මාර්ග සහ ප්‍රවාහන අධිකාරිය (RTA) විසින් ජුලි 10 සහ 11 යන දිනවල තෝරාගත් මෙට්‍රෝ දුම්රිය ස්ථාන වල අයිස්ක්‍රීම් කෝන් බෙදා හරිනු ලැබේ. චොකලට්, කුකීස් සහ ක්‍රීම්, බටර්ස්කොච්, කපු කැන්ඩි සහ වැනිලා රසයන් මීට ඇතුළත් වේ.
ජූලි 10 වැනි දින පෙ.ව. 11 සිට පස්වරු 1 දක්වා Mashreq සහ Ibn Battuta Metro Station වෙත හෝ ජූලි 11 දින Equiti සහ Onpassive Metro Station වෙතින් මෙම අයිස් ක්‍රීම් ලබා ගත හැකියි.
උෂ්ණත්වය සෙල්සියස් අංශක 50.8 දක්වා ඉහළ යාමත් සමඟ රට වාර්තාගත උණුසුමකට මුහුණ දී සිටින අවස්ථාවක මෙම අයිස්ක්‍රීම් ලබා දීම සිදු කෙරේ. ස්වේච්ඡා සේවකයන් විසින් පවත්වාගෙන යනු ලබන නොමිලේ අයිස්ක්‍රීම් ට්‍රක් රථ මගින් නගරය පුරා සිටින සේවකයන්ට සහ බෙදාහැරීමේ ධාවකයන්ට පොප්සිකල් සහ සිසිල් බීම ද සපයයි.
