එමිරේට්ස් පාසල් පිහිටුවීම, දැනුම හා මානව සංවර්ධන අධිකාරිය, ඩුබායි ක්‍රීඩා කවුන්සිලය, ආර්ථික හා සංචාරක දෙපාර්තමේන්තුව, ඩුබායි මහ නගර සභාව සහ ගිලන් රථ සේවා සඳහා ඩුබායි සංස්ථාව ඇතුළු ප්‍රධාන ආයතන කිහිපයක සහයෝගයෙන් මෙම වැඩසටහන ක්‍රියාත්මක විය.
මාසයක් පුරා සිසුන් සිය ගණනකගේ සහභාගීත්වයක් සමඟ පොලිස් අභ්‍යාස සහ, ආත්මාරක්ෂාව සහ සයිබර් ආරක්ෂාව පිළිබඳව ඔවුන් පුහුණු කිරීම මෙම වැඩසටහන යටතේ සිදු විය. මෙවර වැඩසටහනේ තේමාව වූයේ ‘අපගේ ගිම්හානය: ආරක්ෂාව සහ සතුට… නවෝත්පාදනය සහ නායකත්වය’ යන්නයි.
සහතික ප්‍රදානෝත්සවයේදී සිසුන් ගිම්හාන වැඩසටහන තුළින් තමන් විසින් ගොඩනගා ගත් කුසලතා ප්‍රදර්ශනය කරමින් විවිධ ප්‍රසංග ඉදිරිපත් කරන ලදී. මෙම වැඩසටහනට හමුදා පාඨමාලාව, ක්‍රීඩා පුහුණුව, අපේක්ෂා කරන රහස් පරීක්ෂක, කිමිදුම්, කනිෂ්ඨ ජීවිතාරක්ෂක, අනාගත නිලධාරි සහ වෙඩි තැබීමේ පාඨමාලාව වැනි විවිධ පාඨමාලා ඇතුළත් විය.
ලුතිනන් ජෙනරාල් අල් මාරි මහතා ගිම්හාන පාඨමාලා වල වැදගත්කම අවධාරණය කරන ලද අතර, සිසුන් තම ප්‍රජාවට ධනාත්මක ලෙස දායක කර ගැනීම සඳහා වටිනා ආරක්ෂක දැනුමක් ලබා දීමේදී ඉතා වැදගත් වන බව සඳහන් කලේය. ඩුබායි පොලිසිය සිසුන්ගේ විවිධ කුසලතා ඔප්නැංවීමට සහ වර්ධනය කිරීමට සහ ඔවුන් ඵලදායී ලෙස සම්බන්ධ කර ගැනීමට ඔවුන්ගේ වාසිදායක බලපෑම සැලකිල්ලට ගනිමින් වාර්ෂිකව සිසුන් සඳහා මෙම ගිම්හාන පාඨමාලා සංවිධානය කිරීමට කැපවී සිටින බව ඔහු පැවසීය.
මෙම වසරේ ගිම්හාන පාඨමාලා වැඩසටහනට විවිධ ජාතීන් 31 කින් සිසුන් 1,136 ක් පිළිගත් අතර ඔවුන් සියලු දෙනාම විවිධ විශේෂිත පාඨමාලා වලින් ප්‍රතිලාභ ලැබූ බව ලුතිනන් ජෙනරාල් අල් මාරි මහතා සඳහන් කළේය.
මේ සඳහා සම්බන්ධ වූ සිසුන් බොහෝ පිරිසක් වැඩසටහනේ දිගුකාලීන ප්‍රතිලාභ අවධාරණය කරමින් එහි සාර්ථකත්වය අගය කලහ. මෙම
පුහුණුව එමිරාති ජාතිකයින්ට පමණක් සීමා නොවන අතර එය 2018 වර්ෂයෙහි ආරම්භ වූ දින සිට ජාතීන් 100 කට වැඩි ගණනක සිසුන්ට වැඩසටහනට සහභාගී වීමට ඉඩ සලසා තිබේ.
වාර්ෂික පුහුණුව අනෙකුත් එමිරේට්ස් හි පවත්වනු ලබන ජාතික වැඩසටහනක කොටසකි.
