ තිරසාරභාවය ප්‍රවර්ධනය කිරීමට සිය හරිත මුල පිරීම් වේගවත් කොට තිබෙනවා.
ප්‍රතිචක්‍රීකරණය කරන ලද ඉලෙක්ට්‍රොනික උපකරණවලින් නිපදවන ලද නව කාඩ්පත් කාබන් පියසටහන් අඩු සාම්ප්‍රදායික කාඩ්පත්වලට වඩා පාරිසරික වශයෙන් තිරසාර වේ. COP28 සමුළුව සඳහා එක්සත් අරාබි එමීර් රාජ්‍යයට පැමිණෙන සංචාරකයන්ට සහ සහභාගිවන්නන්ට පුළුල් ලෙස සැපයීම සඳහා හරිත සිම් කාඩ්පත් මිලියන භාගයකට අධික ප්‍රමාණයක් ලබාදී ඇත.
Etisalat හි සමූහ ප්‍රධාන මෙහෙයුම් නිලධාරී ඔබයිද් බොකිෂා අදහස් දක්වමින්, “තාක්ෂණික අවකාශයේ ප්‍රමුඛයෙකු ලෙස, පරිසර හිතකාමී විසඳුම් ක්‍රියාත්මක කිරීමෙන් සහ අපගේ පාර්ශවකරුවන් සමඟ සහයෝගයෙන් ගෝලීය දේශගුණික ප්‍රයත්නයන්ට දායක වීමට අපට අවශ්‍යය. එසේ කිරීමෙන්, හරිත තාක්‍ෂණයන් සඳහා ආයෝජනය කිරීමට ගෝලීය වශයෙන් අනෙකුත් ව්‍යාපාර සමඟ සහයෝගයෙන් කටයුතු කිරීමට ද අපට අවශ්‍යයි.”
Etisalat විසින් එහි කාබන් පියසටහන අඩු කිරීමට සැලකිය යුතු පියවර ගෙන ඇති අතර 2030 වන විට එක්සත් අරාබි එමීර් රාජ්‍යයේ, සමූහයේ මෙහෙයුම් තුළ ශුද්ධ ශුන්‍යය සාක්ෂාත් කර ගැනීමට කටයුතු කරමින් සිටී.
