2024 Mr. World’ තරගාවලියෙන් ලෝකයේකඩවසම් තරුණයන් අතරින් අවසන් දසදෙනා (Top 10) අතරට තේරී පත් වූ මේඝ සූරියආරච්චි හට මේ වන විටත් Hollywood ඇරයුම් ලැබී ඇති බව වාර්තා වේ.
ශ්‍රී ලංකාවේ පැවති ‘Mr. Sri Lanka’ තරගාවලියේදී මෙරට කඩවසම්ම තරුණයා ලෙස තේරීපත් වූ මේඝ සූරියආරච්චි මෙවර මිස්ටර් වර්ල්ඩ් තරගාවලියට ඉදිරිපත් විය.
අනතුරුව 11 වැනි වාරය වියට්නාමයේ පසුගියදා පැවති අතර ‘2024 Mr. World’ තරගාවලියේදී ශ්‍රී ලංකාව නියෝජනය කරමින් ඉදිරිපත් වූ, මේඝ සූරියආරච්චි සුවිශේෂී ජයග්‍රහණ කිහිපයක්ම අත්පත් කරගැනීමට සමත්වීම විශේෂත්වයකි.
එම තරගාවලියේදී අවසන් දසදෙනා අතරට තේරී පත්වීම, ශ්‍රී ලංකාව මෙවැනි තරගාවලියකදී ජාත්‍යන්තර වශයෙන් ලබා ගත් ප්‍රථම ජයග්‍රහණය බව සදහන් වේ. මෙම තරගාවලියේදී හොඳම ජාතික ඇඳුම් නිර්මාණයට හිමි සම්මානය හා තරගාවලියේ වැඩිම ප්‍රේක්ෂක ප්‍රසාදය හිමිකර ගත් තරුණයාට හිමි සම්මානයද දිනා ගත්තේ මේඝ සූරියආරච්චි විසිනි. ආසියාවේ කඩවසම් තරුණයන් අතරින් දෙවන ස්ථානය දිනා ගැනීමට ද ඔහු සමත් විය.
