එක්සත් අරාබි එමීර් රාජ්‍යය විසින් මාධ්‍ය නියාමනය පිළිබඳ ෆෙඩරල් ආඥා පනතක් නිකුත් කර ඇති අතර, එය එක්සත් අරාබි එමීර් රාජ්‍යයේ මාධ්‍ය ක්‍රියාකාරකම් සංවිධානය කිරීම සහ ගෝලීය මාධ්‍ය මධ්‍යස්ථානයක් ලෙස එහි තත්ත්වය ප්‍රවර්ධනය කිරීම සහ මාධ්‍ය අංශයේ වර්ධනය සහ සමෘද්ධිය උත්ප්‍රේරනය කිරීමට හැකි පරිසරයක් ස්ථාපිත කිරීම අරමුණු කරයි.
නියෝගයේ විධිවිධාන, එක්සත් අරාබි එමීර් රාජ්‍යයේ මාධ්‍ය සඳහා කැප වූ පුද්ගලයන්, සංවිධාන, මාධ්‍ය ආයතන සහ නිදහස් කලාප සඳහා අදාළ වේ. නිශ්චිත රෙගුලාසි සහ කොන්දේසිවලට අනුකූලව මාධ්‍ය ආයතන සහ අලෙවිසැල් හිමිකාරිත්වය දැරීමට පුද්ගලයන්ට සහ නීතිමය ආයතනවලට ඉඩ සලසයි.
එක්සත් අරාබි එමීර් රාජ්‍යයේ මාධ්‍ය නීතිය
නියෝගයට අනුව, මාධ්‍ය ක්‍රියාකාරකම් යටතට මාධ්‍ය අන්තර්ගතය, නිෂ්පාදනය, සංසරණය, මුද්‍රණය සහ ප්‍රකාශනය ඇතුළත් වේ. ඒ යටතට, මුදල් අයකිරීමකින් හෝ නොමිලේ විකාශනය වන ශ්‍රව්‍ය, දෘශ්‍ය සහ ඩිජිටල් විකාශනයන් ද ඇතුළත් වේ.
පුද්ගලයන්ට, ආයතන සහ මාධ්‍ය ආයතන වෙත මාධ්‍ය ක්‍රියාකාරකම් ක්‍රියාත්මක කිරීම සඳහා බලපත්‍ර නිකුත් කිරීම සහ අධීක්‍ෂණය කිරීම යටතට අයත්වන්නේ.
- ගුවන්විදුලි සහ රූපවාහිනී විකාශනය
- සිනමා චිත්‍රපට සහ නිර්මාණාත්මක නිෂ්පාදන
- පුවත්පත් සහ ප්‍රකාශන ඩිජිටල් සහ විද්‍යුත් මාධ්‍ය ක්‍රියාකාරකම්
- පොත් ප්‍රදර්ශන
- විදේශීය ප්‍රකාශණ
- විදේශ මාධ්‍ය කාර්යාල
- මුද්‍රණය කිරීම
- මාධ්‍ය අන්තර්ගතයන් සංසරණය කිරීම සහ ප්‍රකාශ කිරීම
- ගුවන්, ගොඩබිම් සහ සමුද්‍රීය රූපකරණ මෙහෙයුම්
එසේම, ෆෙඩරල් නියෝග විධිවිධාන එක්සත් අරාබි එමීර් රාජ්‍යයේ මාධ්‍ය කවුන්සිලයේ සහ මාධ්‍ය කටයුතු නියාමනය කිරීමට අදාළ පළාත් පාලන ආයතනවල බලධාරීන් සංවිධානය කරයි.
මෙම නියෝගයට අනුව, එක්සත් අරාබි එමීර් රාජ්‍යය තුළ ක්‍රියාකාරීවන වන සියලුම මාධ්‍ය සම්භන්ධ පුද්ගලයින් සහ ආයතන මාධ්‍ය අන්තර්ගතය සඳහා ජාතික ප්‍රමිතීන්ට අනුකූල වීම අවශ්‍ය වේ. රටේ ස්වෛරීභාවය, සංකේත, ආයතන, එක්සත් අරාබි එමීර් රාජ්‍යයේ සහ එහි සමාජයේ උත්තරීතර අවශ්‍යතාවලට ගරු කිරීම, දේශීය හා ජාත්‍යන්තර මට්ටමින් රටේ මඟ පෙන්වීම් සහ ප්‍රතිපත්තිවලට ගරු කිරීම, එක්සත් අරාබි එමීර් රාජ්‍යයේ විදේශ සබඳතාවලට අහිතකර බලපෑමක් ඇති කළ හැකි ඕනෑම ක්‍රියාවක් වළක්වා ගැනීම, එක්සත් අරාබි එමීර් රාජ්‍යයේ සංස්කෘතිය සහ ශිෂ්ටාචාරය, ජාතික අනන්‍යතාවය සහ වටිනාකම් වලට ගරු කිරීම ඇතුලත්වේ.
මීට අමතරව, මාධ්‍ය ආයතන සහ පුද්ගලයන්, ජාතික සමගියට හෝ සමාජ සංහිඳියාවට හානියක් ගෙනදෙන හෝ එවැන්නකට තුඩුදෙන, සමාජයේ සාමාජිකයන් අතර ප්‍රචණ්ඩත්වය, වෛරය අවුලුවාලීම, එක්සත් අරාබි එමීර් රාජ්‍යයේ නීතිමය හා ආර්ථික පද්ධතිය අතර ගැටළු ඇති කළ හැකි තොරතුරු ප්‍රකාශණයන් හෝ බෙදා හැරීමෙන් වැළකී සිටිය යුතුය. යුක්තිය සහ ආරක්ෂාව සූරාකෑමට හෝ අපයෝජනයට ලක් නොවන බව සහතික කිරීම, පෞද්ගලිකත්වයට නීතිවලට සහ පුද්ගලයන්ගේ පෞද්ගලික ජීවිතයට ගරු කිරීම මෙන්ම කටකතා විකාශනය කිරීම හෝ සංසරණය කිරීමෙන් වැලකීම, සාවද්‍ය සහ නොමඟ යවනසුලු පුවත් හෝ අපරාධ කිරීමට පෙළඹවිය හැකි ඕනෑම කරුණක් ප්‍රසිද්ධ කිරීමෙන් වැළකිය යුතුය.
මෙම නියෝගයට අනුව, සිනමා සහ අනෙකුත් නිර්මාණාත්මක නිෂ්පාදන තිරගත කිරීම සඳහා බලපත්‍ර නිකුත් කිරීම සඳහා එක්සත් අරාබි එමීර් රාජ්‍යයේ මාධ්‍ය කවුන්සිලය වගකිව යුතුය.
පොත්පත්, වීඩියෝ, ක්‍රීඩා සහ සිනමා නිෂ්පාදන ඇතුළු මුද්‍රණ සහ නිර්මාණාත්මක නිෂ්පාදන සඳහා මාධ්‍ය අන්තර්ගතය පද්ධතියේ ශ්‍රේණිගත කිරීම් හා වර්ගීකරණයන් කිරීමට අමතරව මාධ්‍ය සහ විනෝදාස්වාද අන්තර්ගතයන් නැරඹීමට සුදුසු වයස් කාණ්ඩ තීරණය කිරීමේ වගකීම ද කවුන්සිලය සතු වේ.
සමාජ මාධ්‍යවල ප්‍රචාරණය හෝ වෙනත් නවීන තාක්ෂණික මාධ්‍යයන් ඔස්සේ පිරිවැයක් දරමින් හෝ නොමිලයේ ප්‍රචාරණය සඳහා බලපත්‍ර නිකුත් කිරීම ද කවුන්සිලය භාරව සිටී.
බලපත්‍රලාභී හෝ බලයලත් පුද්ගලයන් සහ මාධ්‍ය ආයතන නිසි බලධාරියාගේ අනුදැනුමට සහ අධීක්ෂණයට යටත් විය යුතු බවට නියෝගය නියම කරයි. නිදහස් කලාප ඇතුළුව, පුද්ගලයන්, අලෙවිසැල් සහ මාධ්‍ය ආයතන පිළිබඳ සෝදිසි කිරීම් සහ පරීක්ෂා කිරීම් සිදු කිරීමට එය සභාවට ඉඩ සලසයි.
නියෝග-නීතියට අනුව, එක්සත් අරාබි එමීර් රාජ්‍යයේ මාධ්‍ය කවුන්සිලය, නිසි බලධාරීන් සමඟ සම්බන්ධීකරණයෙන් එක්සත් අරාබි එමීර් රාජ්‍යයේ පුද්ගලයන්, ආයතන සහ මාධ්‍ය ආයතන අතර බුද්ධිමය දේපළ ආරක්ෂා කිරීම ප්‍රවර්ධනය කරනු ඇත.
