ඉඩම් හිමියන් සහ දේපළ වෙළඳාම් නියෝජිතයන්ට අනුව, නව අවුරුදු උදාවේ Burj Khalifaහි සිත් ඇදගන්නාසුළු ගිනිකෙළි සංදර්ශන වල දසුන් සහිත සුඛෝපභෝගී නිදන කාමර දෙකක මහල් නිවාසයක් එදින රාත්‍රියට ඩිරාම් 12,000 සිට ඩිරාම් 37,000 දක්වා ළඟා වේ.
එහෙත්, Booking.com හි ලැයිස්තුගත කර ඇති සුවිශේෂී පෙන්ට්හවුස් (ඉහලම මාලයක පිහිටි සුඛෝපභෝගී නවාතැනක්) එකක් එක් රාත්‍රියක් සඳහා ඩිරාම් 70,000 සිට ඩිරාම් 80,000 දක්වා කුලී ගාස්තු පෙන්නුම් කරයි.
2023 දෙසැම්බර් 30 සහ 2024 ජනවාරි 1 අතර කාලසීමාවේ ඩිරාම් 30,000 සිට ඩිරාම් 50,000 දක්වා මිල ගණන් යටතේ කුලියට ගත හැකි සුඛෝපභෝගී මහල් නිවාස එම වෙබ් අඩවියේ අමතර ලැයිස්තුගත කිරීම්වල දක්වයි.
Dubizle වැනි වර්ගීකරණය කරන ලද වේදිකාවල සහ Airbnb වැනි කෙටි කාලීන නවාතැන් විස්තර ලබාදෙන යෙදුම් වලට අනුව දැනටමත් වෙන් කර ඇති බොහෝ දේපල වලින් නිරීක්ෂණය වන්නේ අලුත් අවුරුදු උදාව සැමරීමට බලාපොරොත්තු වන අයගේ පවතින සැලකිය යුතු උනන්දුවයි.
bnbme නිවාඩු නිවාසවල ප්‍රධාන විධායක නිලධාරී Vinayak Mahtani මාධ්‍ය වෙත පැවසුවේ, නගරයේ මිල ගණන් පසුගිය වසරට වඩා 20%-30% කින් පමණ ඉහළ ගොස් ඇති බවයි. අප සතු නිදන කාමර හතරකින් යුත් පෙන්ට්හවුස් එකක් 31 වනදා රාත්‍රිය සඳහා ඩිරාම් 37,000 ට ලබා ගත හැකි අතර එමඟින් ඔබට ගිනිකෙළි පිළිබඳ පැහැදිලි දර්ශනයක් ලබා දේ. මෙය අවම වශයෙන් රාත්‍රී තුනක රැඳී සිටීමක් සමඟ පැමිණේ.
“පසුගිය වසරේ එම මහල් නිවාසයම ඩිරාම් 30,000 ක් වූ අතර මේ වසරේ එය වැඩි වේ. ශීත ඍතුවේ දී, මෙම මහල් නිවාසය රාත්‍රියකට ඩිරාම් 7,000 ක් පමණ වේ. අනෙකුත් නිදන කාමර හතරේ මහල් නිවාස රාත්‍රියකට ඩිරාම් 7,000 කින් පමණ මිළ ගනන් ආරම්භ වේ.
ඩවුන්ටවුන් අවට මහල් නිවාස සම්පූර්ණයෙන්ම වෙන් කර අවසන් බව නියෝජිතයන් පවසයි
Drehomes Real Estate හි Leads Management හි ප්‍රධානී Mostafa Hammad පැවසුවේ, “පසුගිය මාස කිහිපය තුළ, අපි විශේෂයෙන්ම නගර මධ්‍යයේ පවතින අවකාශයන් වෙන් කිරීමේ අභියෝගවලට මුහුණ දුන්නා. එය ඉතා මිල අධික වී ඇත. විශේෂයෙන්ම දැන් මෙම ප්‍රදේශවල වෙන් කිරීමට ස්ථානයක් නොමැති තරම්ය. නොවැම්බර් මස අවසානයේදී නිදන කාමර හතරක මහල් නිවාසයක් සඳහා මසකට ඩිරාම් 160,000ක ඉහළම අගය විය. මෙම විශේෂිත මහල් නිවාසයේ විශාල බැල්කනියක් සහ Burj Khalifa හි සෘජු දර්ශනයක් ලැබෙනු ඇත.
“අනෙකුත් කුඩා මහල් නිවාස ද Burj Khalifa දසුනක් සහිතව මසකට ඩිරාම් 140,000 සිට ඩිරාම් 130,000 දක්වා ගෙවා ඇත. අප සමාගම දිනපතා කුලිය නොගත්තද, මෙම මහල් නිවාසවලින් සමහරක් සඳහා දෛනික කුලිය ඩිරාම් 12,000 හෝ ඩිරාම් 12,500 ඉක්මවන බව මම දනිමි. මෙය අලුත් අවුරුදු උදාව ආසන්න වන විට පමණක් වැඩි වනු ඇත,” හමාඩ් වැඩිදුරටත් පැවසීය
