කච්චතිව් දූපත නැවත ලබා ගැනීමට අවශ්‍ය පියවර ගන්නා ලෙස ඉන්දීය මධ්‍යම රජයෙන් ඉල්ලමින් තමිල්නාඩු ප්‍රධාන අමාත්‍ය එම්. කේ. ස්ටාර්ලින් රාජ්‍ය සභාව වෙත ඉදිරිපත් කළ යෝජනාවලියට අනුමැතිය හිමිව ඇති බව ඉන්දීය මාධ්‍ය වාර්තා කරයි.
එහිදී ඉන්දු – ශ්‍රී ලංකා ගිවිසුම වහා සමාලෝචනය කර මෙලෙස කච්චතිව් නැවත ලබා ගැනීමට අවශ්‍ය පියවර ගන්නා ලෙස ඔහු ඉල්ලා තිබූ එම යෝජනාව එහිදී ඒකමතිකව සම්මත වී ඇති බව වාර්තා වේ.
එමෙන්ම ශ්‍රී ලංකාව තුළ රඳවාගෙන සිටින ඉන්දීය ධීවරයින් නිදහස් කර ගැනීම සඳහා ඉන්දීය අග්‍රාමාත්‍යවරයාගේ ශ්‍රී ලංකා සංචාරයේදී සාකච්ඡා කළ යුතු බවද තමිල්නාඩු ප්‍රධාන අමාත්‍යවරයා ප්‍රකාශ කර තිබේ.
