අරාබි මූල්‍ය අරමුදල (AMF) විසින් නිකුත් කරන ලද නවතම අරාබි ආර්ථික තරඟකාරීත්ව දර්ශකයේ ප්‍රමුඛම ස්ථානය හිමිකර ගනිමින් එක්සත් අරාබි එමීර් රාජ්‍යය අරාබි ලෝකයේ ආර්ථිකමය වශයෙන් වඩාත්ම තරඟකාරී රාජ්‍යයක් ලෙස සිය ස්ථාවරය තහවුරු කරගෙන ඇත.
AMF හි අරාබි ආර්ථික තරඟකාරීත්ව වාර්තාවේ හත්වන අදියරේදී හෙලි කරන ලද මෙම ප්‍රමුඛ කාර්ය සාධනය, එක්සත් අරාබි එමීර් රාජ්‍යයේ ශක්තිමත් සමස්ත ආර්ථිකය, වඩ වඩාත් ආකර්ෂණීය ආයෝජන පරිසරය සහ රටෙහි වර්ධනය වන ආකර්ෂණීය තත්වය ඇතුලු තීරණාත්මක අංශ හරහා එක්සත් අරාබි එමීර් රාජ්‍යයේ තිරසාර ප්‍රගතිය අවධාරනය කරයි.
එක්සත් අරාබි එමීර් රාජ්‍යය රාජ්‍ය මූල්‍ය දර්ශකයේ ඉහළම ස්ථානය ලබාගෙන ඇති බව වාර්තාව වැඩිදුරටත් පෙන්වා දෙයි. හිඟය – අතිරික්තය, දළ දේශීය නිෂ්පාදිතයේ අනුපාතය ආශ්‍රයෙන් පළමු ස්ථානයත්, බදු බර දර්ශකයේ දෙවන ස්ථානයත් හිමි කර ගනී.
මීට අමතරව, එක්සත් අරාබි එමීර් රාජ්‍යය ආයෝජන පරිසරය සහ ආකර්ශනීය බව අනුව අරාබි රටවල් අතර පළමු ස්ථානයට පත්ව ඇති බව වාර්තාවේ සඳහන් වේ. සියලුම උප දර්ශකවල එහි ඇති උසස් තත්ත්වය හේතුවෙන් ආර්ථික නිදහස් දර්ශකයේ ඉහළට පැමිණ තිබේ.
එක්සත් අරාබි එමීර් රාජ්‍යය යටිතල පහසුකම් දර්ශකයේ ද ඉහළින්ම සිටී. ජංගම දුරකථන දායකත්වයේ ප්‍රමුඛයා සහ විදුලි ප්‍රවේශය සහිත ඉහල ජනගහන ප්‍රතිශතය, සමස්ත ගෝලීය ප්‍රවාහනයේ නැව්ගත කිරීම් සහ ගුවන් ප්‍රවාහන කටයුතු අංශයෙහි දෙවන ස්ථානයට පත්ව ඇත.
ආයතනික සහ යහපාලන අංශ සම්බන්ධයෙන් ගත් කල, පරිපාලන දූෂණ සහ රාජ්‍ය කාර්යක්ෂමතා දර්ශක යන දෙඅංශයෙන්ම උසස් ශ්‍රේණිගත කිරීමක් අත්කර ගනිමින්, එක්සත් අරාබි එමීර් රාජ්‍යය අරාබි රටවල් අතර පෙරමුණට පැමිණියේය.
බොහෝ අරාබි රටවල් ඵලදායිතාව ඉහළ නැංවීමට, නිෂ්පාදිත භාණ්ඩවල කාර්යක්ෂමතාව වැඩි දියුණු කිරීමට සහ නිෂ්පාදන අංශ කෙරෙහි අවධානය යොමු කරමින් බහු ජාතික උපාය මාර්ග සහ දර්ශන අනුගමනය කර ඇති බව අරාබි මූල්‍ය අරමුදලේ වාර්තාව පෙන්වා දෙයි.
