අද උදෑසන අබුඩාබි හා ඩුබායි නගර වෙත රතු සහ කහ අනතුරු ඇඟවීම් නිකුත් කරන ලදී.
උදෑසන රියදුරන්ගේ දෘශ්‍යතාව සැලකිය යුතු ලෙස අඩු විය. ජාතික කාලගුණ විද්‍යා මධ්‍යස්ථානයේ අනතුරු ඇඟවීම පෙරවරු 9.00 දක්වා ක්‍රියාත්මක වූ අතර, අනතුරුදායක තත්ත්වයන් තුළ සිදුවන අනතුරු අවම කර ගැනීම සඳහා වේග සීමා ද පහත දමා ඇත.
අබුඩාබි සහ ඩුබායි අතර කාර්යබහුල මාර්ග වල අද උදෑසන වාහන තදබදය සැලකිය යුතු ලෙස අඩු විය. අධික මීදුම තුළ මෝටර් රථ ඇතුලු වාහන මන්දගාමී ධාවනයක නිරත විය. එසේම ලොරි රථ විශාල ප්‍රමාණයක් පාර අයිනේ නවතා කාලගුණය පහව යන තෙක් බලා සිටියේය.
ජාතික කාලගුණ මධ්‍යස්ථානය විසින් අබුඩාබි සහ ඩුබායි ඇතුළු එමිරේට්ස් හරහා රතු සහ කහ අනතුරු ඇඟවීම් නිකුත් කළ අතර බලධාරීන් ප්‍රධාන මාර්ගවල වේග සීමාව පැයට කිලෝමීටර 80 දක්වා අඩු කළේය.
කාලගුණ මධ්‍යස්ථානය පැවසුවේ ඇතැම් ප්‍රදේශවල දෘශ්‍යතාව මීටර් 1000 ට වඩා අඩු විය හැකි බවයි.
අද (05) අලුයම සිට අබුඩාබි, අල් අයින් සහ ඩුබායි පුරා දැඩි මීදුම් තත්ත්වයක් පැතිර තිබුනි.
මෙය මෑත සතිවල එමිරේට්ස් හි අහස වසාගත් ඝන මීදුමකි. NCM, එහි නවතම දින පහේ ප්‍රකාශනයේ, සෙනසුරාදා තවත් මීදුම් සහිත උදෑසනක් අපේක්ෂා කරන නමුත් ඉදිරි දිනවලදී අහස පැහැදිලි වනු ඇතැයි අපේක්ෂා කරන බව පැවසීය.
