සීගිරිය රාත්‍රී කාලයේදීත් සංචාරකයන් සඳහා විවෘත කිරීමට සංචාරක අමාත්‍යංශය තීරණය කර ඇත.
මෙම වැඩසටහන එළැඹෙන මාසයේදී නියමු ව්‍යාපෘතියක් ලෙස දියත් කිරීමට නියමිතය.
සෑම මසකම පුර පසලොස්වක පොහෝ දින, ඊට පෙර දෙදින සහ පසු දෙදිනක් වශයෙන් සඳ එළියේදී සීගිරිය නැරඹීමේ අවස්ථාව එමගින් සංචාරකයන්ට උදාකර දෙයි.
දැනට සීගිරිය නැරඹීමට සංචාරකයන්ට අවස්ථාව දී ඇත්තේ පෙරවරු හයේ සිට පස්වරු හය දක්වා වන කාලයේදී පමණි.
