මෙම ශීත සෘතුවේදී Dubai Shopping Festival (DSF)හි 29 වන අදියර, 2023 දෙසැම්බර් 8 සිට 2024 ජනවාරි 14 දක්වා දින 38ක් පුරා පැවැත්වෙනවා. මෙම කාලසීමාව අතර තුරදී නගරය පුරාවට, දෛනිකව සැමට අත්විඳිය හැකි, සමකළ නොහැකි අවස්ථාවන්, විනෝදකාමී අත්දැකීම්, ඇදහිය නොහැකි පිරිනැමීම්, ගනුදෙනු සහ සෑමට සතුට පිරිනමන සැණකෙලි සිරියක් ගෙන එනු ලබනවා.
DSF විසින් දේශීය සහ ගෝලීය සන්නාම සඳහා ඇදහිය නොහැකි වට්ටම් සහ ප්‍රවර්ධනයන්, හඳුන්වාදීම් සහ සිල්ලර පිරිනැමීම් රැසක් ගෙන එනු ඇත. සෑම වසරකදීම මෙන්ම මෙවරත් Dubai Shopping Festival අතරතුරේදී අද්විතීය භෝජන අත්දැකීම්, ඩ්‍රෝන සංදර්ශන, කලා ඉසව් සහ ජනප්‍රිය ක්‍රීඩා ඉසව්, දැවැන්ත දිනුම් ඇදීම් සහ ත්‍යාග, දිනාගැන්මට සුඛෝපභෝගී මහල් නිවාස, කාර් දිනා ගැනීමේ අවස්ථාවන් රැසක් සමඟ අත්දැකීම් සමුදායක් ගෙන එනු ලබනවා.
Dubai Festivals and Retail Establishment (DFRE) හි ප්‍රධාන විධායක නිලධාරී අහමඩ් අල් ඛාජා පැවසුවේ “ඩුබායි සාප්පු සැණකෙළිය යනු ලොව ප්‍රියතම සිල්ලර සැණකෙළියයි. අපි 29 වන අදියර සඳහා පෙළගැස්ම එළිදක්වීමත් සමග සූපශාස්ත්‍ර අත්දැකීම්, පවුලේ අත්දැකීම්, කලා නිර්මාණයන්, නගරය පුරා අද්විතීය සිල්ලර දීමනා සහ ඇත්ත වශයෙන්ම, ගෝලීය සාප්පු සවාරි ගමනාන්තය සඳහා වඩාත්ම ඉල්ලුමක් ඇති සාප්පු සවාරි දීමනා එකට එකතු වී භුක්ති විඳීමට අපි සැමට ආරාධනා කරමු”
දෙසැම්බර් 8 සිට ජනවාරි 14 දක්වා සෑම සන්ධ්‍යාවකම ඩුබායි හි රාත්‍රී අහස අලංකාර කරමින් විශ්මය ජනක ඩ්‍රෝන යානා සංදර්ශනයක් එහිදී එලිදක්වනු ඇත. පවුලේ අයට සහ මිතුරන්ට එකට භුක්ති විඳීමට හැකි නැවුම් අත්දැකීමක් ගෙනඑමින් ඩ්‍රෝන යානා 800 ක් පමණ යොදා ඉදිරිපත් කරන මෙම දැවැන්ත සංදර්ශණය නරඹන්නන්ගේ සිත් ඇදගන්නවා පමණක් නොව සියළු දෙනා මවිතයට පත්කරන දර්ශනයක් සමගින් අහස් තලය වර්ණයෙන් ආලෝකමත් කරනු ඇත.
