Globa Village විස්මිත මල් වෙඩි සංදර්ශන හතක් සමඟ නව අවුරුදු උදාව සඳහා සූදානම් වෙමින් සිටියි. විචිත්‍රවත් සංස්කෘතික ප්‍රදර්ශන, සූපශාස්ත්‍ර අත්දැකීම් සහ සජීවී විනෝදාස්වාද අංග සමඟින් සියලුම වයස්වල නරඹන්නන් සතුටු කිරීමට මෙම උත්සව සංවිධානය වේ.
මල්වෙඩි සංදර්ශන රාත්‍රී 8 ට ආරම්භ වී අලුයම 1 ට අවසන් වේ. සෑම පැයකම, ලොව පුරා සැමරුම් නියෝජන කරමින්,මල්වෙඩි වලින් අහස ආලෝකමත් වනු ඇත.
Global Village හි ප්‍රධාන විධායක නිලධාරී බඩර් අන්වාහි මහතා පැවසුවේ මෙම අලුත් අවුරුදු උදාව සෑම කෙනෙකුටම අමතක නොවන එකක් කිරීමට අවශ්‍ය බවයි.
සංස්කෘතීන් 90 ක් නියෝජනය කරන මණ්ඩප 30 කට අධික සංඛ්‍යාවක් Global village භූමියේ පිහිටා තිබේ. අමුත්තන්ට සාම්ප්‍රදායික එමිරාති ආහාරවල සිට ජාත්‍යන්තර ආහාර වර්ග දක්වා විවිධ ආහාර වර්ග 250 ක් පමණ රසවිඳීමට අවස්ථාව හිමි වේ.
සවස 4 සිට අලුයම 3 දක්වා Global Village විවෘත වනු ඇත.
