ඩුබායි පොලිසිය, අලුත් අවුරුදු උත්සව සඳහා මාර්ග වසා දැමීම දෙසැම්බර් 31 වැනිදා සවස 4 සිට ආරම්භ කරන බව උසස් නිලධාරියෙක් පසුගියදා ප්‍රකාශ කළේය.
ඩුබායි පොලිසියේ රථවාහන අංශයේ අබ්දුල් රෙහ්මාන් ඔබයිඩ් ජුමා අල් ෆලාසි උපදෙස් දුන්නේ, ඩවුන්ටවුන් ප්‍රදේශයට සහ අනෙකුත් ජනප්‍රිය ස්ථානවලට පැමිණෙන සංචාරකයින් සහ පදිංචිකරුවන් ඔවුන්ගේ සංචාර කලින් ආරම්භ කරන ලෙසත් පොදු ප්‍රවාහනය භාවිතා කරන ලෙසත්ය.
Al Falasi ට අනුව මාර්ග වසා තබන වේලාවන්:
- Mohammed Bin Rashid Boulevard සවස 4 ට වසාදැමීම ආරම්භ යන අතර Financial පාරෙහි ඉහළ මට්ටම රාත්‍රී 8 ට සහ පහළ මට්ටම පස්වරු 4 ට වසනු ලැබේ.
- Al Asayel පාර ද සවස 4 ට වසා දමනු ඇත. මෙම මාර්ගවලින් පැමිණෙන සියලුම වාහන Sheikh Zayed මාර්ගයට හරවා යවනු ලැබේ.
- ඩුබායිහි ප්‍රමුඛම අධිවේගී මාර්ගය වන Sheikh Zayed මාර්ගය, සියලු වර්ගවල රථවාහන සඳහා රාත්‍රී 9 ට වසා දමන බව ඔහු පැවසීය.
එමීර් රාජ්‍යය පුරා, අලුත් අවුරුදු උදාව සඳහා සූදානම් කිරීම් ඉතා වේගයෙන් සිදුවෙමින් පවතී. උත්සව කමිටුවේ, ආරක්‍ෂාව සහ ක්‍රියාකාරී සැලැස්මේ විශේෂවූ ස්ථාන 32ක් සලකුණු කර ඇත. මේවාට Hatta, Burj Khalifa, Burj Al Arab, Festival City සහ වෙනත් ස්ථාන ඇතුළත් වේ.
“මේ වසරේ, අපි සියලු ප්‍රදේශවල ආධාර සැපයීමට කූඩාරම් 30 ක් පිහිටුවා ඇති අතර, එහිදී ආහාර සැපයුම්, ජලය, වැසිකිළි පහසුකම් සහ නැතිවූ සහ සොයාගත් භාණ්ඩ සේවාව වැනි අවශ්‍යතා ඇති අයට ආධාර සහ සම්පත් ලබා දීමට කටයුතු කරන්නෙමු” අල් ෆලාසි පැවසීය.
උත්සව සූදානම් කිරීමේ කමිටුව මීට මාස තුනකට පෙර සිට අලුත් අවුරුදු සැලැස්මේ වැඩ ආරම්භ කර ඇත. මාර්ග සහ ප්‍රවාහන අධිකාරිය, සිවිල් ආරක්ෂක දෙපාර්තමේන්තුව, ඩුබායි ගිලන් රථ සේවාවන් වැනි සියලුම හවුල්කරුවන් සමඟ රැස්වීම් කිහිපයක් පවත්වා ඇත. අභ්‍යන්තර සහ බාහිර හවුල්කරුවන් පනස් පහක් මෙම කමිටුවේ සේවය කරති.
අල් ෆලාසි පැවසුවේ ඩුබායි හි අවුරුදු සැමරුම් ස්ථාන 32 ආවරණය කිරීම සඳහා වාහන 1,300 කට ආසන්න ප්‍රමාණයක් යොදවන බවයි. අලුත් අවුරුදු සංධ්‍යාවේදී ගිලන් රථ සඳහා සහය දැක්වීමට 10,000 කට අධික පොලිස් නිලධාරීන් සහ ස්වේච්ඡා සේවකයන්, සිවිල් ආරක්ෂක නිලධාරීන් සහ මාර්ග සහ ප්‍රවාහන අධිකාරියේ නිලධාරීන් ඩුබායි පුරා ස්ථානගත කරනු ඇත.
මාර්ග සහ ප්‍රවාහන අධිකාරිය විසින් සැමරුම් ස්ථාන අවට නොමිලේ මිනිසුන් ප්‍රවාහනය කිරීම සඳහා බස් රථ යොදවනු ඇති බැවින් පුද්ගලික මෝටර් රථවලින් පැමිණෙනවා වෙනුවට කලින් පැමිණ පොදු ප්‍රවාහනය භාවිතා කරනා ලෙසත් යාවත්කාලීනවූ උපදේශන සඳහා ඩුබායි පොලිස් සමාජ මාධ්‍ය නාලිකාවන් පරීක්ෂා කරනා ලෙසත් ඔහු ඉල්ලාසිටියේය.
