ශ්‍රී ලංකාව, ඉන්දීය අගමැති නරේන්ද්‍ර මෝදි ද්විපාර්ශ්වික සාකච්ඡාවලදී එහි අවශ්‍යතාව පිළිබඳ ප්‍රකාශ කළද, මේ මොහොතේ ඉන්දියාව සමඟ එක්ව පාලම් ව්‍යාපෘතියක් සලකා බැලීම ප්‍රතික්ෂේප කර ඇතැයි වාර්තා වේ.
දෙරට සම්බන්ධ කරන භෞතික පාලමක් පිළිබඳ යෝජනාව මුලින්ම ඉදිරිපත් වූයේ 2002/2004 කාලයේ රනිල් වික්‍රමසිංහ එවකට අගමැතිවරයා ලෙස සිටි රජය යටතේය.
2023 දී ජනාධිපතිවරයා ලෙස රනිල් වික්‍රමසිංහ නවදිල්ලියේ සංචාරයකදී, ඒකාබද්ධ නිවේදනයේ භෞතික සම්බන්ධතාව ගැන සඳහන් විය.
කෙසේ වෙතත්, බහුවිධ මූලාශ්‍රවලින් ලැබුණු තොරතුරුවලට අනුව, ජනාධිපති අනුර කුමාර දිසානායක පසුගිය දෙසැම්බර් මාසයේදී නවදිල්ලියේ සංචාරයකදී, මේ මොහොතේ මෙම ව්‍යාපෘතිය ඉදිරියට ගෙන යාම ප්‍රතික්ෂේප කළේය. එහි ප්‍රතිඵලයක් ලෙස, ඉන්දීය අගමැතිවරයාගේ මෑත සංචාරයේදී ශ්‍රී ලංකාවේ න්‍යාය පත්‍රයේ මෙම කාරණය ඇතුළත් නොවීය.
නමුත් ද්විපාර්ශ්වික සාකච්ඡාවලදී එක් අවස්ථාවකදී අගමැති මෝදි, දෙරට අතර භෞතික සම්බන්ධතාව ගැන සඳහන් කළේය.
ඔහු සංචාරයෙන් පසු ඉන්දීය ගුවන් හමුදා හෙලිකොප්ටරයකින් ශ්‍රී ලංකාවෙන් පිටත්ව යන විට, පුරාණයේ ශ්‍රී ලංකාව සහ ඉන්දියාව සම්බන්ට කළ රාම සේතුව ඔහු නිරීක්ෂණය කළේය.
