ඉතිහාසයේ පළමුවරට දිවයිනේ ඛනිජ තෙල් නිෂ්පාදන අපනයන ආදායම ඇමරිකානු ඩොලර් බිලියනයක මට්ටම ඉක්මවා ගොස් තිබේ.
නැව් සහ ගුවන් යානා ඉන්ධන සැපයුම් පරිමාවන් ඉහළ යාම ඊට ප්‍රධානම හේතුව බව මහ බැංකුව සඳහන් කළේය. රතු මුහුද ආශ්‍රිත නැව් ගමනාගමනයට ඇති වූ බාධා ද ඊට හේතුවී තිබේ.
පසුගිය වසරේ ශ්‍රි ලංකාවේ අපනයන ආදායම ඩොලර් බිලියන 12.8 ක් වූ අතර, 2023 වසරට සාපේක්ෂව එය සියයට 7.02 ක වර්ධනයකි.
අපනයන ආදායම වර්ධනයට ඛනිජ තෙල් නිෂ්පාදන අපනයන ඇතුලු කාර්මික අපනයනවල ඉහළ යාමද හේතුවූ බව මහ බැංකුව සඳහන් කරයි.
