දේශගුණික විපර්යාස සහ පරිසර අමාත්‍ය මරියම් බින්ට් මොහොමඩ් අල්මෙහෙයිරි විසින් 2030 වසර වන විට රට තුළ ආහාර නාස්තිය 50% කින් අඩු කිරීම සඳහා ශක්තිමත් ක්‍රියාකාරී සැලැස්මක් වන “Ne’ma Food Loss and Waste Reduction Roadmap” නිවේදනය කලාය.
දේශගුණික විපර්යාස හා පරිසර අමාත්‍යාංශය විසින් ne’ma සමඟ එක්ව සංවිධානය කරන ලද ආහාර සුරක්ෂිතතාව පිළිබඳ සිව්වන ජාතික සංවාදයේදී මෙම මාර්ග සිතියම ප්‍රකාශයට පත් කරන ලදී. එය “ එක්සත් අරාබි එමීර් රාජ්‍යයේ ආහාර අහිමිවීම් සහ අපද්‍රව්‍ය අවම කිරීම් – වෙනසක් සඳහා කැඳවීම” යන තේමාව යටතේ පවත්වන ලදී.
එක්සත් අරාබි එමීර් රාජ්‍යයේ ආහාර අපතේ යාම
ආහාර සුරක්ෂිතතාව, තිරසාර පරිභෝජනය සහ පරිසර පද්ධති ආරක්ෂා කර ගැනීම මෙන්ම දේශගුණික අවදානම් වලදී ආහාර අහිමිවීම් සහ අපද්‍රව්‍ය තීරණාත්මක කාර්යභාරයක් ඉටු කරන්නේ කෙසේද යන්න පිළිබඳ හවුල් අවබෝධයක වැදගත්කම මෙම සංවාදයේදී අවධාරණය කළේය.
වර්තමාන පරිභෝජන පුරුදු වෙනස් කිරීම සඳහා රාජ්‍ය සහ පෞද්ගලික අංශය මෙන්ම පුළුල් ප්‍රජාව බලමුලු ගැන්වීමත්, ආහාර අහිමිවීම් හා අපද්‍රව්‍ය අවම කිරීමේදී ඇති අභියෝග සහ විසඳුම් හඳුනා ගැනීම සහ හොඳම භාවිතයන් හඳුනාගැනීම කෙරෙහි මෙම සාකච්ඡාවේදී අවධානය යොමු විය.
අල්මෙහෙයිරි මෙසේ පැවසීය: “අප ජාතිය COP28 සත්කාරකත්වයට දින කිහිපයක් පමණක් ඉතිරිව තිබියදී, දේශගුණික විපර්යාසවල බලපෑම පිළිබඳ ආමන්ත්‍රණය කිරීමත්, නිශ්චිත කාර්යභාරයක් ඇති සියලුම අංශ සම්භන්ධීකරණය කිරීමත් තුලින් එක්සත් අරාබි එමීර් රාජ්‍යය මේ සඳහා ඇති දැඩි කැපවීම අවධාරණය කරයි.”
“ආහාර සහ කෘෂිකාර්මික පද්ධති, මේ සම්බන්ධයෙන් ප්‍රධාන කාර්යභාරයක් ඉටු කරයි. විශේෂයෙන් ආහාර අහිමිවීම සහ නාස්තිය පිළිබඳව මානව වර්ගයා ප්‍රමුඛත්වයක් දී ආමන්ත්‍රණය කළ යුතු මූලික අභියෝගයකි.”
COP28 සමුළුවේදී, එක්සත් අරාබි එමීර් රාජ්‍යය ආහාර සහ කෘෂිකාර්මික පද්ධතිවල පරිවර්තනයන් සඳහා ඉහල ප්‍රමුඛත්වයක් දෙන බවත් ගෝලීය ආහාර පද්ධති පරිවර්තනය කිරීම සහ ඒවායේ දිගුකාලීන තිරසාරභාවය සහතික කිරීම සඳහා වූ අභිලාෂකාමී සැලැස්මක් වන ‘COP28 ආහාර පද්ධති සහ කෘෂිකාර්මික න්‍යාය පත්‍රය’ මෙම වසර මුලදී දියත් කළ බවත් අල්මෙහෙයිරි පැවසුවාය.
ඇය තවදුරටත් මෙසේ පැවසුවාය: “ආහාර අහිමිවීම සහ නාස්තිය ආමන්ත්‍රණය කිරීම ලෝකය සඳහා උපායමාර්ගික අවශ්‍යතාවයකි. අද, ලෝක ආහාර වැඩසටහනට අනුව, මිනිස් පරිභෝජනය සඳහා නිපදවන ආහාරවලින් තුනෙන් එකක් ගෝලීය වශයෙන් අහිමීවී හෝ නාස්ති වී යයි. තවද, නිපදවන නමුත් කිසි විටෙකත් භාවිත නොකළ සියලුම ආහාර, බිලියන දෙකක ජනතාවක් පෝෂණය කිරීමට ප්‍රමාණවත් වනු ඇතැයි ගණන් බලා ඇත.”
COP28 ආහාර පද්ධති සහ කෘෂිකාර්මික න්‍යාය පත්‍රය හරහා, නිෂ්පාදනයේදී සහ පරිභෝජනයේදී ආහාර අහිමිවීම සහ නාස්තිය වලකාලමින් ප්‍රගතිය කරා ගෙනයාමට ව්‍යාපාර, ගොවීන්, නිෂ්පාදක සංවිධාන සහ අනෙකුත් රාජ්‍ය නොවන ක්‍රියාකාරීන් එකට එක් කිරීම UAE අරමුණු කරයි.
අල්මෙහෙයිරි මෙසේද පැවසීය: “ජාතික නායකත්වයක බලමුලු ගැන්වීමේ කොටසක් ලෙස, අපි මේ ක්‍රියාව සඳහා ගෝලීය වශයෙන් ආමන්ත්‍රණය කරන්නෙමු, ඔරොත්තු දෙන ආහාර පද්ධති, තිරසාර කෘෂිකර්මාන්තය සහ දේශගුණික ක්‍රියාමාර්ග පිළිබඳ එමරාතී ප්‍රකාශය අනුමත කරන ලෙස සියලුම රටවලට ආරාධනා කරන්නෙමු”.
COP28 හි දී, එක්සත් අරාබි එමීර් රාජ්‍යය ආහාර නාස්තිය සීමා කරන්නේ කෙසේද යන්න සහ සපයන ආහාරවල කාබන් බලපෑම පිළිබඳව සොයා බලමින් සිටින බව ඇය පැහැදිලි කළාය.
“මෙය සාක්ෂාත් කර ගැනීම සඳහා, අපි තිරසාර ආහාර සැපයීමේ උපාය මාර්ගයක් දියත් කර ඇති අතර, තිරසාර ආහාර පරිමාණයෙන් ලබා දීමේ හැකියාව අරමුණු කර ගෙන ඇත.”
එක්සත් අරාබි එමීර් රාජ්‍යයේ ආහාර අහිමිවීම සහ නාස්තිය මැඩපැවැත්වීම සඳහා වන නව මාර්ග සිතියම පැහැදිලි කරමින් අල්මෙහෙයිරි පැවසුවේ, සමාජ වගකීම් දිරිමත් කිරීම සහ රට පුරා තිරසාර භාවිතයන් ප්‍රවර්ධනය කිරීම සඳහා අපගේ නායකත්වයේ කැපවීම සහ දැක්ම පිළිබඳ ne’ma බලගතු සාක්ෂියක් බවයි.
“එය දියත් කළ දින සිට, ne’ma සුවිශේෂී කාර්යභාරයක් ඉටු කර ඇත – ආහාර පද්ධති සිතියම්ගත කිරීම, ඉලක්ක තැබීම සහ ආහාර අහිමිවීම සහ නාස්තිය අවම කිරීම සඳහා තුන් අවුරුදු උපාය මාර්ගයක් විධිමත් කිරීම ඇතුලත් වේ.”
මෙම උත්සවයේදී, Jumeirah Group, Hilton Group, Rotana Group සහ Expo City ආහාර අහිමිවීම සහ අපද්‍රව්‍ය අවම කිරීම ප්‍රමුඛතාවයක් ලෙස පිළිගැනීම සඳහා ne’ma සමඟ ගිවිසුම් අත්සන් කරන ලදී.
