ජාත්‍යන්තර මූල්‍ය අරමුදල (IMF) විසින් ශ්‍රී ලංකාවට ක්‍රියාත්මක කිරීම සඳහා ලබා දුන් සියලු දුෂ්කර ප්‍රතිසංස්කරණ පසුගිය වසර දෙක තුළ දී සිදුකර අවසන් බව එම මූල්‍ය අරමුදලේ ජ්‍යෙෂ්ඨ දූත මණ්ඩල ප්‍රධානී පීටර් බෲවර් මහතා පවසයි.
ශ්‍රී ලංකාවේ ආර්ථික ප්‍රතිපත්ති හා ප්‍රතිසංස්කරණ වලට සහාය දීම සදහා ජාත්‍යන්තර මූල්‍ය අරමුදල වසර 04ක විස්තීර්ණ ණය පහසුකම් වැඩසටහනකට ශ්‍රී ලංකාව සමග 2023 වසරේ මාර්තු මස 20 වැනිදා ගිවිසුම් ගතවිය.එහි වටිනාකම ඇමෙරිකානු ඩොලර් බිලියන 03කට ආසන්නය.පළමු, දෙවැනි සහ තෙවැනි වාරිකය ලබාදී ඇති අතර එහි 04 වැනි වාරිකය ලෙස ඇමෙරිකානු ඩොලර් මිලියන 334ක මුදලක් ශ්‍රී ලංකාවට ලබාදීම අනුමත කරමින් ඇමෙරිකාවේ වොෂින්ටන් නුවර දී මාධ්‍ය හමුවක් පවත්වමින් ඔහු මේ බව සඳහන් කළේය.
පසුගිය වසරේ ආර්ථික වර්ධනය සියයට 05%ක ඉලක්කයක් වෙත ළගා කරගැනීමට හැකි වීම නිසා ඉදිරියේදී ශ්‍රී ලංකාවේ ආර්ථිකය වර්ධනය වනු ඇතැයි ද පීටර් බෲවර් මහතා කීවේය.එහිදී ඇති හැකි අය කැපවීමක් කළ යුතු බව සදහන් කළේය.
